الموضوع: بتدى بقشيش للعامل فى محطة البنزين ؟

المشاركة الأصلية كتبت بواسطة abdelaziz-waleed

انا بهزر بس والله
طبعا لو بقشيش مستحيل يكون الرقم ده. عشرة جنيه ليه؟؟؟؟؟؟؟
انما لو هانعتبرها صدقة يبقى مالهاش حدود. كل واحد وتقديره

مظبوط

حسب الفكة
جنيه أو نص
وسعات مابديش خالص وخصوصا لو قلتله على الأوتوماتيك وكمل بعدها

فعلا موضوع البقشيش ده لازم بنصحح النية فيه
فعلا الراتب بتاعهم مش بيكفي
بس هو انا عندي نقطة اعتراض
في فرق بين اني انا اللي بدفع البقشيش وفرق من ان واحد يستهبل ومش يدي لك الباقي
انا بدفع عموما جنيه في كل تفويله بس انا مش بحب اللي يضحك علي ويعمل نفسه ناصح او بشكل تاني بلطجه في محطات البنزين لأن ده مش ألزامي على حد
في سواقين تاكسي يدوب دخل العربية بيعيشوا
ميجيش واحد باه ناصح ويعمل نفسه ان ده الزامي على كل واحد يفول العربية
عرف ان كلامي ممكن ما يعجبش حد بس انا اسف ده رأي

أنا بادفع نصف جنيه لاني اعرف ان البقشيش ده هما بيجمعوه و في نهاية اليوم بيتقسم علي العاملين بالمحطة , لان النهاردة زي مانتوا عارفين الجنيه مابياكلش حتي عيش حاف فالواحد بيدفع بقشيش في البنزينة و جنيه لعسكري المرور و ربع جنيه لسايس الجراج صحيح اخر الشهر هتلاقيهم بقوا مبلغ و قدره بس دعوة الناس دية تساوي كتير و بتحوش عننا بلاوي الطريق اللي ممكن تخليك تدفع دم قلبك مرة واحدة

و يجعله عامر