عربية معاقيين

**Omar Nashaaat** · 23-04-2014 04:37 AM

من فترة اتعرض عليا عربية معاقيين ولسه ف الحظر .. كانت اوكتافيا 2002 والحالة ملهاش حل .. فوق الممتازة .. بس اترددت من المشاكل اللى ممكن تحصل من وراها والكماين .. مع انى عايش ف الزقازيق والكماين بتبقى قليلة بس بردة ليا مشواير ف العاشر والمنصورة وبورسعيد والواحد بيكوون متردد او مش بتحس بحريتك انك تسافر بيها وبتقلق .. اللى كنت بشتريها منه بيقولى معاها رخصة تانية مش مكتوب فيها لا يقودها الا مالكها ومجهزة طبيا .. بس خوفت مثلا ف كمين الحوار ده يتكشف الواحد يضيع
فقولت اكيد حد عارف الحوار ده وعايز اتاكد منه اكتر
ولو جبتها من غير ما امشى بالرخصة التانية .. بيكون اية نظامها ف الكماين

عايز حد يرسينى اكتر ع الحوار :)

**shiko85** · 23-04-2014 06:47 AM

اقولك على رأى الشخصى
بلاش احسن, الموضوع كله غلط
اشترى عربيه بالفلوس اللى معاك و ابعد عن فكره سيارات المعاقين خالص

**JAM** · 23-04-2014 08:37 AM

الرخصة التانية مضروبة وبتتعمل فى حدود 1000 جنيه وبتكون طالعة فعلآ من إدارة المرور... وأعرف ناس فضلوا ماشيين بيها سنة ولفوا بيها مصر كلها... بس بصراحة عايزة قلب حديد

**mhopa2440** · 26-04-2014 02:04 PM

انت بتشتغل ايه والعربية معروضه عليك بكام وفات منها كام سنه ولسه فيها حظر قد ايه وشاريها من ضابط ولا المعاق نفسه؟؟؟؟؟؟؟

شوف الايام دي الزقازيق زفت ف المرور كل ما تخرج او تدخل الزقازيق هيقابلك كمين على طريق ميت غمر وموقف المنصورة وعند المرور ف طريق بلبيس ومخرج طريق منيا القمح وكمان طريق ابو حماد
دا كله عليه كماين ثابته دا غير كمين الصاغة وكمين عمر افندي وبتشغل ف اي وقت على حسب مزاج اللي واقفين فيها

وخلي بالك ما هيصدقوا يلاقوا عربية زي حالتك هياخدو العربية وهتدفع غرامة في حدود الفين جنيه

او تفكر اني بقولك مش تشتريها بس دي اسوء الاحوال

الرخصة اللي معمول دي اسمها رخصة بيضاء وبتكون سليمة 100% بس كل ما عليك انك تاخد المعاق صاحب العربية وتطلع على المرور يعملك توكيل بيع بس اوعى وانت رايح تجدد العربية انك تطلع الرخصة البيضاء دي او التوكيل دا هتتهم بقضية تزوير ف اوراق رسمية (تهمة كبيرة على فكرة)

لما تروح تجدد الرخصة لازم بالرخصة الاصلية وصاحب العربية يكون موجود لحد ما تفك الحظر

*** لو محتاج اي شئ او اي استفسار كلمني على الخاص