جيتا 2010 تسحق سيفيك d: في المحروسة

**lanos2004** · 19-04-2014 07:07 PM

المشاركة الأصلية كتبت بواسطة hosam_optrawy

للتوضيح فقط

موتور الإبيزا مختلف عن الجيتا

موتور الإبيزا هو اللى موجود في الفابيا وموجود في الرابيد والتوليدو الجداد

105 حصان و 153 نيوتن 16v

اما الجيتا والاوكتافيا والجولف 102 حصان 148 نيوتن 8v

وغير موضوع فرق الموتور الإبيزا وزنها خفيف 1070 كجم وال dsg طبعا فارق في أداء العربيه

وبالنسبه لرقم التسارع الرسمي للإبيزا 10.3 ث

تحياتى ليك ياباشا

انا جريت مع ابيزا 2012 وكانت معايا لحد 150 بعد كدة سلام--تقريبا الفتيس معدش له تاثير

**Ahmod** · 19-04-2014 07:58 PM

المشاركة الأصلية كتبت بواسطة inspiron

لا يا باشا اي سيفيك هتطلع من اي جيتا بفرق محترم جدا

مع احترامي للفيديو ده بس انا مش محتاج اني اتفرج على فيديوهات لاني بنفسي شادد مع جيتات بعدد شعر راسي !! يا باشا انت بتتكلم على عربيات قتلت بحثا في موضوع الشد ومعروف تمامها ايه

يا باشا فرق السماء من الأرض ما بين فتيس تيبترونيك 6 سرعات خانق العربية..وفتيس dsg اللي يحط علي أي عربية بفتيس أوتوماتيك عادي !! ده اللي قُتِل بحثاً بقا :)
زمن تسارع الـ vag بمواتير 1600 سي سي 105 حصان و 8 صباب بفتيس dsg أقل منه في الياباني والكوري اللي بفتيس أوتو عادي زي ما هو واضح في الفيديو اللي سيادتك مش معترف بيه مش عارف ازاي :)

يا سيدي الفاضل مش الفتيس اللى خانق العربية !! اللى خانق العربية هو الماتور العقيم ال 102 حصان و8 صباب وكامة واحدة على وزن تقيل !!!

انا مش بقولك انه مش عامل فرق لاء ,, اكيد عامل فرق بس still العربية برضوا بطة

ومرة عملنا drag race

جيتا 2010 dsg وانا كنت راكب فيها vs لانوس 84 حصان (بتاعة واحد صاحبنا) !!

والانوس ثبتت مع الجيتا من 100 ل 150 الجيتا اخرها فوق ال 150 كانت بدأت تطلع بالكبوت بعد كدة الطريق قفل !!!

طيب والمصحف منا رادد...لانوس 84 حصان ثبتت مع جيتا 2010 tsi و كمان dsg .. فُل أوي.

انت خدت الكلام على ال tsi ليه ؟؟

باشا !! انا مش بتكلم على الجيتا ال tsi !! ؟؟

انا بتكلم على الجيتا العادية ودي اللى الكلام عليها من الاول ان السيفيك تبهدلها فوق وتحت جاامد اوي واي عربية 1.6 هتعمل معاها الصح بزيادة

ال tsi طلعها برة الموضوع خاالص لان دي تربو و dsg فطبيعي هتحط على اي عربية 1.6 n/a

انا بقي مش هقولك السيفيك تعمل ايه في الانوس !! تنفخها طبعاً .. انا هقولك اني الانوس دي نفسها اللى شدت مع الجيتا انا بحط فرق شارع بيني وبينها بالياريس طبعاً الياريس تظبطها ..

وطبعا الياريس باي حال من الاحوال مش هتعمل حاجة مع السيفيك !! فلك ان تتخيل بقى

ال dsg هيعمل ايه مع ماتور اصلا ضعيف ؟ !! 8 صباب وكامة واحدة وعلى عربية تقيلة؟؟ !! ؟؟؟؟

يعمل زي اللي ظاهر في الفيديو وبالمناسبة لو عايز فيديوهات تاني كتييييير موجودة :) بس الأفضل حضرتك تقرأ أكتر وتبحث أكتر في الـفتيس ده الأول بعدين نشوف هنعمل إيه :)

تحياتي لك

طب احنا مش بنشوف الفيديوهات دي على الطريق لييه !! ؟

المشاركة الأصلية كتبت بواسطة minicooper20

جيتا جيتا جيتا
و مالو

وشهد شاهد من اهلها !! ههههههههههه

**Hosam_Optrawy** · 19-04-2014 08:08 PM

المشاركة الأصلية كتبت بواسطة lanos2004

انا جريت مع ابيزا 2012 وكانت معايا لحد 150 بعد كدة سلام--تقريبا الفتيس معدش له تاثير

ياكبير انت حاله خاصه :)

**inspiron** · 19-04-2014 08:29 PM

المشاركة الأصلية كتبت بواسطة Hosam_Optrawy

للتوضيح فقط

موتور الإبيزا مختلف عن الجيتا

موتور الإبيزا هو اللى موجود في الفابيا وموجود في الرابيد والتوليدو الجداد

105 حصان و 153 نيوتن 16v

اما الجيتا والاوكتافيا والجولف 102 حصان 148 نيوتن 8v

وغير موضوع فرق الموتور الإبيزا وزنها خفيف 1070 كجم وال dsg طبعا فارق في أداء العربيه

وبالنسبه لرقم التسارع الرسمي للإبيزا 10.3 ث

تحياتى ليك ياباشا

للتوضيح يا اكسلانس

فرق الوزن بين السيفيك والإبيزا 150 كجم.

تسارع السيفيك من 0-100 بيكون في 10.5 ثانية وهي في أحسن حالاتها و 125 حصان vtec
while
تسارع الإبيزا الـ 105 حصان من 0-100 أهو

Seat Ibiza 6J 1,6 Petrol DSG 0 to 100 in 9.4 sec - YouTube

عد حضرتك أو شوف الـ description :)

مقارنة مواتير بقا لو قولنا الابيزا 16v ودي مكنتش أعرفها صراحةً

ابيزا 1600 سي سي 105 حصان 153 نيوتن - فتيس DSG
سيفيك 1600 سي سي VTEC و 125 حصان - 156 نيوتن - فتيس 5 سرعات

وزن الابيزا 1070 ووزن السيفيك 1220 يعني في فرق 150 كجم .. والـفيديو المرفق بيوضح إن السيفيك ماشية بشخص واحد دون راكب..والإبيزا ماشية بالسائق والراكب يعني شخصين يعني في تقارب في الوزن..والإبيزا كسبت :)

في النهاية المقارنات دي كلها بتوضح إن الألماني مش نص لِبة..وتوضح يعني إيه DSG

Regards.

**Hosam_Optrawy** · 20-04-2014 12:20 AM

المشاركة الأصلية كتبت بواسطة inspiron

للتوضيح يا اكسلانس

فرق الوزن بين السيفيك والإبيزا 150 كجم.

تسارع السيفيك من 0-100 بيكون في 10.5 ثانية وهي في أحسن حالاتها و 125 حصان vtec
while
تسارع الإبيزا الـ 105 حصان من 0-100 أهو

seat ibiza 6j 1,6 petrol dsg 0 to 100 in 9.4 sec - youtube

عد حضرتك أو شوف الـ description :)

مقارنة مواتير بقا لو قولنا الابيزا 16v ودي مكنتش أعرفها صراحةً

ابيزا 1600 سي سي 105 حصان 153 نيوتن - فتيس dsg
سيفيك 1600 سي سي vtec و 125 حصان - 156 نيوتن - فتيس 5 سرعات

وزن الابيزا 1070 ووزن السيفيك 1220 يعني في فرق 150 كجم .. والـفيديو المرفق بيوضح إن السيفيك ماشية بشخص واحد دون راكب..والإبيزا ماشية بالسائق والراكب يعني شخصين يعني في تقارب في الوزن..والإبيزا كسبت :)

في النهاية المقارنات دي كلها بتوضح إن الألماني مش نص لِبة..وتوضح يعني إيه dsg

regards.

محدش قال ان الالمانى نص لبه , بس فى بعض العربيات اداءها فى الجرى او التسارع ضعيف زى الجيتا والاوكتافيا والجولف 6 والليون 2012 وماقبلها وغير فولكسفاجن فى الفورد الفوكس ال 2011 وماقبلها ودى موتورها 100 حصان والفلوونس قبل الفيس ليفت 105 حصان , ودا مايقللش منهم فى شيء

اما بخصوص ال dsg فهو إختراع فى الجرى محدش ينكر دا , وبيفرق فرق ملحوظ فى اى عربيه ولو هاناخد الجيتا كمثال

الجيتا 1.6 قبل ال dsg كان رقم التسارع الرسمي بتاعها 13.3 , فى 2010 بال dsg بقت 12.2 ودا فرق كويس جدا لأن العربيه ماتغيرش فيها لا موتور ولا وزن لأ هي هي العربيه وفرق ال 1.1 ثانيه دا اللى عمله الفتيس بمفرده :)

وبخصوص رقم التسارع بتاع الإبيزا انا قولت الرقم الموجود فى البروشور وطبعا على أرض الواقع دايما بيبقى أقل بحوالي ثانيه وممكن أكتر ودا فى كل العربيات

فى النهايه الجيتا والجولف وغيرهم عربيات تحترم لكن الكل أجمع أو بلاش الكل معظم اللى جربوها أجمعوا ان الموتور 102 حصان ضعيف على العربيه وضعيف مقارنة بمعظم منافسيه

**inspiron** · 20-04-2014 02:59 AM

المشاركة الأصلية كتبت بواسطة JapRuleZ

معلش يا جماعه انا اول مره اشوف الموضوع
-------------------------------------------------
الى الاستاذ المحترم inspiron

الف مبروك ال صوره الجديده اروش كتير من القديمه

دلوقتى مش انت قولت انا مكنش مفروض اقارن turbo ب injection و مقارنه غير عادله
شيلت ال passat و حطيت jetta !!! اللى هيى وزنها اخف
انا مشوفتش ال video بس من غير حاجه الالمانى ال1600 مينفعش فى اى شدايه الا لو العربية مع سبارك مثلا و غالبا السبارك حتكسب و هى ركنه

دى عربيه تربو من غير ماشوف

انا عاوز اعرف مين اللى ضايق معاليك
اخكيلى عن طفولتك كان فيها عربية المانى موتور خلاط و جت سيفيك قديمه 89 عملت الواجب و الله ده التفسير الوحيد للمقارانات دى

يا جماعه انتظروا مقارنه inspiron الجديده:

جولف GTI twin turbo تسحق سيفيك 2007 فى المحروسه

هاااااااااااااااااااح...في بعض الأحيان عدم الرد علي مِثل هذه المشاركات بيكون أظرف من الرد :)
أما بالنسبة لمين اللي ضايقني..إطلاقاً..
أه لو تعرف الحقيقة .... هتعرف إن لا تفرق معايا باسات ولا سيفيك ولا جميع فئاتهم والمواضيع اللي بعملها دي تسلية والله...الواحد بس مبيحبش يتكلم كتير وداري علي شمعتك تظيط :) :)..الحمد لله...ده بس لحسن خيالك يسرح وتفتكر عندي عقدة نقص مثلاً أو مغلول من حاجة معينة :)
تحياتي لك يا ذوق :) والله يبارك فيك :)

المشاركة الأصلية كتبت بواسطة Hosam_Optrawy

محدش قال ان الالمانى نص لبه , بس فى بعض العربيات اداءها فى الجرى او التسارع ضعيف زى الجيتا والاوكتافيا والجولف 6 والليون 2012 وماقبلها وغير فولكسفاجن فى الفورد الفوكس ال 2011 وماقبلها ودى موتورها 100 حصان والفلوونس قبل الفيس ليفت 105 حصان , ودا مايقللش منهم فى شيء

اما بخصوص ال dsg فهو إختراع فى الجرى محدش ينكر دا , وبيفرق فرق ملحوظ فى اى عربيه ولو هاناخد الجيتا كمثال

الجيتا 1.6 قبل ال dsg كان رقم التسارع الرسمي بتاعها 13.3 , فى 2010 بال dsg بقت 12.2 ودا فرق كويس جدا لأن العربيه ماتغيرش فيها لا موتور ولا وزن لأ هي هي العربيه وفرق ال 1.1 ثانيه دا اللى عمله الفتيس بمفرده :)

وبخصوص رقم التسارع بتاع الإبيزا انا قولت الرقم الموجود فى البروشور وطبعا على أرض الواقع دايما بيبقى أقل بحوالي ثانيه وممكن أكتر ودا فى كل العربيات

فى النهايه الجيتا والجولف وغيرهم عربيات تحترم لكن الكل أجمع أو بلاش الكل معظم اللى جربوها أجمعوا ان الموتور 102 حصان ضعيف على العربيه وضعيف مقارنة بمعظم منافسيه

أولاً تحياتي لك علي أسلوبك في المناقشة اللي يجبرني علي إحترامك :)

ثانياً كل حرف حضرتك بتقوله دلوقتي ده شئ مفروغ منه..ولكن خليني أقول لحضرتك إن الجيتا والفانتازيا في بعض الحالات الفردية بتعمل تسارع في أقل من 11 ثانية بالفتيس التيبترونيك العادي الـ 6 سرعات..وعندي الإثبات بالفيديو لعربيتي السابقة وأيضاً فيديو للجيتا :)

ثالثاً .. أنا بعد الموضوعين دول كنت فاكر إن إخوانا الهونداوية هما بس اللي ملوك الأسفلت..بس حالياً إكتشفت إن إخوانا مُلاك الياباني بمختلف أنواعه شايفين إن الياباني هو رقم واحد علي كوكب الأرض..ولما بشوف الردود والله بقعد أضحك من كَم الهجوم في المشاركات واللي بيتصاعد تدريجياً..وشوية شوية هبدأ أحس إني هتضرب بالنار D:

الدنيا مش مستاهلة والله يا جدعان :)

ودول هدية مني ليكم أهو من غير DSG ولا تيربو ولا يحزنون :)

https://www.youtube.com/watch?v=iVRISmNz0EY

https://www.youtube.com/watch?v=JyPKmxaNiX8

https://www.youtube.com/watch?v=DdgKxCv4LlU

تصبحوا علي خير :)

**Ahmod** · 20-04-2014 03:45 AM

المشاركة الأصلية كتبت بواسطة inspiron

ثالثاً .. أنا بعد الموضوعين دول كنت فاكر إن إخوانا الهونداوية هما بس اللي ملوك الأسفلت..بس حالياً إكتشفت إن إخوانا مُلاك الياباني بمختلف أنواعه شايفين إن الياباني هو رقم واحد علي كوكب الأرض..ولما بشوف الردود والله بقعد أضحك من كَم الهجوم في المشاركات واللي بيتصاعد تدريجياً..وشوية شوية هبدأ أحس إني هتضرب بالنار D:

الدنيا مش مستاهلة والله يا جدعان :)

ودول هدية مني ليكم أهو من غير DSG ولا تيربو ولا يحزنون :)

https://www.youtube.com/watch?v=iVRISmNz0EY

https://www.youtube.com/watch?v=JyPKmxaNiX8

https://www.youtube.com/watch?v=DdgKxCv4LlU

تصبحوا علي خير :)

لا يا باشا احنا مش فاكرين اننا رقم واحد ولا اي حاجة !! بالعكس

اللى راكبين الماني هما اللى فاكرين ان مجرد ما العربية تعدي ال 100 هتتحول لوحش كاسر يعدي كل اللى حوليه مش قادرين يقتنعو انهم راكبين بط بلدي !! ؟؟

!!! ياما شفت نظرات زهول واستعجاب من اصحاب العربيات الالماني وهما بيرجعو لورا !! بحسه مش فاهم او مش مستوعب ايه اللى بيحصل !! ؟؟

ولو الكلام فيديوهات فاحب اهديلك فيديو برضوا لجيتا test in egypt

https://www.youtube.com/watch?v=lN7oH6xnd98

جيتا دي ولا مش جيتا العربية بتطلع في الروح عشان توصل ل 150 ؟؟ 14 ثانية من 0 ل 100 ولا انا مش واخد بالي ؟؟

على فكرة الفيديوهات عمرها ماكانت مقياس لاي حاجة !! لان لو مجرد هوا في ضهرك هيحسن التسارع

منزل خفيف هيحسن التسارع !! فيه مناطق وطرق معينة بيبقى معروف ان العربيات بتجري فيها وبتجيب سرعات عالية !!

على سبيل المثال وانت راجع من التجمع للمعادي على الدايري بمجرد ماتطلع من نفق التجمع الخامس وفي اتجاه المعادي !! الحتة دي بتلاقي العربيات كلها بتجمع فيها وبتحط سرعات خيالية !! لان الهوا بيبقى في ضهرك مع سنة منزل في الطريق بتحس العربية طيارة وفعلا بتحط Top speed +10/15 km عن المعتاد !!

لو جربت تصور فيديو عربيتك على المحور من 100 ل 160 وانت رايح في اتجاه اكتوبر هتلاقيه حماده وانت راجع من اكتوبر لميدان لبنان هتلاقيه حماده تاني خااالص حتى لو اخترت انك تصور في الاماكن اللى لا فيها مطالع ولا منازل !!

اقولك بقى الدليل على ان اقل حاجة بتفرق !! لو نزلت النهارده وصورت فيديو عربيتك على المحور من 100 ل 160 وجيت بعدها بيومين في نفس الحتة ونفس التوقيت وصورت فيديو تاني !! هتلاقي فرق على الاقل من ثانيتين ل تلت ثواني وده يعتبر رقم مش قليل

انا مصور خمس فيديوهات لعربيتي من 100 ل 160 على المحور وكل واحد مطلع نتيجة مختلفة عن التاني !!

وشديت مع عربيات صحابي كتييير وطلعت منهم في حين انهم مصورين فيديوهات لتسارع عربيتاهم واسرع من الفيديو بتاع عربيتي من 100 ل 160 ومع ذلك لما شدينا فعليا انا اللى طلعت !!!!!

فبلاش يكون المصدر شوية فيديوهات مش عارفين لا اتصورت فين ولا ظروفها ايه !! لان كل الارقام اللى موجودة في الفيديوهات دي مش بتتشاف في الحقيقة نهائيا

**inspiron** · 20-04-2014 05:08 AM

المشاركة الأصلية كتبت بواسطة Ahmod

لا يا باشا احنا مش فاكرين اننا رقم واحد ولا اي حاجة !! بالعكس

اللى راكبين الماني هما اللى فاكرين ان مجرد ما العربية تعدي ال 100 هتتحول لوحش كاسر يعدي كل اللى حوليه مش قادرين يقتنعو انهم راكبين بط بلدي !! ؟؟

!!! ياما شفت نظرات زهول واستعجاب من اصحاب العربيات الالماني وهما بيرجعو لورا !! بحسه مش فاهم او مش مستوعب ايه اللى بيحصل !! ؟؟

ولو الكلام فيديوهات فاحب اهديلك فيديو برضوا لجيتا test in egypt

https://www.youtube.com/watch?v=lN7oH6xnd98

جيتا دي ولا مش جيتا العربية بتطلع في الروح عشان توصل ل 150 ؟؟ 14 ثانية من 0 ل 100 ولا انا مش واخد بالي ؟؟

على فكرة الفيديوهات عمرها ماكانت مقياس لاي حاجة !! لان لو مجرد هوا في ضهرك هيحسن التسارع

منزل خفيف هيحسن التسارع !! فيه مناطق وطرق معينة بيبقى معروف ان العربيات بتجري فيها وبتجيب سرعات عالية !!

على سبيل المثال وانت راجع من التجمع للمعادي على الدايري بمجرد ماتطلع من نفق التجمع الخامس وفي اتجاه المعادي !! الحتة دي بتلاقي العربيات كلها بتجمع فيها وبتحط سرعات خيالية !! لان الهوا بيبقى في ضهرك مع سنة منزل في الطريق بتحس العربية طيارة وفعلا بتحط Top speed +10/15 km عن المعتاد !!

لو جربت تصور فيديو عربيتك على المحور من 100 ل 160 وانت رايح في اتجاه اكتوبر هتلاقيه حماده وانت راجع من اكتوبر لميدان لبنان هتلاقيه حماده تاني خااالص حتى لو اخترت انك تصور في الاماكن اللى لا فيها مطالع ولا منازل !!

اقولك بقى الدليل على ان اقل حاجة بتفرق !! لو نزلت النهارده وصورت فيديو عربيتك على المحور من 100 ل 160 وجيت بعدها بيومين في نفس الحتة ونفس التوقيت وصورت فيديو تاني !! هتلاقي فرق على الاقل من ثانيتين ل تلت ثواني وده يعتبر رقم مش قليل

انا مصور خمس فيديوهات لعربيتي من 100 ل 160 على المحور وكل واحد مطلع نتيجة مختلفة عن التاني !!

وشديت مع عربيات صحابي كتييير وطلعت منهم في حين انهم مصورين فيديوهات لتسارع عربيتاهم واسرع من الفيديو بتاع عربيتي من 100 ل 160 ومع ذلك لما شدينا فعليا انا اللى طلعت !!!!!

فبلاش يكون المصدر شوية فيديوهات مش عارفين لا اتصورت فين ولا ظروفها ايه !! لان كل الارقام اللى موجودة في الفيديوهات دي مش بتتشاف في الحقيقة نهائيا

والله لو الجماعة ملاك الالماني بيفكروا زي ما حضرتك بتقول فانا مبفكرش كده لو الكلام علي عربيات اقل من 150 حصان.ولما بنزل من ال 122 حصان واروح لل 306 حصان بغباوتها ساعتها بس بفكر كده :)

اما بالنسبة لفيديو الجيتا اللي حضرتك رافعه فده كلللللل المنتدي عارفه..وحضرتك مخدتش بالك اني رافع فيديو في رد سابق لعربيتي الفانتازيا وهي بتعمل 14 ثانية من 0-100 كم.يعني كلام انا عارفه كويس.لكن تعالي وشوف الفيديو الاخير لنفس العربية بعد 100 الف كم حققت تسارع في اقل من 11 ثانية..اذا حضرتك متعرفش ظروف الفيديو انا اقولك..ولا كنت علي منزل ولا مطلع ولا لاعب في الفيديو ولا حاجة..لأن لو هختبر تسارع علي منزل ابقي انا راجل اهبل :)

بالفانتازيا دي ياما طلعت من لانسر وسيراتو والنترا وطلعت مرة من كرولا mmt وصاحبها كان هيتجنن.وكل العربيات اللي بقولك عليهم دول معارف علي فكرة.

بالفانتازيا دي وصلت بيها لسرعة 210 كم اللي محدش في المنتدي عرف يكسر ال 200 بيها ومصورها ورافعها هنا علي المنتدي !! وعلي شرط...طريق مستوي مش منزل

بس مشكلة المنتدي ده الرئيسية ،، عدم الثقة في الرأي الآخر او عدم الأخذ بالأسباب.والتكذيب بقا بطريقة او بأخري..حتي لو جيبت جميع الأدلة اللي تثبت بيها حاجة مش علي هوي الناس..تلاقي أول رد اما السخرية أو التعنت بقا...ليييه..معرفش..نقطة اخيرة...مش معقول كم الفيديوهات دي يكون صحابها كلهم ضلالية ومقضيينها منازل بعربياتهم..ده مبيحصلش في مجلة ميكي حتي :)
تحياتي