الموضوع: تأمين ضد الحوادث والسرقة

مبروك عليك يا بشمهندس سمير و تسلتم قريب بالنسبة للتامين مافيس انسب من شركة المشرق بتاعة تويوتا و هوندا مملوكة ليهم و بس
واجبى انوهك انا فى العربية الاولى عملت تامين لانى جبتها من شهر 8 الى فات و بصراحة كنت راهب العربية هو فعلا بيدى ثقة و انت راكبها او و انت راكن تحت البيت بس مكنتش مستريح و فعلا لما جبت العربية الثانية مردتش اعمل تامين لانى كنت حاسس انة فعلا مش صح و مافيش غير انك تسيبها عالله و محدش عارف القدر فكر كويس و شوف الانسب ليك بالتوفيق يا هندسة

المشاركة الأصلية كتبت بواسطة bassem.naguib

مفيش تقرير صغير كدة عن العربية المعدلة .. والفرق بينها وبين اللي قبلها

باسم بية العضو النشيط انا عارف انى متاخر فى التقرير دة و كنت وعدتك بس اعمل اية مافيش وقت ازبط و اهندس تقرير معلشى اظاهر الواحد بقى كسول بس قولى اية اكثر حاجة قالقاك و اناهارد عليك من عنيا

المشاركة الأصلية كتبت بواسطة bassem.naguib

ربنا يخليك يا باشا .. ومنحرمش منك ومن ذوقك .. وأرجو من سيادتك المتابعة معنا دائماً لا لشيء إلا أننا في المنتدى هنا أسرة واحدة نطمئن على بعضنا بالمشاركات .

مش قلقان ولا حاجة لأني متأكد أن التعديل مدروس وهو قائم بالفعل في السيارات خارج مصر مش اختراع جديد بيطبقوه ولسه حيتجرب .

ولكني كنت حابب أني أعرف هل التعديل مجدي فعلاً وجعل السيارة لا تحتك بالمطبات بسهولة ويستاهل أنه يتعمل ولا مش فارق كتير .

أمبارح كنت في التجمع الأول ليلاً .. ولبست في مطبين بسبب الظلام والمطبين فعلاً رخمين .. ونزلت بصيت على العربية من تحت الحمد لله مفيش أي حاجة .. بس الصوت يوجع القلب .

وهل أثرت على الثبات في السرعات العالية ونعومة العفشة .. إلخ .. احكيلنا كل حاجة يعني .. هههههههههه

تسلم يا باشاا على كرم اخلاقك قعلا هو مجزى انك تعلى علشان تبقى ماشى و فى بطنك بطيخة صيفى لحد سواقتى مش مائثرة عالثبات و لو هانفرض انها هاتائثر يعنى حاجة بسيطة قوى و متقلقشى العفشة ناعمة و مية مية و النهاردة عربيتى القديمة بتتعلى و انا لما اوصل من السفر هاقوولك على كل فتفوتة