الموضوع: ساعدوني في اتخاذ قرار شراء الفكترا 2008

شوف انا عندي فكترا موديل 99 وقبل كده كان عندي 94 ودخلت في دوامة التفكير دي قبلك وقلت أستنى الإنسينيا علشان الفكترا كموديل أنتهت وكمان علشان الإيزي ترونيك ماعجبنيش لما سوقت الفكترا والأسترا.

لكن دلوقت محدش عارف منصور بيه ناوي يجيب لنا الإنسينيا إمتى لان المعروض من الفيكترا كمية مهولة ومش عارفين يبيعوها لا هما ولا الموزعين.

كمان الأنسينيا سعرها غير معروف لكن الواضح انها حتكون غالية (بص في الصورة المرفقة من موقع أوبل) أقل سعر للعربية 22700 يورو حوالي 167000 جنيه بدون جمارك وشحن ومكسب منصور يبقى تفتكر سعرها حيبقى كام؟

أخيرا المواصفات مخيبة للآمال لان الـ 1600 حتكون مانيوال بس (مرفق صورة البروشور الألماني) إلا إذا منصور جاب لنا نسخة سبيشيال أوتوماتيك

أنا شخصيا للأسف... قررت أغير الأوبل وأجيب فورد فوكاس الجديدة 2009 وآهي برضه الماني وعربية محترمة وفيها مميزات أكتر من الفيكترا ... وأرخص

في النهاية الحكم يرجع لك !!!

كل شركات السيارات الكبري و الماركات التي تتبعها و بلاد الصنع في هذا الرابط
http://en.wikipedia.org/wiki/Worldwide_vehicle_sales

المشاركة الأصلية كتبت بواسطة AmroSharafAldeen

محتاج مساعدتكم يا أوبللاويه
أنا على بعد خطوات من شراء سياره أوبل فكترا من توكيل منصور أوبل بس لسه قدامي حوالي شهر ونص على لما ربنا يكرم ببقية المبلغ اللي هأشتري بيه واتشرف بإني أبقى أوبللاوي أنا كمان:cute:.
أنا تقريبا قريت كل المواضيع و الاستفسارات الخاصه بالعربيه دي ، و حقيقي استفدت بالمعلومات بس في نفس الوقت زاد قلقي لما عرفت إن السنه دي أخر الفكترا و مش هتنزل تاني إلا باسم Insignia و من صور الموديل الجديد و التمن اللي بتقولوه حقيقي اتخضيت لانه هيبقى عالي جدا خصوصا إن مفيش حد عارف تمنها هيبقى كام بالضبط، ناس بتقول تبدء من 230 ألف و ناس تقول 350 ألف، يعني بمعنى أشتري دلوقتي و ألحق أخر Vectra ، و اللا استنى و أنا و نصيبي فالـــ Insignia
طب لو انا اشتريت الموديل الحالي و أنا مقتنع تماما إنه من أشيك الموديلات و ارقاها تجهيزات و كماليات ياترى الوكيل هيلتزم بتوفير قطع الغيار و الصيانه و اللا هأشتكي منه ذي ما قريت فالمواضيع إن التوكيل ضعيف في تقديم خدمة ما بعد البيع بطريقه مميزه، خصوصا إن التكنولوجي الموجود في العربيه عالي جدا و التعامل معاه خارج نطاق الوكيل ممكن يكون فيه ضرر بالغ للسياره.
ياريت تساعدوني و تطمنوني ، هل قرار الشراء دلوقتي صح و اللا الانتظار أفضل.
تسمحولي أضيف بعض من صور الـــ Insignia و أرجو إنها تكون جديده و مش منقوله خصوصا إن دي أول مشاركه لي فالمنتدى و بينكم تحديدا معشر أصحاب الاوبل و عشاقها.

لو مقتنع بالعربية اشترى , الانسينيا مش معروف هتنزل امتى وهتنزل بكام الفكترا C اللى موجودة دلوقتى دى من 2002 برة ومنصور جابها هنا 2006 يعنى حتى لو الانسينيا هتنزل معتقدش هتنزل دلوقتى موديل جديد ولسة نازل اكيد هينزل برة الاول وياخد حقة الاول وهيقعد فترة على لما يجى هنا

وسيبك من مواضيع قطع الغيار والكلام دة فكترا A و B حاجتها متلتلة فى التوكيل , مكسب التوكيلات فى الصيانة وقطع الغيار اكتر من مكسبة فى تمن العربية , انت بتدفع تمن العربية مرة واحدة وبتدفع صيانة وقطع غيار طول عمر العربية فاعمرة مهيخسر نفسة
على فكرة منصور كصيانة وضمان من التوكيلات المحترمة فى بلدنا بغض النظر عن اسعار الصيانة وقطع الغيار ..دة لو عتقارن بالنسبة للتوكيلات فى مصر لو هتقارن هنا ببرة فامفيش حد محترم هنا !

المشاركة الأصلية كتبت بواسطة ahmad7610

فوكاس ؟ مش ألمانى خالص .. دى تقفيل أسبانى ...
-

الفوكاس ألماني ويتتقفل في أسبانيا

وبرضه فيه منها ألماني 100% زي الستيشن اللي موجودة عند الوكيل

أما مسألة الوكيل كويس ولا ومش كويس... فأنا أعرف ناس كتير جايبة العربية وماعندهاش أي مشكلة وده السبب أني فكرت أشتريها على الزيرو وبعد سنتين أبيعها. ,انا شوفت خلال السنين اللي فاتت من تاعملي مع منصور المشاكل اللي حصلت لكتير من الناس مجال ذكرها مش هنا

ولو كان لوكيل هو الشئ الوحيد اللي الناس بتقرر شراء عربية معينة علشانه... مكانش حد أشترى باسات ولا جيتا (مثلا)... أو حتى اشتروها خليجي من غير ضمان اساسا

والفورد فوكاس من أكتر العربيات شعبية في أنجلترا من حيث الإعتمادية بشهادة هيئات كتير زي JD Power و Whatcar