مميزات وعيوب فلوانس فيس ليفت ٢٠١٤

**amroelras** · 10-04-2014 05:08 PM

انا باذن الله نويت علي الفلوانس بس انا بسال الناس اللي معاها العربيه ابيه اخبار العربيه في السحب وايه اخبارها في الثبات علي السرعات العاليه وايه اخبار التكييف والعفشه والفرامل وايه اخبار القعده في العربيه في السفر واخبار الشنطه بتاعه العربيه وهل فيه مشاكل في العربيه ولا لا مع العلم اني ناوي اجيب الفئه e3 او e3s وشكرا لكم انا عاوز حد يكون معاه العربيه وساقها مش عاوز حد يقولي انا سمعت

**M R. Z E C O** · 10-04-2014 06:43 PM

صديقي العضو
مبروك مقدما . حاول تبص عالهاي لاين ب 188000 روعه سالت عليها فالمصرية قالي مش موجوده قولتلو هروح عند سمير ريان فبتاع المبيعات قالي ثواني وطلعي 3 عربيات ستوك عندو وتسليم فوري !!!
تقبل مروري zeco

**Mokhalil** · 10-04-2014 06:50 PM

العربية كويسه جدا بس فى عيب وحيد ان وحدة التحكم فى الكاسيت و الموبايل فى الشكل الجديد اقل فى الامكانيات عن الشكل القديم و فى وظائف اتشالت منها اصلا بصراحة غلطة مش مفهومة منهم ازاى الشكل القديم تقل عنه فى الاوبشنز؟!! حاول تقارن بنفسك ممكن متفرقش اوى معاك الكماليات دى

**hanyyacot** · 10-04-2014 06:55 PM

المشاركة الأصلية كتبت بواسطة amroelras

انا باذن الله نويت علي الفلوانس بس انا بسال الناس اللي معاها العربيه ابيه اخبار العربيه في السحب وايه اخبارها في الثبات علي السرعات العاليه وايه اخبار التكييف والعفشه والفرامل وايه اخبار القعده في العربيه في السفر واخبار الشنطه بتاعه العربيه وهل فيه مشاكل في العربيه ولا لا مع العلم اني ناوي اجيب الفئه e3 او e3s وشكرا لكم انا عاوز حد يكون معاه العربيه وساقها مش عاوز حد يقولي انا سمعت

اولا مبروك مقدما على العربية وانشاءالله اختيار موفق
اول 3000 كم هاتحس ان العربية تقيلة شوية تحت سرعة 50 كم بس بعد كده هتلاقى وحش فى ااشد والسحب وماحدش هايقدر يشد معاك . ثبات العربية ممتاز على السرعات العالية والعربية بتبقى مكلبشة فى الارض انا جبت بيها 185 وكانت كويسة جدا بس طبعا السرعة دى محتاجة حذر . العفشة ناعمة اوى والعربية عالية عن الارض ومابتحكش فى اى مكب حتى لو عالى وغبى . الشنطة والصالون واسعين اوى ويمكن الاوسع فى فئتها . التكييف ماقدرش احكم عليه دلوقتى عشان لسه مادخلناش فى الصيف اوى بس لحد دلوقتى تمام . القعدة فى العربية مريحة جدا سواء للسائق او لركاب.
عيوب العربية لحد دلوقتى مافيش حاجة مهمة . يمكن بس محتاج فى الاول تتعود على ابعادها . انا معايا الفئة e2 ععشان كده مش هاقدر افيدك فى الاوبشنز الاعلى . ولو فى اى استفسار الرجالة هنا كلهم موجودين وسدادين . ومبروك

**amroelras** · 10-04-2014 07:24 PM

شكرا يارجاله علي الرد بس انا عاوز ردود تانيه كتير

**Batman372** · 10-04-2014 11:06 PM

المشاركة الأصلية كتبت بواسطة mokhalil

العربية كويسه جدا بس فى عيب وحيد ان وحدة التحكم فى الكاسيت و الموبايل فى الشكل الجديد اقل فى الامكانيات عن الشكل القديم و فى وظائف اتشالت منها اصلا بصراحة غلطة مش مفهومة منهم ازاى الشكل القديم تقل عنه فى الاوبشنز؟!! حاول تقارن بنفسك ممكن متفرقش اوى معاك الكماليات دى

بعض الوظائف البسيطه اتشالت من الوحده التحكم الى تحت الدركسيون ...
لكن جميع الوظائف تعمل من الكاسيت ... مفيش اى كماليه او حاجه اتشالت ... بالعكس الجديده بها ٤ وحدات رفع زجاج + جنط شكل جديد + شبكه و مختلفه + فوانيس اماميه بعدسات + موتور جديد + فتيس جديد ...
تحياتى ...

**Batman372** · 10-04-2014 11:13 PM

المشاركة الأصلية كتبت بواسطة amroelras

شكرا يارجاله علي الرد بس انا عاوز ردود تانيه كتير

كل ما تم ذكره فى المداخله رقم ٤ صحيح ...
كل تساؤلاتك من شد/سحب/فرامل/ثبات اتزان/وسع داخلى/شنطه/تكييف اجابتها ممتاز جدا ...
العربيه من ٢٠١١ و ليس لها اى عيوب او مشاكل متكرره ..
تحياتى ...

**yasser100** · 11-04-2014 12:22 AM

كنت متردد زيك كده متردد ما بين الe3 و ال e3s بس الحمد لله اخترت e3s من الاخر انت مش بتشترى عربيه كل يوم . المشكله انه الفئه دى و الاعلى مش هاتلاقيهم بسهوله و ان لاقيتهم مش هاتلاقى عليهم خصم فى المعارض بالعكس هاتلاقى عليهم سعر اعلى من سعر التوكيل . العربيه جميله بصراحه . موضوع الاتصال مش شايف انه تأثيره كبير لانك بتعمل كل حاجه من الدريكسيون ما عدا الاتصال بضغطه واحده من زرار الكاسيت . العربيه لسه ما جربتهاش على الطرق لانى لسه هاروح ارخص . هيه فخامتها الداخليه و الخارجيه عاليه . التقفيل و الخامات ممتازه . نازله بموتور و فتيس جديد . التسارع لسه برضه ما اعرفش كتير عنه بس انا مش من هواة الجرى و الغرز . الشويه اللى سوقتهم من المعرض للبيت العربيه ناعمه جدا عن عربيات اوتوماتيك كتير سوقتها ( جيتا . كروز . شيروكى . تويوتا .كيا ) على رأى المهندس هانى زميلنا هنا كأنك بتسوق عربيه كهربا فى الملاهى بالنسبه للجلوس فى الداخل مريح جدا لانه انا طويل مش باستريح فى اى عربيه و ﻻ اى كرسي بسهوله دى عن ثقه مضمونه و مريحه . الشنطه تاخد بنى ادم بسهوله . قارن بينها و بين الاوبل استرا كده فى القعده و انت هاتعرف انك قاعد فى الانتريه فى بيتكم :)