سعر لانسر 1600 أردني كدة مظبوط؟

**ahmedfd** · 13-10-2008 08:21 AM

صديق ليا حجز لانسر 1600 كلاسيك أوتوماتيك موديل 2009 من معرض في مدينة نصر و البنك خلص إجراءاته و العربية جاهزة و مفروض يستلم اليوم أو بكرة بالكتير .
هوا العربية زي ما قلت كلاسيك و هيا مواصفات أردني و فيها أيرباج و سعرها 110 ألف.
يا ترى السعر ده كويس و لا عالي إنه سأل معارض من الجرايد لقى الكويتي هاف سبورت بـ 106900 و أنا عارف من منتدى ميتسوبيشي هنا إن الكويتي أعلى مواصفات بالإضافة لإنها هاف سبورت يعمي مفروض تكون أغلى من الكسلاسيك أصلاً.
برضه صاحب المعرض قاله الضمان بيشتريه أو بيدفع ثمنه فهل ده صحيح؟ و في الحالة دي هل هيدفع 110 ألف + ألفين و لا تلاتة كمان طب مكان جاب الشكل الجديد مانيوال أعتقد بـ 118000 و خلاص!!!!!
أنا مليش في اللانسر و لا أسعارها فقلت أكيد خبراء الميتسوبيشي هنا هيدوني الرد المفيد.
و شكراً.

**مصراوي جدا** · 13-10-2008 10:23 AM

أهلا يا استاذ أحمد

هي اللانسر 1600 كلاسيك أوتوماتيك موديل 2009 المصري (وكيل) سعرها 110 ألف ومعاها ضمان 3 سنوات او 100 ألف كيلومتر

وكمالياتها : تكييف وباور وسنتر وريموت وايموبيليزر وزجاج كهرباء ومرايات كهرباء وايرباج سائق وفرامل ABS , EBD وبدون راديو كاسيت لكن فيها تجهيزات راديو كاسيت (4 سماعات واريال جنب وضفيرة)

مواصفات الأردني هي نفس مواصفات المصري انما الكماليات ممكن تفرق وبالتالي المفروض الأردني متكونش في سعر المصري لأنها بدون ضمان

الكويتي هاف سبورت ب 106900 اعتقد انها موديل 2008
كذلك الشكل الجديد لانسر EX بـ 118900 ده سعر المصري بضمان لكن 2008

المشكلة في الموضوع ان البيعه خلصت والاجراءات انتهت وباقي الاستلام (انما في الحالة دي ممكن يضغط على المعرض في موضوع الضمان انه ميدفعش فيه كتير) طبعا الضمان المباع ده بيكون مركز خدمة بيعمل ضمان تبعه لفترة سنة تقريبا ، انما بالتأكيد مش ضمان الوكيل

الموضوع: سعر لانسر 1600 أردني كدة مظبوط؟

LinkBack

أدوات الموضوع

عرض

-

المواضيع المتشابهه

إستفسار بسيط : مالفرق بين لانسر 2006 موتور 1600 ولانسر 2008 موتور 1600 في السحب

لانسر 1600 - لانسر شارك - نيو سيراتو - النترا

تويوتا كرولا 1600 cc ولا لانسر بوما 1600 cc

صنى 1600 أوتوماتيك ولا لانسر 1600 أتوماتيك (منتهى الحيره)- أرجو مشاركه الاستاذ سبعاوى

لانسر 1600 ولا سيراتو 1600

الكلمات الدلالية لهذا الموضوع

المفضلات

المفضلات

ضوابط المشاركة