المشاركة الأصلية كتبت بواسطة عمرو عقبه
اسمحوا لى احكى قصه صغيره..
بما انى جايب عربيه جديد..
ففى كتير من الامور اللى بتيجى بالخبره لسه ما اتعلمتهاش..
المهم من كام يوم راكب العربيه بالليل وجنبى اختى.. زمرت لواحد راكب موتوسيكل عشان اعدى منه.. شاور لى بأيده وكأنه بيقولى عدى يا زفت!!!
المهم عديت.. جيت عند ملف وبحاول اعدى من تكتك لقيت فى المقابل عربيه جايه وفى نفس الوقت بتاع الموتوسيكل بيحاول يعدى وشتمنى!!!
وشى إحمررررررررر !!!!
وقلت أكيد عملت حاجه غلط وزنقت عليه ولا حاجه..
بعد شويه حصلنى وقالى بقا تشتمنى وتقولى يا حلوف!!! رديت وقلت له والله ما فتحت بقى!!!
تقريبا بتاع العربيه شتمه لما كنا بنحاول نعدى احنا الاتنين والتكتك والعربيه فى المقابل!!1
المهم فهمته انى ما شتمتوش ولا فتحت بقى اصلا كل ده واحنا سايقيين.. وسبقنى هو..
وقفت اشترى حاجه من صيدليه ورجعت لقيت صاحبنا بتاع الموتوسيكل واقف محتاس بالموتوسيكل عطل منه.. رحت له وقلت له يا اخى انا ما اتكلمتش اصلا.. وايه اللى فى الموتوسيكل ممكن اساعدك..
وعدى الموضوع..
الاشكال ان فعلا ممكن المصايب تيجى لحد عندك.. وكمان ممكن تحرج لوجود احد افراد الاسره معاك.. وممكن تقع مع واحد لا من مستواك الاجتماعى ولا البدنى.. وتبقا انت الخسران..
بس من خبرتى السابقه فى سواقة الموتوسيكلات ان مشاكل كتير ممكن تتحل بابتسامه.. كلمة معلش .. لا مؤاخذه يا برنس.. وربنا يكفينا شر المبرشمين والمحششين..