مشكلتى مع السياره الجميله

**m_marmoush** · 09-10-2008 04:27 PM

المشاركة الأصلية كتبت بواسطة tutankhamoun

منظف رشاشات أسمه رابيدو أو سبيدو مش فاكر
هو من إنتاج شركة مصرية و ممتاز و العلبة بسبعة جنيه تقريبا و بأشتريه على طول من كارفور

و بالنسبة لمحطات البنزين
تقريبا كل محطات امارات مصر ...... الناس بتشكر فيها
بعض محطات شل ........... و محطات وطنية .... و موبيل ( البعض كويس و البعض الأخر مش كويس )

دي بقى تسأل فيها في المنطقة اللي أنت دايما بتمون منها

لأن أنا مثلا دايما أمون من شارع الهرم و 6 أكتوبر و طريق اسكندرية من عند محطات اللي قرب عز العرب

أخى و نجم بروتون الأستاذ توت
شكرا لأهتمامك و ردودك على كل أستفسارات ملاك الجين 2

كنت عايز أضيف حاجه سمعتها بس مش متأكد منها
لا يفضل أستعمال منظف الرشاشات لأنه ليه تأثير سلبى على الرشاشات و البساتم
معرفش المعلومه دى صح ولا لأ بس اللى ألهالى كان ميكانيكى أوبل محترف أيام الكورسا

**tutankhamoun** · 09-10-2008 04:48 PM

المشاركة الأصلية كتبت بواسطة m_marmoush

أخى و نجم بروتون الأستاذ توت
شكرا لأهتمامك و ردودك على كل أستفسارات ملاك الجين 2

كنت عايز أضيف حاجه سمعتها بس مش متأكد منها
لا يفضل أستعمال منظف الرشاشات لأنه ليه تأثير سلبى على الرشاشات و البساتم
معرفش المعلومه دى صح ولا لأ بس اللى ألهالى كان ميكانيكى أوبل محترف أيام الكورسا

يا باشا تأمر و العفو و أنا تحت الخدمة في أي وقت

و بالنسبة للمنظف
لا أعتقد يا باشا إن الكلام دي سليم
فيه منتج تاني أسمه " منظف دورة الوقود " ده اللي خطر تستخدمه كل فترة قصيرة و يجب استخدامه كل 6000 أو 7000 كم و مكتوب عليه كدا
إنما المنظف بيقولوا أنك ممكن تستخدمه مع كل تفويله للحفاظ على نظافة الرشاشات
إنما أنا بحطه كل 1500 كم أو 2000

إنما منظف الرشاشات مختلف و مش بيأثر على العربية في حاجة
و كمان مراكز الخدمة برة مصر بتستخدمه

ميكانيكية مصر بتفتي
ممكن يكون شاطر في الفك و التركيب
إنما للآسف عدم الدراسة بيخليهم يألفوا معلومات غلط