هو حضرتك ظابط أو محامي ؟
أصل أنا إللي أعرفه إن قانون الطوارئ مش شغال
وإيه نصوصه ؟ أخر إصدار ليه ... أصل أنا سامع إن فيه منه كذا إصدار
أنا بسأل بجد على فكرة !
هو حضرتك ظابط أو محامي ؟
أصل أنا إللي أعرفه إن قانون الطوارئ مش شغال
وإيه نصوصه ؟ أخر إصدار ليه ... أصل أنا سامع إن فيه منه كذا إصدار
أنا بسأل بجد على فكرة !
فية توضيح مهم لازم يتقال بعيد عن صاحب الموضوع الاصلى
التعايش من سمات الانبياء والعظماء وكل من اضاء الله لة بصيرتة
اما العبيد والقطيع وكل من تربى على السمع والطاعة بدون تفكير فهؤلاء كالانعام او اضل سبيلا
وعشان ابسط كلامى هدى كذا مثال :
1 - النبى علية الصلاة والسلام كان بيصبر على اذى المشركين فى مكة لان امر الهجرة الى المدينة مكانش جة من ربنا سبحانة وتعالى ودة اسمة صبر وتعايش مع الواقع
2 - النبى علية الصلاة والسلام كان بيصبر على جارة اليهودى اللى كان بيحط القاذورات قدام بيتة كل يوم ( والقصة معروفة من اولها لاخرها) ودة اسمة صبر وتعايش مع الواقع
3 - سيدنا ايوب لما ربنا ابتلاة بالمرض صبر وتعايش مع المرض ميئسش من رحمة ربنا
4 - سيدنا موسى لما فر من مصر (وهو كان معزز فى مصر ) انتهى بية المطاف انة يخدم احد الصالحين (والقصة بالكامل معروفة) فى البرية وفى مستوى حياة اقل من قصر فرعون .......صبر وتعايش مع كدة
وكمثال من حياتنا المعاصرة لما تكون فى مشوار بعربيتك وتلاقى مجموعة من الارهابيين القتلة تجار الدين قاطعين الطريق وبيولوعوا فى العربيات .....فترجع بعربيتك بسرعة وتدور على طريق تانى تروح منة مشوارك دة اسمة تعايش مع الواقع
الشاهد من الكلام ان التعايش دة من سمات كل ذى عقل راجح
اما بالنسبة لكل من تربى على السمع والطاعة والتفكير بطريقة القطيع فبيشوف الكلام دة بتوجس واستنكار لان ربنا حرمة من نعمة العقل اللى يخلية يعرف يفكر بطريقة واضحة وبسيطة
بأمانة صعبان عليا
يشاء ربنا سبحانه وتعالى انى وقفت في كمين كوبري امبابة امبارح الساعه 11 تقريبا بعد ما سألني امين الشرطة علي الرخص وشافها طلب يبص علي شنطة العربية فتحتهاله من جوه بس مفتحتش نزلت لقيته هوا وواحد كمان بيدوروا بتتفتح ازاي ساعدتهم وفتحتها بدأوا يبصوا علي كل حاجه وطبعا الشنطه عندي مولد المهم شافوا شنطة العده عجبتهم وفتحوها وكلها اسلحة فتاكة:-)
حب واحد فيهم يبص تحت الفرشة في منطقة الاستبن قلتلهم ثانية واحدة علشان ميحصلش خساير برفع الارضية والاتنين مرعوبين عنيهم عايزة تنط من الرعب وبعد ما رفعت حرفها دورت علي الكشاف علشان انورهلهم بدل ما ارفعها كلها
كل حركة بعملها حاسس انها بتخليهم هيعملوها علي نفسهم
بصراحة انا مشفق عليهم واحمد الله علي العافية
المشكله هي اجابة سؤال
ليه يوصلوا نفسهم للمرحلة دي ؟
ليه يبقي العداء بينهم وبين الشعب بالمستوي ده؟
ليه يعيشوا مرعوبين رعب فلوس الدنيا متعوضوش والبشوية متسواش لحظة امن وطمأنينه؟
ليه يضحوا بنفسهم علشان حد تاني يستمتع ويسرق وينصب ؟
ليه يساعدوا في زيادة الفجوة بينهم وبين اخواتهم وولاد عمهم وولاد خالهم وجيرانهم؟
هيكسب ايه امين الشرطة من وظيفته يعادل وقفته قدامي اللي بيحاول يظهر فيها رباطة الجأش وقلبه بيدق مع كل حركة يحسن افجره ولا اطلعله سلاح وانا حقيقي بساعده يعمل شغله وبعمل حاجات كان ممكن معملهاش واقف بيه ايدي في جيبي او اقعد باشا في عربيتي واسيبه يفتش الشنطة زي ما بعمل لو اتزنقت ودخلت بنزينة وطنية
معذرة اسمحلى اعارض حضرتك المره دى
الاستثناءات لا يستثنى عليها
يعنى ايه
يعنى لو الوضع الامنى خطير يبقى لازم قانون يتواكب مع الوضع الامنى
لكن مخالفة القانون هى باب للاخر ليخالف بدوره
ما نشاهده اليوم من تجاوزات ليس مرده الى ارهاب او خلافه وانما لثقافة يتوارثها اهل مهنة كابرا عن كابر وقد كان على ما هو عليه فى السابق دون ارهاب او غيره بل انه يمارس الان مع مؤيدين فالزمار يموت ويده تلعب
وكنا فى الماض نرى من يدفع عشرات بل مئات الالوف ليدخل الشركة وهو يعلم ان راتبه وهو نقيب لن يتجاوز ال 600 وانه سيظل يعتمد على اهله بينفق على بيته وما كل ذلك الا للسطوة والصيت والوجاهة المصطنعة
نعم مصطنعة لانه ليس لها قواعد واسس
منذ 24 عام وتحديدا فى عام 90 عندما عرض على احد اقاربى وكان يشغل مدير امن محافظة ما وكان عندها ايضا ابن عم امى مساعد اول للوزير وكدير مكتبه التقديم فى الشرطة عندما علم بانى قدمت فى فنيه وتم استبعادى طبيا (قلب)بالرغم من انى لاعب قفز كظلات والعاب هواء وكشفت عشرات المرات بالجيش وما ذلك الا لتغيب واسطتى عن هذا اليوم
فكان ردىعلى قريبى بمنتهى الامتعاض -انا ادخل شرطة !!!!
اكرمنى الله بهندسة ورأيت اصحتبى الذين التحقوا بشرطة يتحولون وكأننا نسينا من هم وكنت ساعتها دنيويا بحتا متعجرفا متكبرا فلم يعجبنى طبعا "التعايش" مع هؤلاؤ فواسكتى فى الشرطة اعلى منهم جميعا ومع هذا انا فى هندسة
مرت الايام وافرزت عن من هداه الله ومن استغل النجاس الذى يحمله على كتفه اسوأ استغلال ولكن ليس على من له ظهر او من بعرف اصله وفصله
معذرة للاطالة والتشعب ولكن عودا للبدء الامر لا يتعلق بارهاب سواء مصطنع او حقيقى وانما بدواخل وامراض نفسية تحتاج الى علاج والى قانون يضبطها وليس علاج الارهاب بالتعذيب والاغتصاب واهانة الشعب فهذا يفتح باب الثظار الذى لن ينتهى
اصلهم بيحبوا إيجيبت :b4_282:
الفكرة فى كل الكلام اللى انا بكتبة حضرتك انك ممكن تلخصة فى سطر واحد وباللهجة العامية
انى بقول لصاحب الموضوع معلش تعالى على نفسك شوية ومش هتخسر حاجة لحد ما ظروف البلد الامنية تتعدل
فى حين ان الطرف التانى عمال بيحرضة بشكل مباشر وغير مباشر وكلام من عينة ازاى ولية وبتاع اية وحقك ودى مش دولة الى اخر الاسطوانة التحريضية المشروخة
حضرتك واخد بالك من المصيبة هنا
حضرتك واخد بالك من الكمين
حضرتك واخد بالك من الهدف
اقولك انا وهشرح لك اللى بين السطور اللى حضرتك مش واخد بالك منة
لو الراجل المحترم صاحب الموضوع عمل بنصيحتى فغالبا وطبيعى مش هيحصل لة اى احتكاكات او مواقف بايخة مع الجهات الامنية (النصيحة الطيبة)
لكن لو الراجل الطيب صاحب الموضوع سمع لكلام الاخوة اللى من الاتجاة الاخر وكبرت فى دماغة فالطبيعى ان لما ظابط ييجى يفتشة يقولة لية وبتاع اية ومش من حقك والموضوع يكبر واضعف الايمان صاحب الموضوع ممكن يتعرض لوقت عصيب او بايخ (النصيحة الخبيثة)
حضرتك واخد بالك من الهدف
اسمح لى اتعمق معاك شوية فى الفكر الشيطانى
بعد ما الراجل صاحب الموضوع يتعرض لوقت او موقف عصيب وبايخ من الظابط فطبيعى انة يقول عندهم حق الاخوان فى اللى بيعملوة فى الشرطة دول ولاد.................
اضعف الايمان هيتعاطف مع الاخوان فى اللى بيعملوة فى الاجهزة الامنية ومن وراها ممكن يصدق انهم على حق فى كل اللى بيعملوة
خد عندك المصيبة الاكبر بقة
خد عندك التقيلة بقى اللى جاية
خد الصدمة دى
ولا واحد من الناس اللى بتحرض الراجل المحترم تقدر تنفذ 1% من اللى كاتبينة فى اى كمين انة يقف ويقول لظابط مش من حقك وبتاع والكلام دة
حضرتك فاكرنى بكدب
للاسف لأ
لأن الارشيف بتاع المنتدى مسجل كل المشاركات للناس دى ولو انا مش عايز احرجهم هجيب لك اقتباس من كلامهم ومن مشاركاتهم هتعرف فيها انهم اضعف من الضعف واجبن من الجبن وماشيين جنب الحيطة والخوف ماليهم من انهم يتقبض عليهم
يعنى من الاخر
الناس دى بتاعة تحريض بس
يعنى من الاخر
الناس دى ابطال كيبورد
بس خلاص
خلص الكلام
لو سمحت متدخلش الدين فالسياسة واساسا كلامك حق يراد به باطل فى فرق بين التعايش وبين الخضوع والذل ... اما تلاقى امين شرطة بيتنطط على ناس ضفرها برقبته والرشوة سكتها معروفة فى وسط معين الا من رحم ربى و امن وامان معدومين واحنا بندفع ضرايب اد كدة والسرقة منتشرة .. انا امى لسة مسروق منها معاشها فالشارع عز الضهر من اسبوع تقريبا والبلطجة بقت ملئ البصر وتيجى تقولى تعايش يبقى دة اسمه ذل مش تعايش دة رضى وقبول بالقهر
طب اقولك حاجة احلى ما يتعايش هو مع المهنة بتاعته ويشوف شغله ولا ايه رأيك؟؟ لو مش عارف يتعايش ﻷنه كان فاكرها مهنة تديله دبورة يجذب بيها البنات يبقى يسيبها لغيره وفى كتير يتمنوا من قلبهم خدمة البلد دى
اﻷهم من كدة متعايشتش انت ليه مع قطع النور وازمات البنزين المفتعلة ايام مرسى ولا المبادئ بتطلع فالمناسبات ؟؟
وترجعوا تقولوا تجار دين