-
شكلي هنفض للتوكيل
بعد مراجعة صيانات ال10000 في بعض أقسام المنتدى
نويت أطنش التوكيل وف60 داهية الضمان و بالمرة أركب كماليات على راحتي من غير بعبع الضمان
إن شاء الله هبقى أروح صيانة ال2500 لما يجي معادها و بعد كده هطنش (عشان مجانية)
دي تكلفة الصيانات لبعض السيارات في نفس الفئة السعرية للبيجو 301
- شفت نيسان صني لقيت ليها صيانتين 5000 و 10000
التكلفة الإجمالية للصيانتين حوالي 700 (قطع غيار-ضريبة-مصنعية) و عمر محد غير تيل و لا بوجيهات و لا كلام فارغ من اللي التوكيل بيعمله فينا ده و لما كانه بيغيروا للناس تيل كانوا بيعتبروه عيب صناعة و بيشيلوا التكلفة و المصنعية كاملة و العميل ميدفعش و لا مليم
- أبترا حوالي 500 جنيه (قطع غيار-ضريبة-مصنعية)
- اكسنت ار بي 600 جنيه ( قطع غيار-ضريبة-مصنعية)
يبقى ايه اللي يخليني أروح أدفع 1500 لل301 بدون داعي
هشوف مركز محترم و أتابع الصيانة فيه طبقاً للجدول
و صدقوني لو كلنا مرحناش هينزله أسعار المصنعية غصب عنهم
لأن تكلفة الصيانات مبلغ محترم أوي و بيفرق جداً في الخطة التسويقية للوكيل .....لو خسر العائد اللي هو منتظره هينزل أسعار الصيانات و المصنعيات و مش بعيد قطع الغيار كمان
تحياتي
-
نفرض ظهر عيب صناعة رئيسي هتلف ساعتها حوالين نفسك وتقول ياريتني
-
أنا أؤيدك تماماً لأنهم فعلا بيستغلونا
-
و صدقوني لو كلنا مرحناش هينزله أسعار المصنعية غصب عنهم
لأن تكلفة الصيانات مبلغ محترم أوي و بيفرق جداً في الخطة التسويقية للوكيل .....لو خسر العائد اللي هو منتظره هينزل أسعار الصيانات و المصنعيات و مش بعيد قطع الغيار كمان
او يرفع سعر العربيه اكتر ههههه
-
-
-
صيانة ال ٢٠ الف تكلفتها حوالي ١٨٠٠
طب الاكسنت والريو والصني كام
والبيجو بتعمل صيانة ايه فى ال ١٠ آلاف عشان يدفع ١٥٠٠
-
مش متفق مع حضرتك راي ان الضمان ضد عيوب الصناعه هام جدا و الصيانه المستمره مهمه جدا في السيارات الاوروبيه
-
ايه شغل الحراميه ده .... صيانه ال 10 الاف رينو فلوانس شامله كل حاجه بضريبه المبيعات 750 -800 جنيه
-
لو تسمحلى اشارك برأيى, يبقى ماتخطرش بإنك تخرج عربيتك من الضمان, الاولى إننا نعمل حمله عامة من اعضاء المنتدى هنا ملاك البيجو 301, ونبعت لبيجو فرنسا شكوى بطبيعة المشكلة - التكلفة الزياده عن اللزوم فى الصيانه - مرفق معاها ارقام الشاسيهات, ونفس الموضوع على صفحة الفيسبوك لبيجو مصر نوضح فيها المشكلة. دى رايى المتواضع و ارجو إنك تحته فى الإعتبار قبل ماتخرج عربيتك من الضمان.
Content Relevant URLs by
vBSEO 3.6.0 PL2