الموضوع: الكيا ريو ما شاء الله بتستهلك البنزين ولا كأنها 3000 سى سى

بص يا باشا ، أولا عايزك تتطمن تماما العربية استهلاكها فوق الممتاز ، طب ايه المشكلة؟- ممكن تكون محتاجة software update وده مجانى مع الصيانة لو العربية محتاجة.- لو ماشى طوالى فترة صفر عداد استهلاك البنزين وامشى شوية على 90 الى 100 وشوف المعدل ، صدقنى هتشوف ارقام تفرح. بس فى الزحمة ومع التكييف والتوقف المستمر والتسارع الفاجئ هتلاقى ارقام تزعل. اللى حصل ان يمكن حضرتك مصفرتش العداد فهو فى الحالة دى بيطلع المتوسط من اخر ريسيت. اعمل ريست وجرب.شوف كمان الموضوع التالى:http://www.nilemotors.net/Nile/412256-2014.htmlجرب وابقى طمنا،

المشاركة الأصلية كتبت بواسطة mohab555

جبتلكم تجربه من ارض الواقع النهارة عربيه العبد لله ريو توب لاين خليجى هاتشباك 2013 ماشى 14600 كم
اول صوره من اكتوبر للتجمع من الساعة 7 و نص للساعة 9 الا ربع و كله عارف الدائرى الوقت ده زحمه ازاى
ده كان الاستهلاك حتى التوقف تماما 7.1 لتر / 100 كم

الصوره التانية فى اثناء العوده عصرا و كان الطريق كويس نسبيا و كان الاستهلاك 3.7 لتر/100 كم ..
مع مراعاه ان الزيت لكوى مولى توب تك ماشى 4500 كم و فلتر الهواء متغير فى صيانة ال 10000 و من ساعتها متنضفش ولا مره ..

الزيت عامل معاك ايه يابشمهندز ........ انا عامل 18500 و مسافر شغل وهرجع بعد شهر .... وعاوز اجرب الليكوي مولي بس انا مش فاهم فيه ومعرفش اجيب 5 ولا 10 و انت سبقتني بقه بالصوره انا لسه دلوقتي كنت راجع من التجمع للمعادي على سرعه 120 والاستهلاك كان 5.6 بس مش عارف ارفع الصوره دلوقتي

المشاركة الأصلية كتبت بواسطة mohab555

[size="5"]
الزيت كويس جدا لحد دلوقتى و بستخدم زيت top tec 4100 لزوجه 5w40 و بيعد 10000 كم بس مش عارف ليه عاوز المره الى جايه اجرب زيت ولفر الى اعلاناته ماليه المنتدى و الناس بتشكر فيه ... او اجرب الشيل الترا الجديد الى نزل 5w30 ..[/size بتقنيه ال pureplus]




[img2]http://www.eltawkeel.com/assets/news/shell_event_14rr/3.jpg[/img2]

انا حطيت الشل الجديد اخر مره غيرت بس انا حصل معايا اني غيرت قبل ال10000 لان الزيت عدى عليه 6 شهور ....... غيرته على 6000 بس ..... بس كان لازم اغيره عشان الزيت مينفعش يقعد اكتر من 6 شهور في العربيه باي حال من الاحوال ..... وبالنسبه للشل الترا .... الموتور صوته بقى مالوش صوت ولما تحرق كده على الغيار بيعمل صوت جميل اوي الصراحه...... ان شاء الله المره الجايه لو ملقتش شل عشان حوار توتال اللي اشترت شل دي هبقى احط ليكوي او ولفر ......

المشاركة الأصلية كتبت بواسطة amromdiab

العقد الموقع بين توتال و شل لا يتضمن الزيوت نهائيااااااا و ابدااااا و بتاتاااااا
شل اكبر شركة زيوت في العالم
و عمرها ما هتتنازل عن الزيوت.
ولكن
شركة شل لها محطات بنزين عدييييدة في مصر
محطات شل في "مصر" لم تحقق لهم ارباح لان اسعار البنزين مسعره.
فقامت ببيع "محطات البنزين" فقط
و ستستمر شل للزيوت في مصر

اشكرك على المعلومه الرائعه...... بس اكيد مش هيتباع في توتال هيتبااع بقى في التوكيل بس ياما عند الموزعين ....... وده هيزود فرص اللعب والغش فيه .... بس اللي انا اتأكدت منه انه هيبقى موجود في التوكيل .......