العربيه الجوان اللى راكب فيها كان بيجيب زيت لانه مش الجوان الاصلى و عادى يعنى ما بقاليش ٣٠،٠٠٠ كم مركبه
رحت اعمل حاجات فى العفشه الراجل قاللى هعملك صيانه قلتله ماشى
غيرلى زيت و سيور و بلى الكاتينه وبوجيهات و جوان غطاء التاكيهات
العربيه بقت خشنه و فيها صوت ونه مع ضغطة البنزين و فى رجه خفيفه كده
الراجل "المهندس" قاللى عادى ده من السيور عشان جديده و شاده لما هتريح الصوت هيروح
بعدها بيومين العربيه فجاه و انا ماشى على الدائرى راجع من التجمع، لقيت الموتور بيترج بطريقه مش طبيعيه
زى ما يكون سلك البوجيهات مش راكب
ركنت و جربت اشيل سلك البوجيهات واحد واحد عشان اعرف لو الكهرباء مش واصلة، اول سلندرين من على الشمال كانهم مش موجودين
اشيل السلك او اركبه مش فارقه
السلندرين التانيين لو شلت واحد منهم العربية تبرجل زياده كانها خلاص هتبطل
انا مش عارف اعمل ايه
الموبينه سليمه و البوجيهات المفروض انها جديده و الرشاشات بدل اماكنها برضه مفيش اختلاف
بيقولى العربيه جابت وش سلندر
طب العربيه ما سخنتش منى،
طب ايه السبب ؟
مش عارف اعمل ايه
المفضلات