الموضوع: هو كده مش هيبقي فيه قطع غيار استيراد خلاص؟؟؟

المشاركة الأصلية كتبت بواسطة lutenit030

انا عارف الموضوه ده قريته كويس و انا كده كده عارف ايه اللى بيتجاب استعممال و ايه اللى ميتجبش

انا عن نفسى معايا لانوس فاضيه منغير تكييف او يوم سمعت القرار ده جريت روحت اشتريت دايره تكييف كامله قبل ما الاسعار تولع عارف لو مكنش فيه استعمال كنت دفعت بالميت كده 4000 الاف جنيه
و فيه حجات مش موجوده جديده اصلا و مبنزلش
زى مثلا الفبرات اللى بتمسك الشماسه كانو مكسورين عندى دخت عليهم ملقتهمش غير استعمال، طبعا حضرتك حتقول حاجه تافهه جدا لكن هى ضرورة و ملهمش بديل و مستحيل تلاقيهم جداد
مره كان عندى الجزء اللى وراء اللى راكب عليه فانوس الاستوب الداخلى و السماعات مكسور قولى ده حيجى ازاى ده غير استعمال


عندك كمان قطع مفيش منها جديد تقريبا و لو لقيت حيبقى بالاف مؤلفه و اسعارها استعمال معقوله جدا

عندك كاليبر الفرامل رغم انى ضد انك تجيب اى حاجه فرامل استعمال الا انه مش موجود غير استعمال


الشمعدان، الدنجل الخلفى، الضفاير المختلفه و غيره


عندك بقى حجات موجود منها جديد انما الاتسعمال ارخص بكتيير جدا حوالى 1\10 من الثمن

دينامو, مارش، كمبريسور التكييف، الموتور كامل او اجزاء منه (وش السلندر مثلا) و غيره و غيره

كل اللى انا بقوله ده بيؤكد ان قطع الغيار الاستعمال لا غنى عنها و وجودها ضرورى جداااااا جداااااا حتى انها يتظبط اسعار السوق شويه عشان تجار الجديد ميتسعروش

مش ذنبنا بقى ان واحد معدوم الخبره راح اشترى طلمبه بنزيل ولا كويل استعمال و قطع منه

ارجو ان حضرتك تكون غيرت وجهه نظرك و لو بنسبه بسيطه

كل اللى حضرتك بتقوله انا عارفه وعلى فكره انا قولت انا زى حضرتك متضرر من القرار وانا بشترى حاجات كتير استيراد وعلشان كده قولت لحضرتك اقراء موضوع ا/ محمد ممدوح علشان مطولش
الفايده هى
ان القرار مش منع قطع الغيار الاستيراد لاكن منع انصاف السيارات يعنى الاسعار هتغلى وبعد شويه هتلاقى الفرق فى السعر بسيط يعنى القرار نفعه اكثر من ضرره ارجو اكون قربت من وجهة نظر حضرتك وشكرا

المشكلة يا جماعة ان الحاجات الجديدة الموجودة في السوق اغلبها صيني حتى اللي مكتوب عليها كوري أو الماني بردو بتبقى صيني
و اغلب الناس مش محترفين علشان يعرفوا دا
لكن اغلب الاستيراد اصلي
وعلية بيكون الاسيراد احسن
و نسبة المخاطرة واحدة تقريباً لان الاستيراد مستعمل و الصيني ( صيني زي ما نتو عارفين )
وعلية انا ضد وقف الاستيراد إلى أن يشددوا الرقابة على المستورد الجديد و يكون حاصل على شهادة ضمان أو أيزو أو حاجة تقول انه كويس

المشاركة الأصلية كتبت بواسطة mahmoudysf

هو لو حد جاب كابوت ولا رفرف ولا فوانيس ولا ابواب استيراد بتبقى اصلية وبحالة الزيرو وافضل من الجديد الصيني ....الحاجات دي هتعرض حياة الناس للخطر ازاي

يابا شا زى مقولت للزميل الغالى اقراء موضوع ا/ محمد ممدوح علشان مطولش لاكن عندك مثلا اجزاء الفرامل والانصاف اللى منعها القرار لاكن الحجات اللى حضرتك ذكرتها انشاء الله هتفضل موجوده

المشاركة الأصلية كتبت بواسطة mohdeg

المشكلة يا جماعة ان الحاجات الجديدة الموجودة في السوق اغلبها صيني حتى اللي مكتوب عليها كوري أو الماني بردو بتبقى صيني
و اغلب الناس مش محترفين علشان يعرفوا دا
لكن اغلب الاستيراد اصلي
وعلية بيكون الاسيراد احسن
و نسبة المخاطرة واحدة تقريباً لان الاستيراد مستعمل و الصيني ( صيني زي ما نتو عارفين )
وعلية انا ضد وقف الاستيراد إلى أن يشددوا الرقابة على المستورد الجديد و يكون حاصل على شهادة ضمان أو أيزو أو حاجة تقول انه كويس

حضرتك جبت الفايده وانا قولت الكلام ده لو فريت الموضوع من الاول وعلى فكره الاستيراد متمنعش اللى اتمنع انصاف السيارات

اتمنى ان كلامك يبقى صح و الحاجه تفضل موجوده فعلا و ميبقاش فيه فرق فى السعر

المشاركة الأصلية كتبت بواسطة lutenit030

اتمنى ان كلامك يبقى صح و الحاجه تفضل موجوده فعلا و ميبقاش فيه فرق فى السعر

ان شاء الله تكون موجوده بس اكيد فى الاول هيبقى فى فرق فى السعر وده يرجع لضمير التجار وانت عارف الضماير عندنا زى الفل