الموضوع: حالة المرور في أول أيام العودة للمدارس

المشاركة الأصلية كتبت بواسطة Dr_Smart

يا جماعه هو انتو مش عارفين الدنيا كانت واقفة ليه

انا سمعت ان الريس كان بيزور مسجد جمال عبد الناصر والنصب التذكاري النهاردة

مش عايز اقول اي تعليق زيادة الحقيقة ... خلينا ساكتين

احلى حاجة بقى اني كان عندي امتحاااااااااااااااان في الكلية

كاااااااااااان بقى

حسبي الله نعم الوكيل

بس الحمدلله رب العالمين لحقته ... الكلية أخرت المعاد ساعه عشان عارفين ان الطريق واقف

احمد ربنا انا واحد صحبى رجع تانى و مارحش الامتحان

ال N/A غير شارع الميثاث

شارق الميثاق هو امتداد احمد الزمر اللى هو بدوره امتداد ذاكر حسين الذى يبدأ من موقف اوتوبيس الحى السابع (الشبراوى)ويعتبر الشارع الرئيسى لمنطقة الحى العاشر والزهراء بمدينة نصر وينتهى عند الطريق الدائرى عند صينية اكاديمية مبارك ومدخل التجمع الأول

اما محور N/A فهو الطريق الذى يبدا من مكان ما فى مدينة نصر خلف المدافن من عند الصينية الموجودة بعد محطة بنزين وطنية الموجودة فى امتداد شارع المخيم الدائم ويمتد محور N/A حتى الطريق الدائرى عند مدخل شارع التسعين فى التجمع الخامس

اما سبب التسمية فهو يعود الى اليافطة الموجودة اول المحور والتى وضعتها شركة الانشاءات التى نفذت المحور وتقول مشروع انشاء محور N/A ،(هحاول ابقى اصورها وانا مروح) لكن سبب تسمية الشركة للمحور بهذا الأسم لا ادريه بالظبط وان كنت اعتقد ان ان كان له اسم تانى، المهندس اللى صمم الماكيت بتاع اليافطة كتبه على الكومبيوتر على الباور بوينت او الاتوكاد ولما عمل مراجعة املائية للماكيت ، الكومبيوتر مقدرش يتعرف على اسم المحور املائيا فطلعله مكانها N/A (يعنى not available اى غير متاح) والمهندس مخدش باله ونزلها الطباعة كدا، وبعد ما اتعلقت اليافطة خلاص الناس كلها اعتبرت ان اسمه N/A

ممكن يكون ده اللى حصل وعموما الله اعلم، بس المحور ده بقاله فى الحتة دى 10 سنوات على الأقل ومن يومها اسمه كدة لسبب لا يعلمه الا الله

انا إنهاردة كنت فرحان إني زبطت مواعيد نومي أخيراً و صحيت الساعة 7 صباحاَ قلت إيه أنزل 8 أوصل الجامعة 8 و نص و أتمشي النص ساعة اللي قبل أول محاضرة الساعة 9 أشم شوية هوا من بتوع الصبح و أشرب حاجة و يمكن أفطر في السريع.

وصلت الساعة 10 و خمسة .