الموضوع: مشكله في لمبه تشك و هولد في الاوبترا

انا ما اخدتش بالي من الاسم اللي طلع لان الكهربائي وراهولي بسرعه بس هو قالي انه حساس الهوا وهو غيره بواحد استيراد وهو مكانه فوق المكان اللي بيتحط فيه الزيت وفعلا فيه فيشه وخرطوم صغير، هل ده اللي قصد حضرتك عليه؟

ايوه هو ده،
ممكن يكون اللى ركبه ده فيه مشكله، ده مش احتمال ضعيف، ده احتمال قوى،
حاول ترجعله وتغيره ،
وياريت كمان تكشف على البوجيهات وعلى ضغط الرشاشات وطلمبة البنزين ، بالجهاز ، هاتعرف المشكله منين بالتحديد
ولو تحب كلمنى قبل نا تدور عربيتك صباحا وهى بارده كلمنى هانعمل اختبار بسيط مع بعض

شكرًا مهندس محمد، انا رحت التوكيل النهارده وقالي العيب في حساس وخرطوم الماب، وقال ما يقدرش يشوف الفتيس غير لما يركب حساس سليم، واحتمال فيه حاجه في الضفيره حسب كلامهم، وقالوا الحساس ب ٥٠٠ جنيه، المهم سبتهم وجبت وأحد استيراد وطلعت الاولاني، وخليت الكهربائي بص علي الفتيس ع الجهاز فطلع كود ٠١٠٠ ، ومش ممكن مسحه، تعرف حضرتك او حد من الاخوه هنا ده ايه ويتحل ازاي؟

Code 0100ده بتاع حساس maf اللى هو حساس الماب،
ده مش هايتمسح معاه غير بالطريقه اللى هاقولك عليها ديه، وده اكيد عن تجربه ،
خليه يفتح كونتاكت بس ، مايدورش ، ويعمل سكان الاول يسجل العطل على الجهاز وبعدين يمسح بردو وهو على الكونتاكت ،
يعنى لا يفصل الكونتاكت ولا يدور، يفضل على نفس وضع الكونتاكت ويعمل سكان جديد وبعدين يدى امر المسح، خليه يجرب وقولى ايه الجديد، انا معاك 24 ساعه

الف شكر يا باشمهندس، يا ريت كنت ساكن في القاهره، كنت جيت لك خلصت الموضوع، المهم أمبارح رحت لميكانيكي تاني وقلت له نضف فيشه الفتيس وفصلها ورش عليها اسبراي، والعربية كويسه من ساعتها، ومفيش لمبه نورت تاني، دلوقتي يا باشا، هل لازم امسح الخطأ ده، الناس استغلاليه هنا، انا دافع حتي الان ١٥٠ جنيه لتشغيل السكانر بس