الموضوع: فصل الكهرباء عن المحرك وهو داير للحماية من التثبيت على الطريق

الموضوع ده بيكون علشان لو حضرتك ركنت وبيتقفل العربيه بالريموت ماينفعش ترجع تدورها غير لما تفتحها بالريموت
بمعنى لو انك فتحت الباب بالمفتاح ودورت العربيه ماتدورش غير لما تفتح بالريموت انا اللعب فى الضفيره فده موضوع اكيد

اعتقد انها حتخرج من الضمان و ان كنت غير متأكد لان اي لعب في الضفيرة يخرج من الضمان

بس هل هو عملي ؟؟ بصراحة اشك
الحرامية دلوقتي ناصحيين يا باشا
يعني هو لما يوقفك و يثبتك و ينزلك و ياخد منك المفتاح
حتفرق معاك لما يخليك متثبت لحد ما يدور العربية ؟؟ و لو هو عارف انك عاملها لوك ما هو حيجبرك تعمل unlock

بصراحة انا شايف الموضوع ده مش عملي

علي العكس اعتقد الحل جهاز من اجهز التتبع اللي بيبعت احداثيات العربية

المشاركة الأصلية كتبت بواسطة captainahmed

اعتقد انها حتخرج من الضمان و ان كنت غير متأكد لان اي لعب في الضفيرة يخرج من الضمان

بس هل هو عملي ؟؟ بصراحة اشك
الحرامية دلوقتي ناصحيين يا باشا
يعني هو لما يوقفك و يثبتك و ينزلك و ياخد منك المفتاح
حتفرق معاك لما يخليك متثبت لحد ما يدور العربية ؟؟ و لو هو عارف انك عاملها لوك ما هو حيجبرك تعمل unlock

بصراحة انا شايف الموضوع ده مش عملي

علي العكس اعتقد الحل جهاز من اجهز التتبع اللي بيبعت احداثيات العربية

دا فعلا صحيح - الحرامية بقو نصحين برضو
كان فى حل عند واحد اسمة عم حمدى الكهربائى - هو كان شغال فى التوكيل بتاع العربية دى
و دلقوقتى فاتح مع نفسة
هو اخترع جهاز انة بيبقا معاك ريموت منفصل غير بتاع العربية و بتعلقة لوحدة ولو لقدر اللة حد ثبتك
بعد ما بيمشى بالعربية تقدر تفصل دايرة الكهرباء على بعد من الريموت التانى على بعد يقرب من 100 متر - تكون انت استخبيت برضو
و من غير ما يلعب فى الضفيرة هو الجهاز اختراعة و جرنال الاخبار استضافة علية و بيركبة تثريبا ب 300 جنية - و الراجل دة دماغة حلوة فى العربية و فاهم كل حاجة فيها
ربنا يسترها عليك و علينا

المشاركة الأصلية كتبت بواسطة muslimmeskeen

إزيك يا بيتر عامل إيه :)
عربيتك وعربية أبو جنى (لما ركبتهم) كان ليهم دور كبير في التأثير على قراري بإني أشتري العربية.. فشكراً ليكم :) وبصراحة مواضيعك هنا في المنتدى من أول ما كنت بتسأل عن العربية لحد كل استفساراتك والمشاكل اللي واجهتك وتقريرك عن الزيت استفدت بيهم كتير فشكراً ليك :)

بالنسبة للراجل بتاع السنتر والإنذار فهو قاللي كدة.. قاللي أنا ممكن اعملهولك على رموت منفصل وهيبقى سعره 200ج وهديك 2 ريموت.. أو ممكن أشغلهولك على الريموت بتاعك على طول بـ 70ج.. قلتله طب وهنحتاج لعب في الضفيرة؟ (عشان الضمان).. قاللي لأ.. دي كتاوت بس هتتضاف تشغل الخاصية - اللي موجودة اصلاً - أثناء عمل الموتور..

فإحنا في ميزة عندنا إن الريموت منفصل عن المفتاح، فأنا حاطط ده في سلسلة وده في سلسلة تانية.. وبالتالي حتى لو - لا قدر الله - نزلك من العربية دايرة والريموت في جيبك عرفت تجري وتعمل لها لوك خلاص، مكانش إعمل لوك للعربية ودغدغ الريموت برجلك وقوله دورها بقى لو راجل d:

إنما لسة هستنى لما يبقى ياخدها وابقى اتتبعها بالقمر الصناعي وأروح وراه أخدها من حارة في حتة ميتة.. متهيألي ده يبقى آخر الحلول المطروحة..

فأنا شايف السعر مش عالي وفي نفس الوقت خاصية كويسة تتضاف لو مش هتخسرنا الضمان.. لكن بتأكد من حضراتكم هل شايفنها حل جيد وسعر معقول؟ ولا في حل أحسن منها؟
وشكراً لك من شارك :)

هو كسعر معقول ولكن هل هو حل جيد؟ هل الحرامى اللي طلع وعامل حسابه يثبت العربية ويسرقها ومجهز عدة اشغل ! من شلة اصحابه والسلاح والتربص علي الطريق هل هيسيبك ويجري لما ميعرفش يدور العربية؟؟؟ ........ أشك
ومع ذالك مفيش مشكلة ناخد بالاسباب وربنا يسترها معانا ويكفينا شرهم وشر كل دابة هو آخذ بناصيتها ...، آمين