الموضوع: مشاكل الفرامل في نيو صني

أول تيل فرامل اللي كان نازل مع العربية بكان بيعمل صوت رهيب في مع الفرامل و عرفت انه اتاكل لما وصل لدرجة اني و انا ماشي بيقعد يزيق قعد 8500 كيلو رحت غيرته برا التوكيل عشان ماكنش معايا فلوس الحقيقة :)
رحت للميكانيكي و خلع القديم و شفت حاجة زيه طلع بتاع تويوتا كورولا و ركب بعد ما غير في الدراع اللي بيمسكه حاجة بسيطة و خلاص و ركب و اشتغل معايا حوالي 10000 كيلو و لما ركبته الميكانيكي قالي ان الطنابير رايحة في داهية و عاوزة تتخرط و خرطهم و رجعهم نضاف و ساوا الوش بتاعهم و التيل كان كويس و ما بيعملش صوت خالص و انا ماشي الفرامل ضعفت خالص و كان لازم اوصل بالدواسة للأخر عشان العربية تفرمل و فرامل اليد كمان راحت في داهية و كانت عاوزة تترجلش رحت التوكيل و عملت صيانة عادية و قالي ساعتها ان التيل لازم يتغير و غيرته و ده كان العربية عاملة معايا 19 الف كيلو دلوقتي العربية في 27 الف كيلو و التيل اتاكل خلاص و لازم اضغط على الفرامل للأخر عشان العربية تبتدي تهدي مش تقف و لا تربط فرامل بجد حتى

انا اعتقد ان موضوع شكوى جماعية في حماية المستهلك ممكن يكون حاجة مؤثرة او نجرب نبعت للشركة الأم بس ازاي هنثبت ان في عيب اصلا ؟
حسب الضمان تيل الفرامل و الطنابير خارج الضمان

مش عارف ازاي لحد دلوقتي الموضوع ما اتحلش
بشكل جذري

نفس اللي بيحصل عندي و ده معناه ان التيل بيتاكل بسرعه رهبية و مش هيكمل معاك ال 10 الاف كيلو
انا جربت تيل اصلي و تيل كوري بتاع الكورولا و الأتنين عملوا نفس العيب فأعتقد ان العيب في الطنابير او جهاز الفرامل ذات نفسه

المشاركة الأصلية كتبت بواسطة ramiabbas

انا عامل بالعربية 27 الف كيلو و الفرامل عيوبها كتير جدا لحد دلوقتي مغير 3 تيل فرامل و و الرابع هاغيره الأسبوع ده لأن اللي راكب اتاكل خلاص بعد 7 الاف كيلو
مش عارف العيب ده من ايه بالظبط و اخر تيل فرامل انا جايبه من التوكيل يعني المفروض انه احسن حاجة
انا بافكر اغير الطنابير و اريح دماغي بدل خراب البيوت بتاع التيل ده بس مش عارف تمن الطنابير كام بره التوكيل و هل متوفر نوع كويس و لا لأ
و هل لو غيرتهم هيجيب نتيجة و لا بردو نفس الموضوع هيكون موجود و العيب مش في الطنابير ؟

انت عربيتك اشتريتها امتي؟ من اغسطس 2012-ابريل 2014؟؟؟؟ عشان في 8500 عربيه اتباعو فالوقت ده نيسان معترفه بعيوب الفرامل فيهم, و المفروض بتغير الطنابير و تيل الفرامل ببلاش

بصراحة أنا عامل بالعربية 20 ألف وعمري مغيرت التيل بس امبارح وأنا في التوكيل قالولي اني محتاج أغير تيل وطنابير بس علي حساب الضمان بس التيل مكنش موجود وقالولي اول ميجي هيكلموني......بس يا استاذ أنا شايف ان عندك اكيد حاجة غلط......4 تيل دا كتير اوي......يا أما إن سواقتك فيها مشكلة ودا شوفته في ناس كتير بيحملوا علي الفرامل بزيادة من غير ميحسوا يأما العربية عندك فيها مشكلة......أنا العربية معايا ومع اربعة من صحابي وبصراحة مسمعتش من حد فيهم انه غير التيل بالشكل ده......كلهم غيروه عند 20 أو 25 ألف ودا منطقيي شوية...

المشاركة الأصلية كتبت بواسطة hatemfox2005

من الواضح ان كل الشركات بتوفر في خامه التيل لان دخلت علي البيجو 301 ناس كتيير غيرت التيل علي 20 الف بس في النيسان علي 7 الف ده قليل جدا شكلنا كده هانجيب التيل الصيني ابو 90 جنيه ونغيره كل 10 الف كيلو بدل 575 جنيه بتاع الاصل وبرده مش بيقعد

ابو 575 دا اصلا صيني و سعره مبالغ جدا

المشاركة الأصلية كتبت بواسطة mokh991

انت عربيتك اشتريتها امتي؟ من اغسطس 2012-ابريل 2014؟؟؟؟ عشان في 8500 عربيه اتباعو فالوقت ده نيسان معترفه بعيوب الفرامل فيهم, و المفروض بتغير الطنابير و تيل الفرامل ببلاش

انا شاري العربية في مارس 2013 يعني المفروض في الفترة اللي فيها العيوب .... أول امبارح رحت التوكيل عملت صيانة عشان اربط العفشة و خليتهم كشفوا على التيل المهندس في التوكيل قالي التيل سليم !! بس انا ما شفتش بعيني الحقيقة عمل رجلشه للفرامل و اشتغلت كويس لحد النهاردة رجعت زي ما كانت تاني
أعتقد ان المهندس قالي التيل سليم و هيمشيني لحد الصيانة الجاية و ساعتها يقولي غير التيل اصل عدى عليه 10 الاف كيلو
و سألته عن موضوع العيوب و القضية اللي رفعها حماية المستهلك ضدهم و قالي ان لو عربيتي كانت فيها عيب كانوا اتصلوا بيا .. الكلام مش منطقي الحقيقة لأن العربية فراملها زي الزفت
فأنا هاعمل شكوى في حماية المستهلك ضدهم و اشوف هاوصل لأيه