الموضوع: الكيا ريو ما شاء الله بتستهلك البنزين ولا كأنها 3000 سى سى

المشاركة الأصلية كتبت بواسطة dr_moustafa

تحتاج الى تحديث السوفت وير
انا شكيت فى كدا بردو
موجود فى مركز القاهره اوتو ( وكيل معتمد من كيا ) - الكيلو 4,5 طريق القاهره السويس - بجوار محطة شل

ما دا الى هعملة ان شاء الله

المشاركة الأصلية كتبت بواسطة eng_hatemfathy

انا الكروز معايا ما بتزيدش عن185 كيلو فى الصفيحة من غير تكييف ومن غير حرق لو شديت بتوصل ل 160 كيلو فى الصفيحة فكده استهلاكك حلو

ياباشا ماشى بس دى 1400 سى سى يعنى المفروض انها تكون موفرة واقتصادية ولو بتعمل من 9 ل 10 لتر كنت قولت اوك انما 13 دا كتير والعربيه عاملة 1400 كيلو

المشاركة الأصلية كتبت بواسطة abohend

على رايك و الله
أنا لما قريت العنوان فكرت العربية بتستهلك 15 لتر فال100 كيلو
تعالى شوف البيجو 301
العادي من 10-12 لتر
صحيح أنا لسه عامل 500 كيلو بس
بس الاضح إنها حوت بنزين

ياباشا عربيتك 1600 انما دى 1400 واصغر من البيجو فا المفروض انها تكون اقل من كدا وانت ان شاء الله بعد صيانة 1000 العربية هتفرق معاك

المشاركة الأصلية كتبت بواسطة mhkorayem

أيه يا باشا الكلام الكبير ده
ده العنوان اللي أنت كاتبه يجيب ذعر لاي حد بيفكر في شراء العربيه
أنا نفسي اتخضيت :e_braces[1]:
بصراحه انا لسه محسبتش استهلاكها في البنزين لاني لسه مستلم غير ان اي أستهلاك هحسبه دلوقتي هيبقى غير دقيق عشان انت عارف أنه اول 5000 كم بيبقى الاستهلاك اعلى من الطبيعي شويه
بس انا محستش خالص ان الاستهلاك مرتفع وعلى حسب العداد فالاستهلاك عندي بيلعب مابين 9 و 10 لتر لكل 100 كم
بس طبعاً انا مش باخد على العداد وإن شاء الله هبقى أحسبها بنفسي على التفويله
بس قول لنا الاول أنت الاستهلاك اللي عندك ده شد وجري وحرق ولا مش على الهادي
طرق طوالي وسالكه ولا في وسط البلد وزحمه واشارات واللذي منه
بالتكيف ولا من غير وأخبار صياناتك وتغير الفلاتر ايه عشان كل ده بيفرق كتير

ياباشا استهلاكها عالى والله لانى اخدت مشوار مش كبير وانا من النوع الى مش بيجرى فا الاستهلاك عالى يعنى تاكل منى ربع التانك فى حوالى 50 كيلو مشى هادى وزحمة قليلة وتكيف اشتغل فى الحوار دا كلة حوالى 15 دقيقة

المشاركة الأصلية كتبت بواسطة temoon

ياباشا استهلاكها عالى والله لانى اخدت مشوار مش كبير وانا من النوع الى مش بيجرى فا الاستهلاك عالى يعنى تاكل منى ربع التانك فى حوالى 50 كيلو مشى هادى وزحمة قليلة وتكيف اشتغل فى الحوار دا كلة حوالى 15 دقيقة

لأ طبعاً ربع التانك في 50 كم ده كده في حاجه غلط وش حتى لو مشغل التكيف طول الوقت
جرب كده موضوع تحديث السوفت وير وأبقى قول لنا النتيجه ايه