الموضوع: موضوع خاص بمشكلة نقص الزيت فى الفلوانس ii.....موضوع مفتوح و متجدد حتى أنتهاء المشكلة

المشاركة الأصلية كتبت بواسطة yasser100

بص يا استاذ خالد , كل العربيات الجديده اللى في الفئه السعريه دى و اعلى فيها مشاكل , بسبب التكنولوجيا الحديثه جدا و المتسارعه و التنافس الرهيب فى استخدامها من الشركات فى سياراتها , عندك الاوبل استرا الجديده العربيه و الشاسيه اتقل من الموتور نفس مشكلة الكروز و شغل بقا التكييف و اتفرج على سحب العربيه بعد ما تكون عملت بها 50000 كم مثلا و لا اتنين قاعدين معاك ورا و التوكيل مش عارف يعمل ايه او يعالجها ازاى , التيوتا كورولا الجديده التوكيل بيسحب العربيه علشان يعليها من ورا و شوف انت بقا شكل العربيه بيبقا عامل ازاى بعد ما التوكيل بيلعب فى العفشه , شفت واحده التوكيل عاملها كانت فى معرض بس مسخره بصراحه و العجل اللى ورا شاكله نيله فى الحوض بتاعه بعد ما علا العربيه نفس الحركه اللى معموله فى السيفيك الجديده شوف غباءها من ورا عامل ازاى , اتفرج على الجيتا و الباسات مع الفتيس ال dsg الجديد و مشاكله و ملاكها بيلطموا من السخونه برغم انه لسه الصيف ما جاش , المهم انه يكون فيه توكيل محترم وراك و اتمنى الخيار الصحيح لك :)

استاذ ياسر تحياتي لحضرتك.....
حضرتك قولت كل العربيات اللي في الفئة السعرية دي و اعلي فيها مشاكل بسبب التكنولوجيا ، و ذكرت التويوتا انهم سحبوها.
انا حابب اوضح ان دي مش مشكلة تكنولوجية خالص ، ده يا فندم طلب من ملاك العربية انهم يعلوها عشان مطبات مصر الجميلة فما هي المشكلة التكنولوجية .
هل تصميم المطبات الجبالية المصرية يعتبر مشكل تكنولوجية في العربية ولا في المطب .
التوكيل استجاب و تفضل مكرما بتغيير ٤ سوست ٤ مساعدين و واحد كوبلن تكلفتهم ١٢٠٠٠ جنيه يتحملهم التوكيل كاملة بدون دفع العميل مليم، و لم يفعل مثل توكيل هوندا اللي حط علايات كاوتش ب ١٥ جنيه و قال علينا العربية.
كلمة تعلية العربية من ورا غير صحيحة ، لانها معناها تعلية كاوتشات زي الهوندا ، العفشة اتغيرت تماما للتعلية ٢ سم.
العربية مش هيحصل لها حاجة خالص لما التوكيل بيلعب في العفشة لأنه مش هيلعب ده هيغير العفشة بعفشة النسخة الخليجية المجربة من قبل و اللي العربية مصممة عليها و نازلة كدة من الاول، و بالفعل تم عمل workshop و training للمهندسين و الفنيين من قبل مهندسي تويوتا اليابان لضمان الجودة و الدقة.
فالشغل اللي هيتعمل هنا هو هو اللي في اليابان و هو مش اختراع ده اي صنايعي يعمله بسهولة.
حضرتك بتقول شفت واحدة التوكيل عاملها كانت في معرض ، انا بقول لحضرتك ان التوكيل لسة معملش اي عربية خالص و لما يبدأ ان شاء الله هبلغ حضرتك فورا.
و انا عن نفسي من ملاك العربية مش بقدر افرق في الشكل مبين المعدلة و الغير معدلة الا لو حطيت العربيتين جنب بعض او ركزت قوي قوي فيهم ، فانا بسجل اعجابي بدقة ملاحظة حضرتك في انك عرفت تلقط فرق ال ٢ سم دول .
وانا بسجل اعجابي بالكلام اللي قاله مهندس هاني
القصة مش فى وجود العيب....القصة هتتعامل معاه ازاى و هتعالجه ازاى
وجود ضمان 3 سنوات أو 100 ألف كيلو موجود مخصوص علشان كده....علشان لما أى مشكلة تظهر كبيرة كانت أو صغيرة تتعالج و تبقى مبسوط من العربية.

و بسجل اعجابي بوقوفه جنب دكتور مصطفي و الزملاء الاعزاء في رينو حتي انتهاء المشكلة بأذن الله علي خير ، و كلنا نأمل انها تبقي حاجة بسيطة عشان نتطمن علي اخواتنا ، و هي انا شاء هتبقي بسيطة و توكيل رينو محترم جدا.
تحياتي لحضرتك و كامل احترامي لشخصك الكريم.