الموضوع: استفسار بخصوص فابيا

السلام عليكم ورحمة الله وبركاتة

هو استفسار صغير

انا طبعا كان معاية سكودا فورمان كانت معذباني بس بصراحة كانت جميلة لو العربية رايقة :d

المهم اشتريت فيرنا <<< غلطة عمري >> الالماني الماني بصراحة حاسس ان الاسكودا القديمة الفيفورت احسن مليون مرة لو حالتها كويسة :)

المهم زميل لية فى الشغل هيشتري الفيرنا وبكرة هروح اسجلها لية

انا الان بصراحة عاوز اجيب سكودا فابيا بس المهم تكون الماكنة 1400 cc

طبعا انا من العريش وعندنا طبعا مفيش عربيات عليها العين :d والى علية العين بيطلب عالي

انا معاية فى حدود 42 الى 43 فى الرينج دة ممكن اجيب سكودا فابيا

انزل السوق بتاع مدينة نصر يوم الجمعة هلاقيها موجودة اروح لمعرض او تاجر سيارات مضمون فى القاهرة ارجو الافادة

واشكركم وادعو لكم باذن الله

المشاركة الأصلية كتبت بواسطة pharaoh8880

اولا الفابيا جميلة جدا و ممتعة
ثانيا ممكن ماتلاقيش منها في سوق السيارات لانها مش منتشرة بكثافة للاسف لان لما كنت بشتري نزلت سوق السيارات و ملقتشي غير واحدة و مكانتشي حلوة
ثالثا دور في مواقع بيع السيارات الشهيرة و هتلاقي حاجات كتير
رابعا اتفق مع البشمهندس عمرو علي ان لازم تكون حالتها حلوة او علي الاقل مش وحشة علشان ما تتعبكشي و تكره العربية. و بالفعل 1400 cc افضل اختيار
و بالتوفيق في اختيار سيارة مناسبة

بصراحة سيارة جميلة ورائعة
كدة هنشوف السوق بكرة هيقول اية
المواقع مشكلتها ان انا بعيد يعني مثلا سيارة فى الاسكندرية وانا من العريش طيب اي الى يضمن ان السيارة نفس الى صاحبها وصفها !!!
بالنسبة للحالة والله وانا اخوك المهم فى العربية الاساس الموتور والعفشة والكلام دة كلو بيتغير بركب استيراد وبريح نفسي المهم اني اكون راكب السيارة ومرتاح