100/100
رجل فهم القصد ...
وبيحاول يعمل حاجه ...
اهو ده اللى ربنا يكتر من امثاله ..!
عرض للطباعة
و على العموم الي مش فخور انه مصري و بيتمنى انه يكون مش مصري باب الهجره مفتوح لدول كثيره في العالم,
ممكن حتى يروح شمبونجو مع شبكة المحمول القديمه و اهي بلد هتبدأ تتطور ممكن يعيش فيها عصر النهضه الي هو مفتقده هنا
يا سيدى الفاضل والمحترم ...
انت مفهمتش اى نقطه من هدف الموضوع...
انا ماقلتش يلا نهاجر كلنا..
احنا عايزين نصلح حال البلد ..
بنشوف السلبيات اللى غطت علينا وخلت شكلنا وحش وجابتنا ورا..
عايزين نصلحها . عايزين حال افضل . مستقبل افضل . شكل افضل .
وليست هجره زى مانتا ما قلت .....**********
تنبيه آخر للعضو بعدم الشخصنة
خلاص حضرتك,
انا محترم وجهة نظرك و انك عايز تعمل حاجه ايجابيه,
لكن متوصلش لدرجة اني لست فخور اني مصري,
ممكن كانت تبقى كسؤال ايه الي وصلنا لكده و نبدأ نحط حلول ايجابيه نمشي عليها عشان نصلح الي نقدر عليه,
انما متوصلش لـ (لست فخور اني مصري)
او توصل لدرجه ان الواحد يتمنى انه مكانش يبقى مصري
مش قادر اقول انى مش فخور بكونى مصرى
لأ بقولها باعلى صوتى انا مصرى وافتخر
افتخر بأنى سليل اول حضارة فى التاريخ ، افتخر بأن موروثى الثقافى اتبنى من آلاف اللبنات اللى حطها ثراثها الحضارى مينا وخوفو واحمس ورمسيس وحط تراثها الروحانى سيدنا ابراهيم وسيدنا يوسف الصديق وسيدنا موسى عليهم جميعا السلام،افتخر انى من البلد التى وجد فيها سيدنا المسيح الامان فى صغره بعد ان ضاقت به وبامه العذراء بلادهم ، افتخر انى من البلد التى عشقها عمرو بن العاص وصارت حاضرة بلد المعز لدين الله، افتخر انى من البلد التى شهدت مجد الدولة الأيوبية وحضارة المماليك ، افتخر اننى من البلد التى صارت قاطرة الحضارة فى المنطقة فى عهد محمد على وابنائه
ربما اننا نمر بظروف صعبة، لكنها كالمرض العارض ، يمر وينتهى ويبقى البناْء الشامخ،
اه انا مصرى ومحظوظ انى مصرى، صحيح معنديش بير بترول اغرف منه دولارات ادوس بيها على رقاب مخاليق ربنا، صحيح ارضى الزراعية والمية عندى على القد، صحيح انى واهل بلدى بنمر بظروف صعبة، لكن ميراثنا الحضارى مصيرة فى يوم يطلع على السطح وساعتها لن يصح الا الصحيح، واتمنى ان ده يكون قريب علشان اولادى او ولاد ولادى يعيشوا العيشة اللى تليق بابناء هذا البلد العريق
شوف انا قلت ايه ...! وانت بتقول ايه !!!
اولا بس يا اخ سبعاوى ..معلش .
انت شخصيا عملت ايه فى الحضارة دى !!
ثانيا لو كان جزء من الحضارة دى كان فى عصر فرعون ( الكافر ) يبقي لك الحق انك تفتخر ..
وكمان فى مقطوعه شهيرة لواحد كده ... لو تفتكر ( الحضارة شويه حجارة)
ثالثا وده الاهم ...
اليابانيين لو كانوا كلهم زيك وقعدوا يفتكروا تاريخهم ما كانوا تحركوا ولو خطوة للامام ..
اين تاريخ اليابانيين يا اخ سبعاوى !!!! واين هم الان !!!!
الجمله دى بتفكرنى بالتلميذ اللى كل يوم يقول هعمل الواجب بكره .
يـــا رب ســــــتـــــرك وعــــفـــــوك ورضـــــاك ...
تريبل ههههههه بالراحه عالناس شويه :)
فعلا انا مش عاجبني حال البلد لا حكومه ولا شعب
حكومه مستقطعه الشعب .. وشعب نايم كل همه انه يقعد في بيته وسط عياله يربيهم والمشكله اصلا ان العيال بتطلع مش متربيه اصلا :laugh6:
فاكر 6 ابريل غير كتير جدا لكن بسرعه الشعب هدي ب 30% علاوه :)
تعرف انت قصة العابد الي كان كل يوم يطلع عايز يروح يقطع شجره ويقابله الشيطان وكل مره يقوله هسيبلك فلوس تحت المخده كل يوم وتنسى موضوع الشجره دا
اهو نفس النظام عمله النظام مع الشعب سابله 30% في مقابل انه يسكت بعد 6 ابريل
المشكله فينا احنا احنا من ايام فرعون واحنا معروفين اننا ساكتين للحاكم بتاعنا
قريت الايه دي ؟
{فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ} (54) سورة الزخرف
انهم كانو قوما فاسقين ... دا الشعب لما بعد عن الله وبئى قوم فاسق قدر فرعون انه يسيطر عليهم وانه يعيشهم في فقر وذل وانه المتحكم الوحيد في مرتباتهم ويدفعهم ضرايب اد كدا ويدفعهم فواتير كهرباوغاز وتليفون وميه باضعاف ما بيبيعها لاسرائيل !!!
المشكله فينا بنتهاون في كل حاجه حتى كرامتنا علشان لقمة العيش .. والكلمه الشهيره عند المصريين .. انا طالب الستر بس
الي ملوش خير في بلده معندوش خير اصلا,
انا لسه عند رأيي مينفعش اقول مش فخور اني مصري
و لسه عند رأيي برضه الي كاره البلد يسيبها
هههههههههه من عينى حاضر ..
ده الرد السليم ..
ده جزء من الامثال اللى قولتها ..
قصدك 30% حلاوة :smilielol5:
الله يــنــور عـلـيك
بس ربنا انتقم من فرعون وقومه...و فرعون كان سبب الكفر اللى فى البلد.
يا ترى مين السبب فى الفساد اللى موجود علشان ندعى عليه زى فرعون.:ph34r:
انا مش فخور و لكن مش مستعر..
حاليا لا يوجد ما يشجع على الفخر اللهم الا حصولنا على كأس الامم 2006 و 2008 على التوازي .. :018: :002:
و طبعا حصول الفنانة المصرية المغتربة في امريكا من 80 سنة سامية حمادة على جائزة نوبل للسينما عن فيلمها (سوسو حمادة) و سمعني سلام ظغرطي ياام صلاح :7bteen: