الموضوع: سؤال مهم جدا ( يا ريت اجد الرد )

ألف مبروك العربية يا باشمهندس محمد .. ربنا يديك خيرها ويكفيك شرها

بخصوص الضمان : 3 سنوات أو 100 ألف كيلو متر أيهما اقرب

للمحافظة عليه لازم تعمل الصيانات الدورية في التوكيل او مركز خدمة معتمد

الصيانات الدورية اللي هي صيانة الألف الأولى - ثم العشرة والعشرين والثلاثين وهكذا كل عشرة آلاف كيلو متر فيه صيانة دورية.

فيه مركز خدمة جديد تم التعاقد معاه كمركز معتمد ومكانه في العاشر من رمضان اسمه (القاضي) اعتقد ده هيكون اقرب مركز معتمد لك

بخصوص الخروج من الضمان فده بيكون عند تركيب قطع أو أجزاء خارجية تؤدي لتلف احدى اساسيات العربية

يعني لو ركبت جنوط عريضة واتلفت العفشة او جزء منها فلن يتم تغيير الجزء التالف في الضمان لأن تركيب الجنوط العريضة خرج (المنطقة دي) من الضمان

دايما بننصح بتركيب الكاسيت او جهاز انذار او غيره في مركز متخصص وليس عند كهربائي عادي (الاسطه بليه) لأنه ممكن يأثر على وحدة الكمبيوتر ويتلفه انما المراكز المتخصصة عارفة العربية كويس وركبته الف مرة قبل كده وطالما تم التركيب بدون مشاكل يبقى مخرجتش بره الضمان

استاذ محمد

انا سألت النهارده ادارة الصيانة عن مركز القاضي قالوا اننا لسه متعاقدين معاه انما لسه لم يشتري طلبية قطع الغيار التأسيسية وبالتالي الأفضل خليك في صيانة الألف في مركز جسر السويس (فرع التوكيل) اول طريق الاسماعيلية قبل اول مزلقان على اليمين بجوار سوق القنال الدولي

وابتداء من صيانة العشرة باذن الله ممكن تروح مركز القاضي في العاشر يكون كمل نواقصه