مشاكل الفرامل في نيو صني

**mokh991** · 19-04-2014 05:55 AM

المشاركة الأصلية كتبت بواسطة ramiabbas

انا شاري العربية في مارس 2013 يعني المفروض في الفترة اللي فيها العيوب .... أول امبارح رحت التوكيل عملت صيانة عشان اربط العفشة و خليتهم كشفوا على التيل المهندس في التوكيل قالي التيل سليم !! بس انا ما شفتش بعيني الحقيقة عمل رجلشه للفرامل و اشتغلت كويس لحد النهاردة رجعت زي ما كانت تاني
أعتقد ان المهندس قالي التيل سليم و هيمشيني لحد الصيانة الجاية و ساعتها يقولي غير التيل اصل عدى عليه 10 الاف كيلو
و سألته عن موضوع العيوب و القضية اللي رفعها حماية المستهلك ضدهم و قالي ان لو عربيتي كانت فيها عيب كانوا اتصلوا بيا .. الكلام مش منطقي الحقيقة لأن العربية فراملها زي الزفت
فأنا هاعمل شكوى في حماية المستهلك ضدهم و اشوف هاوصل لأيه

اعمل شكوه في حمايه المستهلك و متسكتش, عربيتك من ضمن 8500 عربيه فيها مشكلة في الفرامل و الشركه معترفه بكده و المفروض الكلام ده يتصلح ببلاش, لو بصيت علي رقم الشاسيه المكتوب في الرخصه هتلقيه اقل من 8500

**ART_tv90** · 19-04-2014 06:39 AM

المشاركة الأصلية كتبت بواسطة ibrahimsaad

بصوا ياجماعه انا معايا العربيه 2014 وعامل 2200 ك مفيش اى مشاكل فى الفرامل ظهرت معايا لغايه دلوقت

بس لاحظت حاجه كده غريبه ياريت تقولوا لنا رايكم فيها

لقيت فيه مسحوق اسمر على الطاسات من التيل ولو حطيت صباعك هتلاقيه كله هباب اسمر

اعتقد كده ان خامه التيل زباله واعتقد انه السبب واعتقد ان المشكله كده لازالت موجوده رغم انها لم تظهر معى بعد

انا من اول الدفعات اللى فيها العيوب الفرامل وتم تغير الماستر والتيل والطنابير والصاجه الخلفيه عند 12000 كيلو على حساب الضمان .. المشكله بقى ان خامه التيل فعلا سيئه ولم يتم تغيرها ونفس المشكله هتتكرر تانى لان فعلا الهباب الاسمر موجود ذى محضرتك قولت وده معناه ان التيل فعلا بيتاكل بسرعه وبياكل معاه الطنابير .. لازم الشركه تغير نوع التيل السئ ده لان المشكله لاتزال موجوده .. ويعتبر ده عيب من عيوب الصناعه فيجب تغييره على حساب الشركه وليس على حساب العميل ولازم فعلا شكوه جماعيه علشان يغيرو نوع التيل ويستخدمو نوع افضل ...