المشاركة الأصلية كتبت بواسطة shiko85
ازاى يعنى تقرأ الفاتحه من غير ما تشفها على الطبيعه ؟؟!!
يا باشا انت عايز تتجوز مش بتشترى شقه او ارض علشان تشوف صوره و خلاص
طيب نفرض لما تشوفها مش هتعجبك هتقولهم ايه سورى وخلاص ؟؟
طيب نفرض انك شفتها وعجبتك بس انت مش عاجبها هتعمل ايه ؟؟
انت كده مش ماشى بالترتيب الطبيعى - شوف البنت - اتكلم معاها - قرر اه او لا و هى كمان تقرر اه او لا لو اه يبقى الحمد لله خد الخطوه اللى بعد كده لو لا يبقى الحمد لله و شوف غيرها
هقولك تانى يا باشا انت غلطان, انت عايز تخطب لمجرد الخطوبه و انك ترتاح من هم و تعب التدوير ولا عايز تتجوز ؟؟!!
طيب ده اللى حصل و انت كنت شفتها مرتين و بتكلمها سنه متوقع ايه الى يحصل مع واحده مشفتهاش اصلا ؟؟؟!!!
ههههههه, بلاش اسلوب التجار ده انت بتدور على عروسه مش هتشترى عروسه
و لو بتدور على الجمال يبقى من قبل ما تدخل البيت تشوف اذا كانت جميله ولا لأ علشان فالبيت اللى بتدخله و ترفض البنت بالنسبالك الموضوع خلص بس البنت بتتجرح و بتزعل خصوصا لو هى محترمه و ملتزمه و متربيه و متدينه
الكمال لله وحده
مينفعش و انت بتدور على عروسه تمسك ورقه و قلم و تقول عايز عروسه تكون 1 2 3
حدد ايه الأهم فالمهم و ايه اللى تقدر تستغنى عنه او عن جزء منه و ايه اللى مستحيل تفرط حتى لو فجزء صغير منه