الموضوع: ماذا تفعل أذا أضطرتك الظروف لخناقة مع سواق ميكروباص

ها سيب سواق الميكروباص واستعوض ربنا وامشي
:019f3b~14:

معلش هوا مش اي حد ها يتصرف كده ..
بس للاسف انا مش ارنولد ولا فاندام
ولا كمان شايل سلاح معايا ف العربيه ..( سلاح الي ثقيل كمان ومضاد للدبابات
معلش .. وقبلي عندك..
وربنا يسترها علينا وعليكم

موقفان مشابهان
الاول معايا بس من حوالي 15 سنة ومشتها حقك عليا وانت الكبير ومخدش بالي لان كان معايا والدى ووالدتي واختي و كنت عارف طبعا خط السير بتاعه
و تاني يوم كنت مستنيه فى مكان مناسب ومعايا اتنين حبايبى بس و اتعمل معاه الواجب من غير ضرب لانه كان عامل زي الفار المبلول ودى مش عربيتى يا بيه وانا اسف وحقك عليا كل ده من غير كلام مجرد اننا واقفنا ادام عربيتة ونزلنا و سبته بعد كده يروح لحاله..........

كنت راكب مع سواق ميكرو باص من سنه تقريبا و رخم على راجل كبير للاسف حوالي 45/50 سنه
الراجل كان ساكت جدا واحنا سكتنا السواق الزغلول الشملول بالعافية بعد ما قل ادبه على الراجل جدا
بعدها بيومين ثلاثه ميكرو باص غريب وقف جنب الموقف اللي بيحمل منه الشملول وفي لحظات كان السواق الزغلول جوا الميكرو باص الغريب واختفى
قلبوا الدنيا عليه 3 ايام تليفونه مقفول و فى الاخر اتصلوا بعائلة السواق وقالولهم تعالوا خدوا ابنكم كان ضيفنا 3 ايام و كان سليم معافى لم يمسه احد بسوء بس كانوا مكتفينه طول المدة

واخيرا حاول تبعد على اد ماتقدر عنهم من البدايه سيبهم يغوروا فى داهيه وحاول متحتكش بيهم
تحياتي

فعلا يافندم الخناق ده وسيلة سيئة واغلب سواقين الميكروباصات لا ادب ولا ذوق ولا احترام والافضل انه حضرتك تتجنب الخناقة او الدخول فيها

في السابق كان معروف عن سواقين الميكروباصات انهم ازبل فئة في المجتمع

اما دلوقتي بقى معروف عن الشعب كله كدة مع احترامي للبعض هنلاقي السواقين ميكروباصات وتوكتوك وتاكسي وملاكي وموتوسيكلات صيني وصغار وشيوخ كله بقى قليل الادب وتأثير التربية انقرض من اغلبهم للاسف

طبعاً انا مش هتخانق مع اي سواق غير لما يكون في سبب قوي واقوي سبب انه مثلا يشتم اهلي او يسب الدين لكن شتمني انا او حك العربية او اي حاجة ممكن اعديها عادي

في المواقف دي لما تلاقيه عايز يتخانق دوس بنزين و متديهوش فرصه يحصلك من أصله تجنبا للأحتكاك هو الدماغ اللي عاملها طالبه معاه مشاكل و نفش ريش
و صدقني حضرتك لو عملت كده لا يمكن تتحسب عليك ضعف أو خوف لا مجرد تجنب للمشاكل
و ده موقف بسيط لأتنين راجعين من شغلهم في القاهره إلي بلدتهم بالفيوم و معاهم سلاحهم (قضاه)
و رخم عليهم عيل بميكروباص و عايز يتخانق و قل أدبه و شتم و عمل ما لا يمكن أحد يتحمله سابوه و لا أدوله أهتمام و الكلام ده كان في أعقاب الثوره مباشرة و كان ممكن ينزلوله يرنوه العلقه التمام و يضربوه طلقه و يسلموه أو يرموه حتي في الصحرا و لا حد هايقول لهم تلت التلاته كام ... لكن قالو أقل الأضرار و أقل المخاطر إننا نسحب بالعربيه و نبعد عنه مع إنهم أتعرضو لضغط نفسي ... لكنهم عملو الصح

في المواقف اللي زي دي أبعد عن المشاكل بدون ما تتوقف بعربيتك و لا تنزل لأحد نهائي
بالتوفيق و ربنا يستر طريقكم و طريقنا