Rpm عالي

**moh_rag_abd** · 18-04-2014 03:18 PM

السلام عليكم ورحمة الله وبركاته
كنت كتبت تقرير عن صيانة الالف
www.nilemotors.net/Nile/412315-byd-1000-a.html#post3875487859
والمفروض كنت هروح التوكيل بعد ما ارجع من السفر علشان اشوف مشكلة الفتيس
المهم رجعت من السفر
واخت دور برد محترم معرفتش اروح التوكيل
بالاضافه ان الفتيس بقي احسن من الاول والمشكلة بتاعت الغيار الرابع تقريبا راحت والعضة اللي في باقي الغيارت لسه موجود بس الفتيس احسن من الاول بكتير
المهم من اسبوع لقيت مشكلة تانية RPM بيكون عالي اول ما اشغل العربية بيوصل لـ 2000 لفه
وصوت الموتور بيكون عالي
مجرد ما ادي الغيار الاول وابدأ اشيل رجلي من الدبرياج يبدأ RPM يقل تاني ويوصل للطبيعي بتاعو
ولو دوست دبرياج وانا علي الغيار الاول RPM بيعلي تاني

وحاجة تانية لما بدوس علي الدبرياج بحس بخشخشة في الدبرياج (مش عارف المصطلح الميكانيكي بتاعها ايه) وبتكون مضايقاني جدا
فده يكون عيب ايه؟ وضروري اروح التوكيل ولا استني صيانة الـ 5000 انا عامل دلوقتي 3000 يعني لسه قدامي شهر؟

**hossam165** · 19-04-2014 12:10 AM

هو في الغالب ديه مشكلة في حساس الايدل وممكن يكون عاوز يتنظف فقط

**peter magdy** · 19-04-2014 01:12 AM

المشاركة الأصلية كتبت بواسطة moh_rag_abd

طيب ضروري ان اروح التوكيل حاليا ولا استني لحد صيانة ال 5000 ؟
وهل حساس الايدل ده ينفع انضفو بنفسي ولا هتكون صعبه (مع العلم مليش خبرة في ميكانيكا السيارات)؟

بلاش لعب فى حاجة و انت متعرفش حاجة فى الميكانيكا علشان لقدر اللة المشكلة متكبرش
الموضوع لو مش مضايقك قوى ممكن تستحمل و تروح فى ميعاد الصيانة و يبقى مشوار واحد
لكن لو مش عارف تتعايش معاة اتصل احجز و انزل عليهم على طول
انا بقالة فترة كبيرة بيعمل كدة و استنيت مرة واحدة
شوف انت ظروفك اية
موفق انشاء اللة

**moh_rag_abd** · 24-04-2014 10:31 PM

الحمد لله المشكلة اتحلت
كنت في المعادي قلت اتصل بيهم واحجز قولتلو ينفع اجي النهارده من غير حجز قالي تعالي
رحت التوكيل خد امر الشغل الاستاذ / محمد غنيم (راجل في قمة الذوق والاحترام)
وبعد ساعه نادو عليا جربت العربية وفعلا المشكلة كانت في حساس الايدل نضفوه وغسلو الموتور بالفوم
واستلمت العربية من غير ما ادفع فلوس
والحمد لله العربية بقت كويسة جدا