قدر الله و ما شاء فعل...الحمد لله انضميت لقائمة حوادث 301

**speed_magnum** · 11-04-2014 03:55 PM

دي كدا زلطه هي اللي كسرت الازاز
وبسيطه ان شاء الله

**م. عمرو مهدي** · 12-04-2014 03:23 AM

المشاركة الأصلية كتبت بواسطة ghaith_peogeut

الحمد لله على سلامة حضرتك وبنتك وهو اهم شي .. وان شاء الله بسيطة

الله يسلمك يا استاذ غيث...الحمد لله قدر و لطف

المشاركة الأصلية كتبت بواسطة tifa2015

حمد لله على سلامتك وسلامة البنوته وفداك اى حاجة

الله يسلمك يا باشا...الحمد لله قدر و لطف

المشاركة الأصلية كتبت بواسطة hany saad

الف سلامة لحضرتك يا باشمهندس و لبنت حضرتك...الحمد لله على كل شىء
اعتقد صعب يحصل سرطان فى الزجاج الجانبى ناهيك انه كان مفتوح مما يجعل الأحتمالية أصعب
أغلب الظن انها زلطة طارت من عجلة عربية جنبك او امامك و اصطدمت بالزجاج و حطمته....للتأكد المفروض يكون حصل الكلام ده و حضرتك ماشى بسرعة...يعنى الطريق مكنش واقف و هو يحدث كثيراً جداً على كل الطرق السريعة و خصوصاً من عجل السيارات النقل

الف حمد لله على السلامة مرة تانية

تحياتى

الله يسلمك يا استاذ هاني بس عندي سؤال هو لو الزلطة ضربت حته في الزجاج ممكن يتكسر كله حتى اللي جوه الباب و عموما الحمد لله على كل حال

المشاركة الأصلية كتبت بواسطة lad

التأمين بيغطيه عادى

انا معاك ان التأمين بيغطيه بس كنت عايز اعرف ازاي اثبت انه نتيجة زلطة مش سرطان لان التأمين بصراحة بيجادلوا كتير و انا معرفتي زيرو في السيارات

المشاركة الأصلية كتبت بواسطة abohend

+11111
مستبعد جداً يبقى سرطان
غالب الظن إنها زلطة
قدر الله و ما شاء فعل
الحمد لله على سلامتك و سلامة البنوتة

الله يسلمك يا ابو هند انا بس كنت عايز اعرف افرق بينهم ازاي عشان اعرف اتكلم مع التأمين او التوكيل

المشاركة الأصلية كتبت بواسطة j a g u a r

الف سلامه على حضرتك وعلى البنوته

اعتقد التأمين هايغيرلك الازاز عادى

الله يسلمك يا باشا

المشاركة الأصلية كتبت بواسطة zeco

صديقي العضو

هو التامين هيغيرو لحضرتك باذن الله بس لو مكانك مش هروح للتامين هخلي الحادثة الاولى لحاجة اكبر

تقبل مروري zeco

الله يسلمك يا استاذ زيكو...انا معاك ان الموضوع ممكن يكون بسيط و مش طالب اللف الطويل بين التأمين و التوكيل عشان التعويض بس انا برضه بسأل نفسي مش انا المفروض دافع فلوس في التأمين عشان حقى انهم يعوضوني في أي حادثة..بصراحة انا محتار في الموضوع ده

**م. عمرو مهدي** · 12-04-2014 03:28 AM

المشاركة الأصلية كتبت بواسطة speed_magnum

دي كدا زلطه هي اللي كسرت الازاز
وبسيطه ان شاء الله

الحمد لله على كل حال...انا بس كنت عايز اعرف ازاي اعرف الموضوع ده حصل من ايه زلطة ولا سرطان خصوصا اني في وقتها كنت مخضوض و مش مستوعب اللي حصل لدرجة اني غمضت عيني و انا سايق

المشاركة الأصلية كتبت بواسطة mohamed_hegazy

قدر الله وما شاء فعل - جصل معايه حادث بسيط فى الباب اللى ورا السواق وانكسر الزجاج - وإن شاء الله هيتغير الزجاج ب 450 ج ودا تمنه فى التوكيل

الحمد لله على كل حال...انا كنت عايز اسأل حضرتك هما ال 450 دول بالضريبة و المصنعية ولا سعر الزجاج فقط

**م. عمرو مهدي** · 12-04-2014 03:32 AM

المشاركة الأصلية كتبت بواسطة amrelsaqqa

لا حول ولا قوة الا بالله ، معلش وقول الحمد لله
بالنسبة للازاز معرفش والله بس عامة الجانبى بيبقى سهل ان شاء الله

الحمد لله على كل حال...ان شاء الله تكون حاجة بسيطة

المشاركة الأصلية كتبت بواسطة ahmed_ta21

العربية دي عليها عين عمري ماشوفت
الحمد الله علي كل حال
وحمد الله علي سلامة حضرتك وعلي البنوتة الصغيرة وده اهم حاجه

الحمد لله على كل حال..فعلا سبحان الله العربية دي محسودة بشكل مش طبيعي...مش معقول كم الحوادث الغريبة دي في عربية لسه جديدة

**M R. Z E C O** · 12-04-2014 09:20 AM

المشاركة الأصلية كتبت بواسطة م. عمرو مهدي

الله يسلمك يا استاذ زيكو...انا معاك ان الموضوع ممكن يكون بسيط و مش طالب اللف الطويل بين التأمين و التوكيل عشان التعويض بس انا برضه بسأل نفسي مش انا المفروض دافع فلوس في التأمين عشان حقى انهم يعوضوني في أي حادثة..بصراحة انا محتار في الموضوع ده

صديقي العضو

طبعا كلام حضرتك مظبوط بس انا قاصد من الموضوع ده ان الحادثة الاولى مجانا بعد كده بتدفع نسبه فخلي المجانا لحاجة اكبر بعد الشر طبعا بس هي وارده مش كده ولا ايه
.تقبل مروري zeco