الموضوع: بعض التجارب لتنظيف الصالون الاسود

يا ريت يا جماعة اللى معاها عربية صالون اسود يكتب ازاى بينظف الفايبر والجلد بتاع التابلوه والابواب

انا هابتدى بنفسى :

طبعا لما بنظف التابلوه والابواب بفوطة مبلولة العربية بتجير من جوه وبيبقى شكلها وحش جدا .

أولا : استخدمت مادة كده جبتها من عند حد بتاع كار كير وكانت النتيجة مزهلة ومش بقى التابلوه ولا الابواب تجير خالص وبيدينى الشكل المط اللى انا بحبه انا مش بحب اللى بيلمع اصلا وكل ما اعمل بيها تصبح العربية كانها زى يوم ما اشترتها .

ثانيا : بعد المادة دى ما خلصت ومش لقيتها خالص اشتريت بخاخة صفرا اسمها فورميولا 1 المهم البخاخة دى بترجع الفايبر والجلد فعلا زى ما كان جديد بالظبط بس فى مشكلة انها بتديله لمعان شوية وانا مش عايز اللمعة دى انا عايز الفايبر والحلد يبقى اسود مط .

ثالثا : واحد صحبى قالى هقولك على حاجة جامدة جدا وفعلا جربتها وهى انى اجيب كريم نيفيا واحط منه قطع بصباعى على التابلوه والابواب وامسج بسفنجه والنتيجة نفس نتيجة الفورميولا 1 باردو بيخلى الحاجة تلمع مش مط مع انه قالى انه هيطفى بعد شوية بس انا لسه حاطه فمش عارف هيطفى ولا لا بس الميزة فى الكريم عن البخاخة الفورميولا ان البخاخة لما كنت برش على التابلوه كان كتير بيجى على الزجاج وكنت بتعب قوى علبان ما انظفه تانى حاجة ان الكريم اعتقد مالوش اضرار بس البخاخة اكيد فيها زيوت كيميائية ودى اعتقد بتأثر على الخامات الموجوده بالسيارة .

رابعا : رابعا دى بقى مستنيها منكو يا ريت اللى جرب حاجة كويسة على الفايبر والبلاستيك الاسود بس يخليه نظيف ومط مش بيلمه يا ريت ينقل لنا تجربته علشان نستفيد

وجزاكم الله كل خير