الموضوع: لكل المصريين في قطر محتاج مساعدتكو

السلام عليكم

اخوكم مسافر قطر قريب إن شاء الله في شهر 7 وعايز اسأل كام سؤال
مبدئيا والدي شغال هناك بقاله 7 شهور و طلب اننا نروحله هناك ونعيش هناك وده قرار مصيري لإن كل حاجه هتتشقلب
انا بشتغل هنا في مصر بقالي سنه ب مرتب 1900 و اخويا ف سنة تانية إعلام جامعة مصر ..

1- ايه اخبار السكن هناك لإن هو كان قاعد في فندق طول المدة دي ودلوقتي الوضع اختلف ف لازم شقة ..
وايه نظام الكمباوند هناك وسمعت ان فيه حمام سباحة وجيم في كل عمارة ف هل ده صحيح ؟

2- هل ينفع تحويل جامعة اخويا لاي جامعه هناك ؟ وايه الجامعات اللي هناك ومصاريفها ؟ واجراءات التحويل

3- ايه الاحسن اسافر معاهم وادور وانا هناك ولا استني في شغلي ل حد ما اوالد يشوفلي حاجه هناك ؟ وايه المرتب اللي هيناسبني خصوصا اني مش هتكلف حاجه :)

4- ايه اجراءات رخصة القيادة ؟ وهل ينفع الامتحان علي عربية اوتوماتيك ؟

5- ليه في تفاوت رهيب في اسعار المستعمل ؟ يعني لقيت bmw 730 2008 سعرها 60 و 65 الف !!وممكن الاقي تويوتا و ميتسوبيشي اغلي !!

6- هل فعلا البلد ممله ؟؟ انا بتاع خروج وسهر من الاخر ف هل فعلا هحس بملل مع الوقت ؟