البوجيهات وتيل الفرامل .. عن 301 أتحدث..

**goldfinger2** · 13-04-2014 02:35 PM

كلمونى بردو بس ما لحقتش ارد عليهم

**Amgad A.alim** · 13-04-2014 02:39 PM

نحن فى مصر
المكالمات التليفونية والشكاوى المرسلة بالبريد لن تجدى نفعاً
لابد من التحدث وجهاً لوجه

**Hema_Basha** · 13-04-2014 03:16 PM

المشاركة الأصلية كتبت بواسطة amgad a.alim

نحن فى مصر
المكالمات التليفونية والشكاوى المرسلة بالبريد لن تجدى نفعاً
لابد من التحدث وجهاً لوجه

فعلا والله كنت لسه هقول كده
واللي عنده عيب في العربية يروح يرميها هنك ويقولهم مش عايزها انا معايا ضمان يغني اي حاجة تبوظ تتصلح علي حسابهم يا اما كده يتجيبوا عربية سليمة

**Ahmed_Ta21** · 13-04-2014 03:53 PM

شكراً ياجماعة علي التجاوب وإن شاء الله نقدر نوصل لحل
كده الغالبية منا عندها مشكلة في تيل الفرامل والبوجيهات ومهما كان طريقة القيادة سيئة لايمكن بأي حال من الاحوال
تغييرهم بهذه السرعة وقبل حتي اول صيانة 2500 او حتي 10000 الا اذا كان فعلا جودتهم رديئة او الوكيل بيستعبط وده بياثر علي اعتمادية العربية قبل المستهلك ويكون غباء مستحكم منهم بصراحة
لانها حصان رابح ولما تكون حجات زي دي بتتغير بدري ويسترخصوا فيها يبقي هما خسرانين جدا جدا
امال بعد 40000 او 60000 هنغير ايه؟

تاني حاجه سعر الصيانة عالي جدا جدا جدا علي عربية (فئة اقتصادية)

انا شايف ان الوكيل محروم فلوس ولما شاف الضغط عليها بدا في الاستغلال
طيب هل متاح ان نجيب قطع اصلية( بوجيهات تتانيوم مثلا وتيل جودة كويسه) ونركبها في التوكيل وننتهي من الصداع ده ؟

لان بصراحة معنديش استعداد كل شوية ادفع مبلغ وقدره لاسيما مع تزايد مسؤوليات الواحد واعتقد الجميع يوافقني في هذا الراي
لو كان الامر هيستمر ومفيش فيه حل الواحد افضل ليه يعزف عن شرائها ويشوف عربية اخري ويرتاح

**hazem_alaedin** · 16-04-2014 10:52 AM

السلام عليكم, على فكرة أنا التيل بدأ يصفر عندى بعد 6500 كم تقريبا, روحت التوكيل cdcm إللى عندنا فى الأسكندرية, طريق مرغم, قولت لهم إن التيل محتاج تنظيف, قالولى حنغيره لك فى الضمان بس ثوانى يجيلنا موافقة من المركز الرئيسى, و فعلا بعد تقريبا 1/2 ساعة جالهم الرد بالموافقة و غيروه لى من غير فلوس خالص !!
شكرا للمهندس المحترم/ أحمد طوبار - توكيل cdcm الأسكندرية

**Amgad A.alim** · 16-04-2014 02:56 PM

hazem_alaedin السلام عليكم, على فكرة أنا التيل بدأ يصفر عندى بعد 6500 كم تقريبا, روحت التوكيل cdcm إللى عندنا فى الأسكندرية, طريق مرغم, قولت لهم إن التيل محتاج تنظيف, قالولى حنغيره لك فى الضمان بس ثوانى يجيلنا موافقة من المركز الرئيسى, و فعلا بعد تقريبا 1/2 ساعة جالهم الرد بالموافقة و غيروه لى من غير فلوس خالص !!
شكرا للمهندس المحترم/ أحمد طوبار - توكيل cdcm الأسكندرية

ألف مبروك
هذه أخبار سارة والضغط على التوكيل بدأ يأتى بثماره
وأول الغيث قطرة

تقبل تحياتى