إن شاء الله اقترب الاستلام محتاج مساعدة الشركاوية

**flavio_egypt** · 17-04-2014 11:56 PM

السلام عليكم ورحمة الله وبركاته
إن شاء الله قربت استلم اللانسر الشارك 2014 ارجو من السادة ملاك السيارة مساعدتى فى الاتى
1- ما الذى يجب التأكد منه اثناء استلام السيارة
2- ما الذى يجب ان افعله بعد الخروج من المعرض مباشرة بخلاف وضع البنزين

وجزاكم الله كل خير

**Mico_Mico** · 18-04-2014 12:49 AM

اللى اعرفه لازم تظبط ضغط اول متطلع مالمعرض عشان هما بيبقو معليين اوى الضغط - تطلع بيها عالطريق معاك لغاية 90 عشان التليين على طريق نضيف شوية مفيهوش تجاعيد وتسيب الدريكسيون وتشوف هترمى يمين او شمال ولا لا والدريكسيون بيتهز ولا لا - عشان لو كده يبقى ترصص وتظبط زوايا
حدد الفئة بتاعتك عشان هتفرق فالحاجات اللى تشيك عليها - بس عموما هتشيك عالحاجات التقليدية زى الانوار وسلامة الجسم الخارجى من الخدوش وتبص عالصالون والتابلوه وتجرب الكاسيت والشنطة والمفاتيح وتقفل وتفتح الابواب والشنطة بالريموت والمفتاح وتغير وضعية الكراسى ارتفاع وضهر واما وخلف وتتأكد من مستوى مية الراديتير والزيوت - وتجرب الفتيس والعربية شغالة و والعربية مش شغالة وتجرب التكيف هو مش هيشتغل كويس وهى واقفة بس اتأكد انو بيطلع هوا بارد وبعدين هتبقى تشوفو ظروفه بعد التليين

**Mico_Mico** · 18-04-2014 12:52 AM

والف مبروك

**flavio_egypt** · 18-04-2014 12:59 AM

المشاركة الأصلية كتبت بواسطة mico_mico

اللى اعرفه لازم تظبط ضغط اول متطلع مالمعرض عشان هما بيبقو معليين اوى الضغط - تطلع بيها عالطريق معاك لغاية 90 عشان التليين على طريق نضيف شوية مفيهوش تجاعيد وتسيب الدريكسيون وتشوف هترمى يمين او شمال ولا لا والدريكسيون بيتهز ولا لا - عشان لو كده يبقى ترصص وتظبط زوايا
حدد الفئة بتاعتك عشان هتفرق فالحاجات اللى تشيك عليها - بس عموما هتشيك عالحاجات التقليدية زى الانوار وسلامة الجسم الخارجى من الخدوش وتبص عالصالون والتابلوه وتجرب الكاسيت والشنطة والمفاتيح وتقفل وتفتح الابواب والشنطة بالريموت والمفتاح وتغير وضعية الكراسى ارتفاع وضهر واما وخلف وتتأكد من مستوى مية الراديتير والزيوت - وتجرب الفتيس والعربية شغالة و والعربية مش شغالة وتجرب التكيف هو مش هيشتغل كويس وهى واقفة بس اتأكد انو بيطلع هوا بارد وبعدين هتبقى تشوفو ظروفه بعد التليين

الله يبارك فيك وجزاك الله خيرا
الفئة التانية