الموضوع: اسرع وانعم عربية تحت 200 الف

صديقي العضو
زود حاجة بسيطة وبص على سيتروين c5 بس هتنزل في اعادة البيع جامد فلازم متبعش قبل 5 سنين العربية دي زيها زي ال 508
تقبل مروري zeco

انا شايف ان للاسف ال topic ده اثبت ان معظم اعضاء المنتدى '' بيفتو '' فتى رهيب و معظمه كلام مش مبنى عن ادلة ولكن عن تجارب شخصيه فقط
انت عمرك متاخد كل خاجه فى العربية يعنى مفيش اسرع اشيك انعم اثبت ... انسى خالص حتى اسرع من 0-100 حاجة و بعد ال 100 حاجه
غلى العموم انا مسوقتش كل ال عربيات ال 1600 يس اقدر اقولك ان ال استرا نعمه جدا على الطريق تقريبا احسن واحده
ال سيفيك اسرع واحده
ال سوبارو امبريزا ثبات عالى جدا اعلى من ال bmw عشان ال AWD

الموضوع بسيط
بما انك راكب صنى يبقى التطور الطبيعى للعربيه مع المحافظه على
الانتشار يعنى اعادة البيع - توكيل قوى - توافر قطع غيار - صيانه سهله - تكييف قوى
الراحة والنعومه فى الركوب اعلى من الصنى
الوسع اعلى من الصنى
الكماليات اعلى من الصنى
قوة الفرامل والامان والتسارع الثبات اعلى من الصنى
الفخامه على من الصنى
استهلاك البنزين موفره عن الصنى
يبقى من غير نقاش كورولا 2014

لان كل الانواع التى ذكرت سابقا تفتقد لبعض الشروط والتى لا اشجعها فى اتخاذ الخطوه لاقتنائها وهاحاول اذكر بعض منها لاحقا

نبتدى بعيوب كل عربيه من وجهة نظرى الشخصيه

السيفيك بالنسبه لى فقيره جدا جدا فى الكماليات والانتشار وسوف يخلق صعوبه فى قطع الغيار

البرافو تكاد تكون معدومه لانها مغيرتش كل من كذا سنه مشمتذكر بالظبط وكمان هاتش باك وواطيه جدا جدا وطبعا توكيل واعادة بيع وهلم جره وكمان مفيش اصلا فيات دلوقتى 150 حصان كان موجود من سنه تقريبا 120 حصان الفتيس الدايلوجيك

الفورد ضيقه جدا وريسيل فى الارض و قطع الغيار

الاسترا توكيل ضعيف وتكييف وسحب فى الاول ضعيف والصالون كويس بس لو واحد طويل هيبقى مخنوق واعتقد اعادة البيع مش هيا

الفلوانس جميله ولكن الكورولا تتفوق عليها فى السحب والتكييف واعادة البيع

ننسى طبعا السيراتو والالنترا لانها عربيات متواضعه شويه فى الثبات وعدم وجود انظمة الثبات

الشارك عربيه مفهاش اى جديد من 2008 وخلاص الشكل قدم قوى وكمان الموتور مش قد كدا 117 حصان والفتيس اوتوماتيك لاجديد فيه وطبعا اعلى فئه ب 165 الف ومفهاش ولا سينسورز وبلوتوث ولا مثبت سرعه ولا فرامل ديسكات خلفيه ودى مهمه جدا للسيطره على العربيه فى الفرامل ولا مرايات ضم ولا esp يبقى برده تسقط فى الاختبار

المشاركة الأصلية كتبت بواسطة JapRuleZ

انا شايف ان للاسف ال topic ده اثبت ان معظم اعضاء المنتدى '' بيفتو '' فتى رهيب و معظمه كلام مش مبنى عن ادلة ولكن عن تجارب شخصيه فقط
انت عمرك متاخد كل خاجه فى العربية يعنى مفيش اسرع اشيك انعم اثبت ... انسى خالص حتى اسرع من 0-100 حاجة و بعد ال 100 حاجه
غلى العموم انا مسوقتش كل ال عربيات ال 1600 يس اقدر اقولك ان ال استرا نعمه جدا على الطريق تقريبا احسن واحده
ال سيفيك اسرع واحده
ال سوبارو امبريزا ثبات عالى جدا اعلى من ال bmw عشان ال AWD

لا والله
دا امتى الكلام المريب دا
دا كلام مين دا كلامك انت ؟
حبيبي شوف الـreviews وارجع الله يحفظك

شباب محدش يقارن عربية من غير esp بعربية فيها مهما كانت دفع ثماني حتى

شوفو فيديوهات الـeuroncap وشوفو حتى البورش من غير تفعيل الـesp بتاخدها كعب داير مع اول كسرة

بطلو بقى حكاية قاعدة العجلات وحكاية الدفع الرباعي دي ... معروف ان اثبت عربية تحت الـ200 الف الاسترا والسيات ليون والكورولا الجديدة والفييستا

وبالنسبة للفوكاس اعلى فئة بس اللي فيها esp ودي عدت الـ200 فحنسيبنا منها

عايز مستعمل خد عندك الـe90 وتبقى اخدت ثبات اعلى من الـf30 ذات نفسها ...... ياريت اللي مش عارف يسئل

المشاركة الأصلية كتبت بواسطة تامر.محمد

طب معلش و اعذرني
و صحح لي لو انا غلطان حيث ان حضرتك معاك العربيتين

انا معلوماتي ان الكورولا 122 حصان تقريبا
و السيفيك 140 حصان
لو معلوماتي صحيحة فصعب جدا يبقى سحب الكورولا احسن او حتى قريب من سحب السيفيك , بنتكلم في 18 حصان فرق, رقم مش قليل

ممكن فعلا تكون كماليات كورولا 2014 احسن , ما شاء الله نازلة بتشكيلة حلوة
و صراحة مش عارف ثبات سيفيك الحالية اخباره ايه , لكن اللي قبلها كانت رهيبة , ماعتقدش الكورولا خصوصا بالارتفاع بعد التعديل هاتبقى زيها

ال 140 حصان ديه ال هوندا ال 1800. الحصان مالوش علاقة مياشرة بالتسارع. ال 316 الجديدة 136 حصان و تطلع من ال 320 القديمة ال 156 حصان.