في الانتظار
عرض للطباعة
وانا مؤيد لكلامك إن إرسال شكوى لبيجو مصر هيبقى بدون فائدة, وفعلاً هايكدبوا على بيجو فرنسا, وعشان كده لازم تبقى خطوه جماعية مش فردية لإعطاء مصداقية, ولازم تبقى على صفحاتهم على الفيسبوك بصورة جماعية منظمه مش فردية عشوائيه (صفحة بيجو فرنسا و صفحة بيجو مصر لتنبيه المشتريين الجدد).
وانا بقترح بعد المشاوارت هنا و تجميع الاراء بدء موضوع جديد باللغة العربية و الإنجليزية يحتوى على الشكاوى و المقترحات و إضافة اللينكات على صفحة بيجو فرنسا و بيجو مصر.
* لازم الشركة تاخد إنطباع إن المجتمع المصرى مجتمع منظم و بيدافع عن حقه و حقوق المستهلكين (بغض النظر عن المكاسب الاولية) ويبقى معروف إننا مش هانسكت عن حقنا.
طبعاً مش هاينفع إن الاعضاء يقوموا بنشر رقم الموبايل الشخصى و رقم البطاقة ونمرة العربية لعدم سوء إستخدامهم, علماً بإن رقم شاسيه كل عربية مسجل فى قاعدة بيانات بيجو بإسم العميل و رقم الموبايل و رقم بطاقة الرقم القومى.
بس عندى سؤال لأهل الخبرة, هل مشاركة رقم شاسيه العربية علناً ممكن يساء إستخدامه و إحداث ضرر للأعضاء؟
هل ممكن إدارة المنتدى تقوم بتجميع ارقام الشاسيهات و لا ده هايبقى فى إحراج لإدارة المنتدى؟
هو انا لما اغير بوجيهات وفلتر بنزين وانا عامل 12000 كم علشان مشكلة استهلاك البنزين العالي واروحلهم تاني وانا عامل 18000 كم وانا برضوا بشتكي من حكاية التيل خلص وانا في دمياط وبوظلي الطنابير وساعتها عملولي صيانة 20000 كم اللي هي بيتم فيها تغيير بوجيهات وفلتر بنزين طلعت الفواتير ووريتهم للمهمدس اني مغيرهم علي 12000 يعني ده يرضي ربنا ده ده انا روحت كنت رايح بشتكي من مشكلة البنزين وروحت زي الاهبل دفعت 400 ج يوجيهات 134 وفلتر 40 ج والباقي ضريبة ومصنعية بس بسيطة فواتيرهم دي ان شاء الله هتبقي دليل ضدهم في حماية المستهلك
https://docs.google.com/file/d/0BztI...p=docslist_api
جدول صيانة بيجو ٣٠١ من موقع بيجو مصر ، الطبيعي ان جدول الصيانة يتنفذ .[img3]ًًًًًhttps://docs.google.com/file/d/0BztI70DjQoPjM19VN1c2Snl4SzA/edit?usp=docslist_api[/img3]
الملف مرفوع على جوجل و بيطلب تصريح لفتح الملف
You need permission
Want in? Ask the owner for access, or switch to an account with permission. Learn more
You are signed in as xxxxxxxx@xxxx.com.
الزميل العزيز أبو هند
أرجو التريس قليلاً ولاداعى للخروج من ضمان التوكيل الآن ، حتى نستنفذ جميع الوسائل الممكنة، وإذا لم نجد حل سيكون الخروج جماعى إن نشاء الله ، ولكن لابد من معرفة مركز صيانة محترم نتعامل معه بدلاً من التوكيل، إذا تم ترك التوكيل.
وأتفق معك فيما ذكرته ، واتفق مع باقى الزملاء فى كل أرائهم
ولكن مبدئياً المفروض أن نعرف متوسط أسعار قطع غيار السيارة فى الدول الأخرى ، وهل أسعارها فى التوكيل مبالغ فيها ، أم هى سياسة شركة بيجو الفرنسية ، أن تبيع السيارة لنا مرتين ؟
مع الشكر
متابع ومعاكم فى اى تصعيد من الممكن الاستفادة الجماعية منه
يا ابو هند، تكلفة صيانة ال10 فى العادى فى حدود 600 جنية زى باقى العربيات، اللى بيعلى فلوس الصيانة لو غيروا التيل فدة بيضاعف التطلفة تقريبا، 450 تيل و بتاع 150 جنية مصنعية و ضرايب.
موضوع انك تنفض للضمان دة ممكن فى حالتك عشان عربيتك مانوال و ان كنت انا مفضلش كدة عشان مهما كان لسة العربية جديدة و مش عارفين ممكن لا قدر الله يظهر عيب خطير فيها بعد كدة.
ممكن تكمل معاهم فى الصيانات عادى بس متسمعش كلامهم فى اى حاجة عايزين يغيروها زيادة و اقفش على رأيك و قولهم على مسئولية العميل و بكدة تبقى وصلت لحل وسط ميلغيش الضمان فى اى حاجة كبيرة لا قدر الله
و الله يا رجالة انتم عندكم حق فى النقطة دى، انا لمت نفسى انى دفعت تمن التيل فى صيانة ال10 و قلت كنت مفروض عملت قلق و شيلتهولهم خاصة انة بيصفر من ساعة ما العداد وصل 8000، عامة ملحوقة فى التيل الجديد، لو مكملش 15 - 16 الف هروح اتخانق على طول.
بالنسبة للفلاتر، اخرى الصيانة الجاية فلتر الزيت و البنزين، مش هغير ولا هوا ولا تكييف و اللى عايزين يعملوة يعملوة، فى items نصب 100% فى جدول الصيانة اللى نازل دة بصراحة
انا شايف ان المعتاد في كل الصيانات
تغيير تيل الفرامل والبوجيهات
وتغيير الفلاتر
وده امر لازم نفهمه علشان نحله
لان في العربيات الاخري- والاقل من 301- البوجيهات وتيل الفرامل بتتغير في صيانات كبيرة
لكن اول 10000 و 20000 تغيير بوجيهات وتيل فرامل !!!
يبقي ياما جودتهم ضيعفة وده هياثر علي اعتمادية العربية او التوكيل بيستعبط وبتصرفه ده بياثر علي ثقة العملاء في العربية (والغالب علي ظني انه بيشتغلنا وبيستغل عدم علمنا علشان يكسب)
محتاجين نعرف نوع البوجيهات في بيجو 301 ايه علشان نعرف تقعد قد ايه
وتيل الفرامل برضه
والفلاتر المفروض تتنضف مش تتغير خاصة ان العربية علي الصيانات الاولي لاتستدعي تغييرها لانها لسه جديدة