الموضوع: تحذير السرعة فى 508

المشاركة الأصلية كتبت بواسطة maskeen

زوجتى معاها العربيه بقالها سنتين وسافرنا بيها كتير ومافيش الصفاره دى نهائى على اى سرعه

اعتقد ان فيه ظبطه انت بتعملها للسرعه اللى تشتغل عليها الصفاره

بس فى الكتالوج او روح التوكيل

انا فصصت الكتالوج ملقيتش حاجه عن انذار السرعه
انشالله في ميعاد الصيانه هسال في التوكيل و ابلغكم

احب اعرفكم بنفسي، معتز عادل قاعد في الرياض، معايا 508 موديل 2013 بني غامق زي الاستاذ شريف، بس من توكيل اليمني مش من الحج حسين علي رضا
بالنسبة لصوت الانذار بتاع ال 120 اخيرا و بعد نجاح تم فصله من المهندس محمد سمير في التوكيل بتاع بيجو في الرياض، تقدرو تروحو و تطلبو منه الغاء صوت الانذار.

بالتوفيق ان شاء الله

المشاركة الأصلية كتبت بواسطة Moataz Adel

احب اعرفكم بنفسي، معتز عادل قاعد في الرياض، معايا 508 موديل 2013 بني غامق زي الاستاذ شريف، بس من توكيل اليمني مش من الحج حسين علي رضا
بالنسبة لصوت الانذار بتاع ال 120 اخيرا و بعد نجاح تم فصله من المهندس محمد سمير في التوكيل بتاع بيجو في الرياض، تقدرو تروحو و تطلبو منه الغاء صوت الانذار.

بالتوفيق ان شاء الله

مرحباً أستاذ معتز
الله يباركلك في سيارتك

بما ان اللون واحد أنصحك تظلل الزجاج من اجل الخصوصية
وليس من اجل العزل الحراري لان الزجاج معزول أصلاً وانا قيست عزلة بنفسي
انا ظللت درجة ممتازة ، سيراميك ،داخلة علي البني ماركة المانية ممتازة اسمها Huper Optic

بالنسبة للصفارة ،
التوكيل رافض يلغي زمارة السرعة، ومراتي كمان،
وحاسس اني اتعودت عليها

المشكلة اللي شغلاني هي استهلاك البنزين
المعدل بقى بيعدي ال ١٢ ليتر لكل ١٠٠ كيلو
وفي الوكالة مش عارفين يعني اية معدل اصلاً

سعيد بمعرفتك

استاذ شريف، انا حبقي اسعد لو اتشرفت بلقائك، و لو حابب اوديك للمهندس الي في توكيل اليمني عشان يلغيليك الصوت معنديش مشكلة.

بالنسبة للتظليل انا مركب نانو سيرامك بردو بس ماركة اسمها I'm Johnson

بالتوفيق ان شاء الله.

المشاركة الأصلية كتبت بواسطة moataz adel

استاذ شريف، انا حبقي اسعد لو اتشرفت بلقائك، و لو حابب اوديك للمهندس الي في توكيل اليمني عشان يلغيليك الصوت معنديش مشكلة.

بالنسبة للتظليل انا مركب نانو سيرامك بردو بس ماركة اسمها i'm johnson

بالتوفيق ان شاء الله.

السلام عليكم استاذ معتز
سعيد بالتواصل معاك
اسف للتاخير في الرد
في الحقيقة العربية بقالها يومين في الصيانة
كان فية رسالة علي الشاشة ان الزيت قليل بالاضافة الي ان الزجاج الايسر الامامي والخلفي مش عايزين يقفلوا
لقوا الزيت ناقص ليتر ونصف
سبتها عندهم يومين وقالولي كان فية قطعة مفروض تتركب قبل المسمار اللي بيقفل علية الزيت اثناء تبديلة واظاهر نسوا يركبوها
والروافع بتاعة الزجاج ( الامامي والخلفي ) باظت مرة واحدة وهيطلبوها من جدة
اللي غايظني انهم حاسبوني علي ٢ ليتر زيت

لسة مطلعها ونازل رايح الشغل لقيت الرفرف الخلفي الايسر والاكصدام محكوكين من عربية بيضة والبوية طالعة

تقريباً نصف العربية الشمال محسود

بالنسبة للانذار هو مش مضايقني بالعكس دة انا لما أجرت كورولا ٢٠١٤ الجديدة اليومين اللي فاتو كنت مفتقدة جداً

بالمناسبة انا اتصدمت من الكورولا الجديدة، الموديل القديم كان احسن بمراحل في كل شئ

نتواصل قريباً بإذن الله

قدر الله و ما شاء فعل في موضوع الحكة، بسيطة ان شاء الله

بالنسبة لموضوع الازاز من الواضح انه بيتكرر كتير في الرياض و السعودية عامة، لانها حصلت معايا انا كمان من حوالي شهر و نص و غيرت مكنة الازاز قدام شمال علي الضمان طبعا.

يا ريت نتواصل في اقرب فرصة.

هو اة موضوع الازاز دا حتى فى مصر هنا شفت ناس اشتكت ان الازاز وقع جوا الباب ومش بيترفع