الموضوع: ماذا تفعل أذا أضطرتك الظروف لخناقة مع سواق ميكروباص

أستاذنا الفاضل أستاذ حسام
حمد الله على سلامة جضرتك وسلامة المدام
والله احنا بقينا عايشين فمستنقع زباله الزباله
لسة الموقف ده حصلي النهارده
عيل صغير مبرشم ماشي على رجله وانا داخل على ملف المهم استنيته يعدي لقيته راجع تاني بكل سذاجه وعربيات خلفي كانت هتخبط فيا لو فرملت المهم هوشته عشان ميعديش
إذ فجأة يركب توكتوك مع واحد صاحبه أكبر منه
وجايين ورايا وبيقربو من العربية والعيل الصغير بيخبط على المراية وبيشتم
طبعا انا عربيتي شاريها من أأقل من شهرين
ومستحملتش التخبيط اللي بيخبطه وإستفزني جداااااااااااا
خلاني فعلا فرملت على جنب ونزلت لقيته راح يجيب شومه من التوكتوك
مسكت فيه كنت هفعصه تحت رجليا
لقيت أصحاب التكاتك جايه تجامل وواقفين معاه
ساعتها من كرم ربنا وفضله
الناس الكبيرة أصحاب المحلات إتدخلت ومسكت فالعيال والواد صاحبه بيفتح بوقه مستنيك فالعاشر
لقيت واحد رادد عليه وشاتمه بالنيابه عني
الكلام ده قبل المغرب
وساعتها متغاظ اني مفرمتش الواد وحاسبته على شتايمه ليا ولأهلي
لكن حمدت ربنا انها جت على كده بدون أدنى خسائر
وان من كرمه وقفلي ولاد الحلال وإلا ساعتها أأقل الخسائر زجاج أمامي وخلفي فيما يقرب من 6 الاف جنيه
عشان عيل مالهوش لازمة
وانت اتصرفت صح
وهدى من روعك
وجزا الله الاعضاء خير الجزاء
فقد هدأو من روعي أيضا

المشاركة الأصلية كتبت بواسطة hosaam

أنا أخوكم في الله ( مهندس / حسام .. 50 سنة ) صاحب الموضوع الأصلي . و أنا آسف جدا جدا أني أتأخرت في الرد عليكم لحد دلوقتي لأني كنت في زيارة لوالدتي أمبارح و رجعت بالليل متأخر و النهارده في الشغل . فيدوووب لسه قاعد على الكومبيوتر دلوقتي .. معقولة كل هذا الكم من الأخوة الأعزاء . معقولة كل هذا الكم من القلوب الطيبة .. معقولة كل هذا الكم من الحب في الله .. معقولة كل هذا الكم من الأخلاص في النصيحة و الرد . أقسم بالله العظيم أني قد أحببتكم جميعا في الله دون أن أراكم أو أرى وجوهكم البشوشة الكريمة . أنتم جميعا بأخلاقكم الكريمة و قلوبكم الرحيمة الخير الباقي لهذا البلد و الخير المتبقي من هذا الزمان .. لا أجد ما أكافئكم به و لو مررت على بيوتكم واحد واحد فحملت له هدية تليق بما له من محبة في قلبي .. يكفي أنكم أخرجتموني أنا و زو جتي من الحالة النفسية السيئة التي كنا فيها من يوم الخميس حتى طالعنا رودودكم الجميلة .. لا أجد ما أكافئكم به ألا أن أترك أجركم و ثوابكم على الله . هو خيرا ثوابا و أعظم أجرا . لا أجد ما أكافئكم به ألا أن أدعو الله من كل قلبي لكل من شارك في الرد على هذا الموضوع . أن يمتعه بالصحة و العافية و يبسط له الرزق من حيث لا يحتسب و أن يجعله هو و والديه و أهله و أولاده جميعا من أهل الجنة ... الآن فقط أستطيع أن أقول أنني لن أخاف من تكرار هذا الموقف معي ثانية .. الآن فقط أستطيع أن أقول أن معايا قاعدة بيانات بتحرك بيها و قرار مدروس جاهز للأستخدام مباشرة مستمد من تجارب حضراتكم و أراءكم السديدة . لا مفاجأة لي بعد اليوم بفضل الله ثم فضلكم جميعا .. أما عن تكملة ماحدث مع الثور الهائج ( سائق الميكروباص ) . فقد حاول أستدراجي للخروج من السيارة بأي شكل بالزعيق و التشويح بالأيدين يود فى قرارة نفسه أنه ينقل الوضوع من مخالفة مرورية أو خطأ مروري الى خطأ في الأباء و الأمهات عشان يبقى سبب يستحق نبدأ بيه المعركة . المدام طبعا جنبي عمالة تقوللي سيبك منه يا حسام ما تبهدلش نفسك معاه يا حسام . أعمل أييييه . لقيت نفسي بصورة تلقائية عمال أقوله معلش يابني حصل خير يا بني و قعدت أكرر فيها أكتر من مرة عشان يتهد و يهدا . المهم لما ملاقاش فيه فايدة أني أخرج بره العربية و محاولة الأستدراج فشلت أذا بيه و بكل عزم أيده ينزل هبد و رزع و تخبيط على سقف العربية و يقول مادام ما بتعرفش تسوق يبقى ماتركبش عربية . أنا برضه حسيت أن التخبيط على العربية هدفه برضه أستدراجي للخروج من العربية . المهم لما لقى أن مفيش فايدة و أنا قاعد متبت في مكاني بدأ صاحبه اللي معاه يسحبه لحد ما ركبه الميكروباص بتاعه و خد بعضه و مشى . و طبعا أن ما كنتش أقدر أتحرك ألا لما يمشي هوه لأن كان بيني و بينه نص متر و جه تاكسي قفل عليا من ورا . طبعا بقية طريق العودة للمنزل عينيا على الطريق لكن دماغي كله شغال في الموضوع لكن الحمد لله وصلنا بسلام . المشكلة بعد ما روحت كل ما أحاول أشيل الموضوع من دماغي مش عايز يتشال و السؤال اللي عمال يطرح نفسه هل أنا قصرت في الدفاع عن نفسي و زوجتي و العربية و أيييه هي حسابات الربح و الخسارة في الموضوع . و بعدين أنا مش هاممني اللي فات على قد ما هاممني لو أتكرر معايا الموقف بعد كده . لحد ما قررت أعرض الوضوع على حضراتكم . و الحمد لله أن معظم الأراء جاءت متوافقة مع عدم النزول لمستوى هؤلاء العربجية . حتى من حبذ أستخدام العنف و القوة في الموضوع حبذها في عدم و جود الزوجة . أرجوا ألا أكون قد أطلت عليكم . بارك الله لكم جميعا . و بارك عليكم جميعا . و حفظكم في أموالكم و أنفسكم و أهليكم و وقاكم شر طريقكم و حفظكم من كل مكروه و سوء . و السلام عليكم و رحمة الله و بركاته .

ياباش مهندس العالم دى عالم جبانات ولو وريته العين الحمرا كان لم نفسة واتكتم هما كدا تسكت ليهم يزدو فيجب ان تكون مستعد انزل امسك فى رقبتة وقول للمدام اطلبى النجدة كنت حتلاقيه لمؤخذه................ وفر هاربا غالب العربجية دولا عربجية كارو وماشى اصلا من غير رخص ولا يحزنون فلابد ان يكون الرد قوى حتى يلزم كلا مكانه انما الصمت والله يسامحك ومعادش بيعمل فى الزمن الوسخ اللى احنا عايشينه اخلاق الناس بقت هباب خصوصا سواقين الاجرة والتكاتك والموتسيكلات**