صدقنى طول ما انت متعاون ومحترم كدة عمر ما هيحصل معاك اى موقف بايخ
انا جالى احباط من اخر مره ف موضوع التلاجه ده ..عاوز اجمد قلبى شوية قبل المحاولة الجاية
انا معنديش مشكله ف ديموقراطيه بانياب او تقليد او اصلى..بس عاوز اشوف شبح ديموقراطيه!!انا طموحى باه صغير جدا
وعموما انا مكنتش قاصد ادخل ف جدال سياسى هى بس مقولة شائعه وكنت حابب انوه عنها خصوصا ان حتى السفير البريطانى اكد انها متقالتش
https://www.youtube.com/watch?v=XTev7RPRO8Q
انا مش ضد انك تبقى محترم مع اى حد بيؤدى وظيفته لكن ضد انه يكون له مطلق النفوذ عليك
طبعا لازم نستحمل الظابط اللي بيفتش عربياتنا بدون سند قانوني ومفيش مانع نستحمل سيادته برده لو كسر باب شقتي في نص الليل علشان الباشا شاكك إني إرهابي ولازم يقطع الشك باليقين واركن الديمقراطية دلوقتي على جنب مش وقته
ولازم نستحمل وزارة الكهرباء اللي بتقطع الكهرباء كل يوم في الشتاء أما في الصيف فالحمد لله هنرجع لعصور الظلام وأهي فرصة العيلة تقعد مع بعض شوية وتبقى صلة أرحام برده
ولازم نستحمل أزمات السولار إيه يعني لما نقف في الطابور ساعتين تلاتة علشان مسر ؟!
ولازم نستحمل قلة السيولة والعجز الاقتصادي وغلاء الأسعار احنا لازم ندي بلدنا من جيوبنا مننظرش هي اللي تدينا
ولازم نستحمل البلطجة وتثبيت العربيات والقتل والخطف اليومي ما البلطجية دول نتيجة ظلم المجتمع لهم وده أكل عيشهم وباب رزق ليهم زائد إن الشرطة مش فاضيالهم في حاجات أهم في عيال بتشيل مساطر وبلالين لونها أصفر !
ولازم نستحمل القتل والسجن والاعتقال والتعذيب وفض المظاهرات دول شوية إرهابيين خونة مش بيحبوا بلدهم ولازم المجتمع ينضف بقى من الأشكال دي ولازم نضرب بيد من حديد
الطريف بقى إن الجماعة اللي عايزين يستحملوا دلوقتي دول هما هما من سنة بس اللي مكنوش عايزين يستحملوا لا أزمة كهرباء ولا سولار ولا بنزين ولا غاز ومكنش في حل غير نعزل ونحاكم ونشيل أول رئيس شرعي منتخب علشان مش عارف يحل نتيجة عشرات السنين من الفساد في كام شهر واحنا مش هنستحمل أكتر من كده أمال احنا عملنا ثورة يناير ليه ؟!
وهكذا يتم صناعة الفرعون الكبير ليحكم الفراعنة الصغار فهنيئا لهم لأنهم لا يستحقون إلا ذلك وكما تكونوا يولى عليكم
صاحب الموضوع وكاتبه انا حرد على سؤالك بفرض حسن النيه في السؤال:
انا لو في كمين و حبيت اسألك على الرخص و تعاونت معايا حمشيك لكن لو ابديت عدم التعاون حفتشك و حفتش العربيه و كل مايبان منك خوف او ضيق حاعلى بالتفتيش...
لو طلبت منك الركنه على جنب اركن عادي و اسمع لتعليمات اللي وقفك و تعاون معاه تماما لو عاكست بيتفرض سوء النيه لانك لانت بتهرج ولا هوا بيهرج عشان يفترضلك حسن النيه
هوا ديه الخلاصه
أسال العبيد لماذا ركعوا
حاجة تجنن و اللهاقتباس:
المشاركة الأصلية كتبت بواسطة rompo10
يا صاحب الموضوع
لو مزاج حد فيهم وحش شوية و خنق عليك و لبخ لك بكلمتين مافيش مانع
معلش هو تعبان و قرفان و واقف في الشارع
مشي امورك و اضحك مع الباشا و فرفشه
دي كمالة النصايح بتاعة بعض الاخوة هنا
Sent from my GT-N7000 using Forum Runner
اه طعا من حقه انت مش شايف الارهابين الى فى البلد وكل يوم قنبلة