أول مشكلة في الشارك ورد فعل التوكيل دايموند

**mohsen_anwar** · 19-12-2013 08:46 PM

شارك 2013 .. ماشية 4500 كم
الشباك الخلفي شمال بيطلع بصعوبة وأحيانا مبيطلعش خالص وبيقف في النص
قلت للمدام تروح التوكيل .. أنا في السعودية والعربية معاها في مصر
خدت معاد وراحت .. ركنوها 3 ساعات بالتمام والكمال وفي الآخر طلعت العربية زي ما هي
مهندس الصيانة قالها فكينا فرش الباب وحاولنا نعمل تزييت بس مفيش فايدة
وقال ان المشكلة متكررة بسبب جوان (اعتقد يقصد المجرة) والقطعة الموجودة في المخازن نفس اللي في العربية ومش هتحل المشكلة .. وتم ابلاغ الموضوع لليابان وهيزودوهم بالقطعة المظبوطة .. وكلمينا كل اسبوع مرة .. ولما توصل القطعة تيجي نركبها لك .. إمتى .. الله اعلم
طيب لما هي المشكلة كدة .. بتركن العميل 3 ساعات ليه
وبتفك فرش الباب ليه
توكيل ضعيف جدا .. أنا متأكد إن أي واحد بتاع بيبان شاطر يعرف يحل المشكلة .. بس طبعا الواحد بيصعب عليه .. دي زيرو يا جدعان
حد عنده تعليق أو نصيحة
متشكرين يا رجالة

**ezzdabo** · 19-12-2013 09:22 PM

انا بفكر اشتريها بس اللى مخوفنى قطع الغيار و التوكيل هل انا صح ولا غلط

**mohsen_anwar** · 19-12-2013 10:16 PM

المشاركة الأصلية كتبت بواسطة ezzdabo

انا بفكر اشتريها بس اللى مخوفنى قطع الغيار و التوكيل هل انا صح ولا غلط

قطع الغيار الأصلي غالية في كل العربيات دلوقت
إنما بالتأكيد التوكيل زبالة
طالما موديلات 2014 نزلت شوف التيدا والياريس والبيجو 301 والشارك وقارن وشوف انت مرتاح في ايه
وركز عالتيدا لو معندكش مشكلة في الهاتشباك
والياريس حلوة بس رقيقة وضعيفة شوية
والبيجو قوية بش اعادة البيع زفت
يبقى امرك لله هات شارك .. انا بعتبرها اللادا بتاع الياباني

**muhmado_furp** · 20-12-2013 03:20 PM

دي أفه التوكيلات في مصر
بالنسبة لمشكلة حضرتك معلش هي حاجه متوقفش العربيه
يعني ممكن نصبر لغاية لما يجيبوا القطعه دي
لكن لو محصلش حضرتك لازم تاخد موقف معاهم او شكوي في جهاز حماية المستهلك
واخر حل خالص اي صنايعي نضيف وتكون واقف معاه هيرجعلك كل حاجه راكبه زي ماكانت

**MITSUKERO** · 22-12-2013 09:51 AM

مفيش حل غير الصبر و كل التوكيلات بقت تقرف

**Mohamedgam** · 28-12-2013 12:44 PM

صديقي العزيز
نفس المشكله في نفس الشباك عندي وعندك وعند2 صحابي معاهم نفس العربيه ونفس الموديل
عربيه تقفيلها والفينيش بتاعها سيئ جدا جدا
انا عندي فيها مشاكل تانيه من ساعه ماجبتها زيرو
عربيه مقلب كبير بصراحه علي قد مافيها من مميزات علي قد مافيها حاجات كتير بتعكنن علي الواحد
ربنا يعينك ويعينا
وعلي فكره انا اتقالي ان دي مشكله عامه وربنا يسهل ان شاء الله

**MoNeIm AmIn** · 30-12-2013 12:25 PM

انتوا بتتكلموا عن الشارك اللي كلها مقالب ولا البومه
العربيه معايا ومع ناس كتير واول مره اسمع عن المشكله دي....وانها مقلب ومشاكلها كتير كلام اول مره اسمعه عنها
اتمني لو حضرتك تسرد مشاكلها علشان نستفيد...بجانب مشكله الكاوتش الدانلوب

**Citrooh** · 31-12-2013 12:55 PM

المشاركة الأصلية كتبت بواسطة moneim amin

انتوا بتتكلموا عن الشارك اللي كلها مقالب ولا البومه
العربيه معايا ومع ناس كتير واول مره اسمع عن المشكله دي....وانها مقلب ومشاكلها كتير كلام اول مره اسمعه عنها
اتمني لو حضرتك تسرد مشاكلها علشان نستفيد...بجانب مشكله الكاوتش الدانلوب

انا اول ما شوفت الشارك كاوتشها دانلوب استغؤبت ازاي ياباني وازاي دانلوب مع ان التويوتا كاوتشها يوكوهاما بس قلت يمكن التوكيل هوه اللي طالب كده
بس ماله بقي الدانلوب ؟؟؟؟ !!!
وايه مشاكله !!!

**Ahmed TRAVCO** · 04-01-2014 10:28 PM

أولا: وكيل ميتسوبيشي زبالة زيه زي 90% من الوكلاء الباقيين..
ثانيا: العربية تقفيلها والفينيش بتاعها مش اقل من ممتاز... واتمنى العضو الفاضل اللي قال انها كلها مقالب يوضحلنا ايه هي المقالب دي وايه مشاكل العربية معاه عموما... انا فاحت العربية -اسف في اللفظ- بس انا ماشي بيها فوق ال26 ألف في 10 شهور وعمري ما شفت مشاكل تقفيل ولا الكلام ده...
ثالثا: مفيش داعي للاستغراب من وجود كاوتش الدانلوب لأنه ممتاز وياباني... كل الحكاية ان صوته عالي ولا يقارن في النقطة دي مع الميشلان او البريدجستون او اليوكوهاما... انما هو ممتاز في الفرامل وعمره ما بيزحف ولا بيلم زلط... ودانلوب برضه شركة محترمة وعلى فكرة جاجوار ذات نفسها بتركب دانلوب على الـxj عادي يعني...

**محمد سمير حسين** · 08-01-2014 05:54 PM

العربية بالنسبة للفئة السعرية بتاعتها افضل من كل منافسيها وبلا منازع واعتقد ان كلمة كلها مشاكل دي كلمة عامة جدا وعايمة كمان نرجو التوضيح للاستفاده

الموضوع: أول مشكلة في الشارك ورد فعل التوكيل دايموند

LinkBack

أدوات الموضوع

عرض

أول مشكلة في الشارك ورد فعل التوكيل دايموند - انشر الموضوع فى :

-

-

-

-

-

المواضيع المتشابهه

التوكيل دايموند موتورز- الموزعون المعتمدون - مركز الخدمة

سؤال الى اصحاب الشارك وخاصه اللى بيروحوا التوكيل

ازاى تلغى تنبية الصيانة الدورية من غير ماتروح التوكيل ؟! الشارك بس :)

تكلفة صيانة ال 40 الف كيلو فى الشارك عند دايموند موتورز .

الى عايز يعمل صيانة يروخ دايموند ولا التوكيل القديم

الكلمات الدلالية لهذا الموضوع

المفضلات

المفضلات

ضوابط المشاركة