الرجاء من خبراء الشراء والبيع الدخول

**fawaz2077** · 08-04-2014 11:01 AM

بعد اذن حضرتك كخبير
الرجاء عمل موضوع بالكامل على السيارت وشرائها وبيعها
ونصيحه منك لى لانى انا بفكر انى ادخل شراء وبيع سيارات تجارة يعنى لانى اخدت مكافاة نهاييه الخدمه ومفيش مشروع عدل دلوقتى او بمعنى اصح مشروع ينفع فيه مبلغ قليل زى اللى معايا غير تجارة السيارات
فلو نصيحه منك تقوللى مميزات التجارة فى السيارات وعيوبها وكمان كيفيه الشراء والبيع ونقل التراخيص وتكاليفه والتسجيل وتكاليفه
بمعنى اصح انا عايز مثلا اكسب من 500 الى 1000 فى العربيه بخلاف مصاريف التسجيل والتوكيلات لانى مثلا ممكن اقلب عربيه كل 3 ايام او 5 ايام اقصاها اسبوع

ولا ده مشروع مش اوى برضه

- وياريت كمان كيفيه التأكد من ان ورق السيارة سليم عشان محدش يضحك عليا وتطلع مسروقه او ورقها مضروب

**reda elgohary** · 08-04-2014 11:06 AM

أنا جاري بيشتغل ف الموضوع ده ،، بس السوزوكى فقط ،، لو فيه أي أستفسار ممكن أسأله وأرد على حضرتك .

**reda elgohary** · 08-04-2014 11:06 AM

موفق ان شاء الله .

**Ahmed_BYD_F0** · 08-04-2014 11:07 AM

فعلا مشروع فكرته كويسه
بس انا عن نفسى معرفش فيه خالص
بس انا اشتركت فى موضوعك لانى احب اتابع معاك واشوف خبرات اعضاء المنتدى الاخرين

**insurancebroke** · 09-04-2014 02:26 PM

بالنسبة لورق العربية ده سهل
تروح المروم بصوره الرخصه وتجيب كل البيانات بتاعتها
المهم انك تكون فاهم
عشان متخدش عربيه راشه او عامله حادثه علي انها فابريكه
وتكون خسرت فلوسك وسمعتك

**khaled_rafea** · 09-04-2014 03:32 PM

المهم فى الموضوع ده انك تكون خبير عربيات بنفسك, يعنى انت تقدر تكشف على العربية من غير متحتاج حد و تقدر تقيم سعرها من غير متسأل حد, و تبتدى تدور على فرص فى العربيات اللى بتتباع, غير كده حضرتك ممكن تشترى عربية بسعر اعلى من سعرها او عربية مشغولة و متعرفش تتطلع منها غير بخسارة

**fawaz2077** · 26-04-2014 11:15 AM

طب ياجماعه شكرا على الرد - بس انا فعلا جديد فى الموضوع ده - ومعرفش اختبر عربيه ولا اقيم سعرها - ممكن مثلا يبقى معايا ميكانينكى يقيم ويتاكد من العربيه ولا مش هاتبقى ظريفه
طب الواحد يتعلم ازاى الحاجات دى ولا لازم نتمرمط فى السوق وبين التجار ونخسر عشان نتعلم

ياريت حد يفيدنى بجد ياجماعه