موضوع خاص بمشكلة نقص الزيت فى الفلوانس ii.....موضوع مفتوح و متجدد حتى أنتهاء المشكلة

**تامر.محمد** · 13-04-2014 12:39 AM

عند مصطفى زودوا الزيت تاني بعد ما نقص في اول 5000 كيلو
في حالة انها مشكلة زيت فابريكة يبقى كان مفترض ان نسبة نقصه تبقى اقل لكن ده ما حصلش
برده بينقص

الجديد انه عنده منظره محروق !

**ahrambc** · 13-04-2014 12:52 AM

ممكن أعرف نسبة انضغاط محرك السياره كام

بيكون مكتوب فى كتالوج السياره

**Hany Saad** · 13-04-2014 01:01 AM

المشاركة الأصلية كتبت بواسطة ahrambc

ممكن أعرف نسبة انضغاط محرك السياره كام

بيكون مكتوب فى كتالوج السياره

10.7

**ALshahba** · 13-04-2014 05:18 PM

موضوع شيق جدا ............ متابع الي ان تحل المشكله باذن الله

ممكن اعرف اللزوجه المطلوبه للزيت الموتور كام ..... مكتوب فى الكاتالوج

فى امان الله

**mostafa magdy** · 13-04-2014 05:51 PM

اللي حصل النهارده .. في توكيل العبور ..
الساعه 9 إستلام العربيه .. أو قبلها بشويه كمان ..
تم الكشف .. العربيه مفيهاش حاجه .. هنعمل Report و نبعته فرنسا ..
إتبعت .. وصل الرد .. ال Case دي إحنا علي علم بيها و مفتوحه في أبو رواش .. و هو لازم يروح فرع أبو رواش لإن إحنا قايلين لهم هيعملوا إيه ؟!!
طيب هيعملوا إيه في أبو رواش يا فندم ؟! هيكشفوا عليها و هتقعد معاهم شويه .. إسبوع إتنين شهر !!
و متقلقش هتاخد عربيه تمشي بيها لحد ما نخلصها .. فلوينس شكل قديم تقريبا !!

مشيت و علي ميعاد إني اروح يوم الثلاثاء و معايا شخص محترم و خلوق من التوكيل تطوع إن يتبني المشكله .. هو المهندس أحمد طعيمه .. وسيط بدوي باشا ربنا يكرمه ..
العربيه لاقيت الكمبيوتر بيقولي تغيير الزيت خلال 10000 / 12 month كأنهم غيروا الزيت يعني !! بس هما مقالوش ولا أنا شفتهم بيغيروه ..
صوت اللموتور لاقيته بقي هادي أوي مقارنه بالأول يعني ؟
حتي ال RPM مبقاش ينط زي الأول و الموتور يجعر كده .. إيه رأيكم في الكلام ده ؟!
أتمني المشكله تتحل ..

**hossam_osman1** · 13-04-2014 06:41 PM

الزميل العزيز mostafa magdy انت سألتهم هما غيروا زيت ولا لا ؟؟
لان كده انت قدام 3 احتمالات
1- ان الزيت القديم كان بايظ (لاي سبب كان سوء تخزين ..مغشوش .. خطأ بشري اثناء الملو ...او خلافه )
2-انهم حطوا نوع زيت مختلف لان انت بتقول انك لاحظت اختلاف في صوت واداء العربيه
3- ان لاقدر الله المحرك فيه حاجه وده احتمال ضعيف شويه
وانا اعتقد ان اول حاجه هيعملها التوكيل انه هيحلل الزيت القديم اللي نزل من عربيتك لان ده هو مفتاح اللغز
واكيد هيبعت منه عينه لفرنسا وهيشوف ايه اللي اتغير من خواص الزيت وهل فيه اي رايش ولا لا ونسب المكونات واكيد ده هيديهم الطريق اللي يمشوا فيه لحل المشكله
وان شاء الله تتحل المشكله علي خير
تحياتي

**Hany Saad** · 13-04-2014 07:40 PM

مصطفى بيه
موضوعك واصل لأعلى مستوى و هيتحل و هتكون راضى مليون الميه
هو ده توكيل رينو اللى انا عارفه من سنين
بس ماشى يا دكترة هتاخد حته فلوانس قديم اهو علشان تعمل المقارنة المتينة و تقولنا ايه اخبار الفلوانس القديم بالنسبة للجديد :):)
انا متأكد ان موضوعك انت و باقى الأعضاء هيتحل كما ينبغى و انا من ناحيتى متابعه و لو فيه جديد هبلغك هنا على طول
تحياتى