الموضوع: نصائح للتخلص من الكرش + أوعي يتنصب عليك

المشاركة الأصلية كتبت بواسطة Silent~Dream

تسلم ايدك يا دكتور على الموضوع الرائع و الحمد لله الواحد بعد ممارسه رياضه الجرى مع تنظيم الاكل عرف فوائد كثير جدا عشان الواحد يظبط اللياقه البدنيه و جسمه عموما و صحته و ليه فوائد كثير جدا غير الناس الى بتعانى من زياده بسيطه فى الوزن ( 5-10 ) كيلو و كده بس يا ريت لو حضرتك تعرف الطرق الصحيحه لبدا ممارسه رياضه الجرى و الاكل الصحى الموصى بيه و المسافه و الخ لافاده كل خوانا فى المنتدى

الحمد لله إن حضرتك بدأت و دخلت تؤكد كلامي .. حتي لا يتخيل القارئ فيما بعد اني بتكلم عن درب من الخيال ..
الطرق الصحيه لبدأ الجري " لو انا فاهم حضرتك صح "
هنعمل تمرينات إطاله stretch https://www.youtube.com/watch?v=b2q_0qQcBZw
و حضرتك مش هتضيع وقت بالعكس الألياف العضليه بتاعت حضرتك بالتمارين دي بتبعت رسائل عصبيه للمج تهيأله إنه هيجري .. و بكده إحنا بنكسب حاجتين : 1 هنقدر نجري كويس من غير تعب و لا شد و لا إصابه
2 بنقلل حاجه إسمها ال RECOVERY TIME اللي هو الوقت اللي بتاخده الألياف العضليه بعد الجري عشان ترجع لحالته الطبيعيه ..
اللي مهم نعرفه برده إنه بيحصل حاله شديده من التهتك في العضلات الهيكليه زي العضله رباعيه الرؤس اللي هي مهمه أوي في الجري و عضله السمانه >> هو مش كلام معقد والله بس بحاول أوصل لحضرتك الحاله اللي هتحصل في الجسم .. و أد أيه مهمه التهيأه ليه ..

طيب أجري إزاي عشان أحقق أقصي إستفاده !!؟؟
أفضل طريقه هي HIIT يعني إيه .. High INtense Interval Training الجري علي هيئه أجزاء متتاليه متتابعه ..
فلنفترض إني بجري 10 دقايق .. هحول ال 10 دقايق دول ل 10 محطات .. كل محطه دقيقه ..
همسك كل دقيقه أخد فيها Sprint و بعدين أريح ثم 2 دقيقه و Sprint و أريح دي إسمها INterval و الكلام طبعا Applicable علي الحاجات الأعلي ..
هتيجي تقولي طيب يعني مفيش قانون محدد عشان أنا كده هاخد Sprint في ثانيه و أريح باقي الدقيقه
لا في قانون طبعا .. بس بيعتمد إلي حد كبير علي مدي ال Fittness بتاع ال runner يعني واحد Fit أوي هياخد sprint في 45 ثانيه و يريح 15 ثانيه .. يعني بنسبه 3 : 1
و ممكن لو أنا مبتدأ أجري 15 ثانيه و أريح 45 و هكذا 1 : 3
لو انا وسط يعني يبقي يبقي 30 جري sprint و 30 ثانيه راحه " الراحه هنا مش إني أقف خالص طبعا يعني أجري أهدأ من ال Sprint لو بجري علي سرعه 16 كم / ساعه مثلا .. أريح علي ما لا يقل عن 6 كم / ساعه .. و الكلام برده Applicable علي أي سرعه حضرتك هتبدأ بيها
إمتي هنجري !؟
هناك حلين لا ثالث لهما .. كأفضل وقتين للجري
1 عند الإستيقاظ من النوم مباشره !! عشان محدش يشتم
الفكره تعتمد علي إن حضرتك لما بتجري أول ما تصحي - قبل ما تفطر - مع تناول كميات هائله من الميه أثناء و قبل و بعد الجري .. حضرتك بتوجه جسمك لحرق دهونه و خصوصا المنطقه العنيده اللي في البطن و الفخذين لإني لسه مأكلتش حاجه جسمي يستنفع بيها ببساطه وقت الجري مفي أدامه حاجه غير دهونه >> ده كلام أبحاث علميه في أكتر من جامعه هرفع لحضرتك Papers بالكلام ده لمجري الإقتناع ..
عايزين برده نبقي فاهمين إن الجري أساسا لازم علي معده فاضيه .. فما بالك بقا بالجري علي معده لسه صاحيه !!
بعيدا عن الأبحاث كمان .. أنا بقالي سنتين أو أكتر شويه بجرب الموضوع ده و هو هائل و مبقتش أحس بتعب بالعكس ..
2 الجري بعد ال GYM !! أكيد بدأت تقول الراجل ده مجنون :D
أثناء الجيم حضرتك بتكون وجهت الجسم إنه يستهلك منتج الطاقه بتاعه اللي إسمه ال Glycogen عشان يعوض عضلات حضرتك اللي عماله تتبهدل .. تمام ؟
طيب إحنا لما نضحك علي الجسم .. اللي كل ما نجري هو يستسهل و ياخد منتج الطاقه بتاعه ده يستهلكه أثناء الجري ؟ !!
إحنا هنجري بعد الجيم علشان يبقي مجببررررررررررررر علي إستهلاك الدهون ..

للأمانه التاميه .. حضرتك دهون البطن هي أخر دهون هتتظبط .. بس لو مشينا بالطريقه دي هنوصل لمرحله حلوه أوي في وقت قصير أوي .. حتي بأقل مجهود بس " نبدأ "
بره بيقولوا لو إنت مكسوف إنك تخين و رايح الجيم أو بتجري في الشارع و الناس بتبص عليك " You're still better than somebody sleeping on a coach " إنت أفضل من واحد تخين بس نايم علي كنبه مش نازل يجري زيك ..

يا رب أكون قدرت أوضح لحضرتك النقاط المستفسر عنها .. و لو مش في حاجه واضحه أنا معاك
تحياتي ..

المشاركة الأصلية كتبت بواسطة Mohab.Nabil

الف شكر يا دكتور على الموضوع ده

و كلامك طبعا سليم تماما فى موضوع ان الكرش الدهون فيه صعب تنزيلها و ده دايما بيحصل معايا لما بزيد فى الوزن و ارجع احاول اقلل الوزن تانى .. كل جسمى بيبدأ ينزل الا منطقة الكرش

اللى انا فهمته كده ان مفيش حلين غير تمارين الـ cardio و تنظيم الاكل .. هل فيه حاجة تانية تساعد مع الحاجات ديه ؟

و هل حارق الدهون زى LIPO او OXY-ELITE ليهم تأثير كبير ولا مجرد تأثير بسيط

و ايه الوقت المناسب ان الواحد يجريه فى اليوم و هل الجرى على treadmill افضل ولا الجرى الحر فى النادى او فى الشارع مثلا ؟

و هل كده تمارين البطن مش صح اننا نعملها مع وجود الكرش لأن و معرفش هل كلامى ده صح و لا لا ان لو عملت عضلات بطن تحت الدهون هيبقى تنزيل الدهون اصعب ؟

معلش عارف انى هتعب حضرتك فى الاجابة على الاسئلة ديه بس الواحد ما بيصدق يلاقى حد فاهم فى مجاله

صديقي العزيز لا تعب ولا حاجه .. أتمني تقرأ المشاركه السابقه اللي برد فيها علي زميلنا العزيز silent dreams .. عشان نتعرف علي الإستفسارات المشتركه ..
و أنا هتشرف إني أرد علي الباقي .. حالا
طبعا في حاجه تانيه تساعد الكلام ده .. و دي كانت إستفسار برده لأخوانا silent dreams و أنا أجلته عشان نخصص المشاركه دي لموضوع الأكل ..


أنا هظبط أكلي .. بس يعني أكل أيه ؟!!
أنا بقول لحضرتك بمنتهي الأمانه .. و تعالي نفكر سوا .. أنا بعمل نظام غذائي ليه ؟! عشان أكون إنسان الفتنيس بتاعه عالي .. صحي أكتر .. و بالتالي أكثر سعاده ..
طيب يعني لو إنت بدأت تعاني من نظامك الغذائي إنه بيمنعك إنك تاكل 90 % من الحاجات اللي بتحبها .. هتبقي سعيد !!!!
أكيد لأ ..
أخر ما قيل في موضوع ال Dietary Programs كل ما تشتهي بس بنسبه أقل من اللي متعود عليها ..
و عشان منشدش علي نفسنا جامد و نتأقلم بسرعه برده هما مسابوناش كده .. لأ أنا كل يوم باكل طبق رز كبير ..
لأ أنا هبدأ أكل 75 % منه بس .. ثم بعد ما أحس إنه بيشبعني ال 75 % دول " و والله هتحس بكده أنا مش إنسان حالم إحنا بنتكلم كلام مجرب " هنبدأ ناكل نص الطبق بس .. لحد ما نوصل إننا ناكل ربع الطبق ..

ركز أوي علي الخضار .. خلي معاك بإستمرار خيار مثلا أو جزر أو ما شابه كل ما تجوع في البيت كل أي عدد تحبه من الخضار ده لأنه هيملي لك بطنك و مش هيضرك بالعكس بيحسن حركه الأمعاء و يخليها متمتصش الدهون .. أو بمعني أدق تمتص دهون أقل ..

هنركز في أكلنا علي زيت الزيتون .. اللي مليان Omega 3 Oil اللي هو Antiodidant فعال .. أيوه يعني أيه برده ؟
الدهون عشان تترسب في الجسم محتاجه حاجه إسمها عمليه الأكسده .. طيب لو إحنا خدنا حاجه توقف عمليه الأكسده .. يبقي الدهون مش هتتراكم .. و الجسم يتخلص منها .. و هي دي فكره ال OMEGA 3 Oil .. لدرجه إنهم برا عملوا " كبسولات " من الأوميجا 3 عشان تاخدها الصبح قبل الفطار بنص ساعه و قبل كل أكله ..
طيب إحنا هنا .. هنعمل أيه مفيش الكبسولات دي ..
عزيزي لا تفكر و لا تحتار .. عندك زيت زيتون إيزيس الجبار
هناخد منه فنجان صغير الصبح .. أنا متأكد إنك بتقول عليا مجنون .. و أنا من موقعي هذا بقولك الله يسامحك :D
في بلاد الشام .. بيبقوا عمرين .. و بشرتهم مبتكرمش أوي لما يكبروا بيبقوا حاله إسمها Anti-aging بس بمعني ضيق شويه .. يعني عوامل التقدم في السن مبتأثرش عليهم أوي .. طيب الناس دي بتعمل أيه .. الناس دي زيت الزيتون عندهم زي الفول و الطعميه عندنا .. الصبح بياخدوا فنجان زيت زيتون .. بيخللوا البنتنجان في زيت زيتون اه والله زمبؤلك كده

هنحاول قدر المستطاع مناكلش Fast Foods لأنها بتتعمل بزيوت قبل ما تتخن بتأثر علي الشرايين و مع مرور الوقت أثبتت إنها بتعمل أعوذ بالله تصلب شرايين و إرتفاع في ضغط الدم أعاذنا الله و إياكم ..
هناخد معانا سندوتشات نخليها في العربيه .. و هنا تتصاعد الإعتراضات .. وواحد يقولي أنا أيام المدرسه مكنتش بحب أخد معايا سندوتشات .. هتخليني أخد الوقتي
هتحس بفرق رهيب لو عملت كده .. هتساعد جسمك يبقي صحي .. هتساعد نفسك تخس .. مش هنقدمله دهون كارثيه و بعدين نهلكه عشان ننزلهم !! إحنا هنقطع ال Closed circle دي من أولها ..

أكلات تساعد علي التخسيس كملخص بقا ..
زيت الزيتون
البروكلي !! بروكلي اه يا باشا .. مصنف علي إنه أحسن أكل صحي موجود في العالم .. أيوه اللي هو زي القرنبيط بس أخضر !! يا باشا أنا مش مجنون والله أنا بقولك علي الصخ
بره بيقولوا Brocli can stick to your teeth , but fries stick to your belly يعني البروكلي هيضايقك إنه يلزم في سنانك بس البطاطس المحمره هتضايقك أكتر لما تلزق في صوره دهون علي بطنك ..
الأفوكادوا .. :D خطير في السيطره علي الدهون ..
الرمان ..
التفاح ..
الموز ..
معظم الفواكه و الخضروات ..


طيب النقطه المهمه بقا ..
منتجات التخسيس .. Lipo 6 منتج كويس و هيساعدك أوي تحرق الدهون .. بس برده هاته من حد مصدر ثقه إوعي يتنصب عليك .. عشان هتبقي عيبه في حقي أنا
Oxy elite منتج كويس .. بس إتمنع بره و أنا معرفش أتمنع ليه الحقيقه .. و هو جماله إنه بيحرق أي دهون تحت الجلد فيساعدنا في التخلص من دهون " الكرش "
L-carnitine منتج محترم .. بيتاخد قبل التمرين .. بيخليك توجه دهون جسمك إنها تتحرق بصوره أكبر أثناء التمرينات القلبيه و حتي الإستاتيكيه زي اللي في الجيم يعني ..
تحياتي ..