الموضوع: الشكل مهم فى الزواج لدرجة ايه؟

لا لا. الي بيقولك اهم حاجة. الاخلاق وكده سيبك منوا
لان الجيل الي طالع بتاع اليومين دول كلو اخلاق زبالة وتربية ازبل .... الا من رحم ربي ... بس كمان من ناحية تانية هل الشكل كل حاجة. انتا لو هتسئلني اناااا السؤال ده. هقولك لا يا عزيزي.... طبعاً الشكل مهم جداااً بس مش كل حاجة بس انتا ليك في الي شايفوا قدامك يعني هو انتا دخلت قلبها او جو نيتها او تربيتها او طبعها وشفت جواه فيه ايه !!

بس من ناحية تانية. يا عزيزي من حكمت ربناااا علينا. ان مفيش بنت خلقهاااا. شكلها وحش ابداً .... وحتى لو كانت ووحشة. هتلاقي فيها حاجة حلوة ... لازمن. ولابداً إلا مهتلاقي فيها شيء لله حلو. ... يعني ممكن تلاقي بت متخرشمه بس جسمها حلو. ووممكن تلاقي بنت وشها ملالاك بس جسمها ضارب ووممكن تلاقي بنت وشها وجسمها حلوين بس صوتها اعوذ بالله لا يطاق ومسرسع كده وتخبطك مليون كلمة في الدقيقة تبقى عاوز تصرخ بعلوا صوتك في وشها وتقلاها كفاااااااااية ابوس ايديك ابوس رجلك يا شيخه ارحميني انتي مبتعرفيش تسكتي شوية !!!

بص ياعزيزي السوق ضارب ... وتحس ان البنات الي موجودين في السوق حالياً مش الموسم بتاعهم او طالعين قبل ؤوانهم. وطعمهم ماسخ ... لكن تفائل بالخير .... وديماً حط همومك على رب العالمين. ... ونصيبك هتشوفوا. (( فالطيبين للطيبات والخبيثين للخبيثات )) وخلي بالك في بنات مبتحلووووش غير بعد الجواز. بتلاقيها تلمع كده وتزداد لمعاناً. وبريقاً . كده وتبقى مشعه .... وعلمياً البنات. بتزداد ؤنوثة. وحلاوة كل ما تكبر في السن. بتبقى عاملة زي اليوستفندي لمن يستوي كده ويتقطف ... واي بنت في الدنيا اي بنت. تعاله شوفها بعد ما تخرج من عند الكوافير لايمكن تعرفها .... بتبقى شخص تاني ... يعني حتى مع الايام. بتلاقي التخينة بتخس. والرفيعه بتتخن وكلو بيتغير لذلك لو سئلتني طيب هيا الحلاوة فين هقولك (( الحلاوة حلاوة الروووح ))) ان البت اول ما تشوفها تشدك ليها وتقول هياااااااااا دي الي انا عاوزها مع انها مش جميلة قوووي بس فيها شيء لله بتحس براحه غريبة بتحس بيها لمن تشوفهاااا وبترتاح حتى في وجودك مع اهلها .... وتحياتي وبالتوفيق .

بص انا هتكلم معاك بصراحة ..
انا عن نفسي زمان كنت بقول ميهمنيش الشكل و المهم الاخلاق و التدين وهكذا واستمريت علي الوضع دة سنين لحد ما كبرت وعقلي نضج وبقيت بفكر كويس ومعا اللف دايما الواحد بيقابل بنات جمال جدا وبيقول في بالة اما لو دي كانت خطيبتي ولا بتاع وفي الاخر اكتشفت حاجة ..
التدين و الاخلاق مهمين جداا بس برضو الشكل مهم يعني مينفعش اتجوز واحدة واعيش حياتي معاها مش مرتاح وكل واحدة معدية ابص عليها واقول يارتني وبعدين احنا الرجالة بطبعنا عنينا زايغة شوية ما بالك بقي لو اتجوزت واحدة انت مش متقبلها مش شرط تبقي ملكة جمال بس علي الاقل تكون متوسطة ومعقولة عشان تملي عينك بعد الجواز ومتبصش برة

المشاركة الأصلية كتبت بواسطة ahmedsamir235

طيب هل ممكن واحد يشوف واحده معقوله فى البدايه مش مش ملكه جمال و بعدين يحس بنفور منها بعد كده ؟
و المفروض القبول ده يبان من اول روئية ؟
ثانيا انا فى مشكله دلوقتى نظرا لظروف السفر المنيله و صعوبة الاجازه و حال البلد الى زى الزفت
اهلى عرضوا عليا بنت شوفتها فى صورة شخصيه فى البدايه لأنى مسافر فوافقت مبدئيا و كلمتها بمعرفه اهلها وتقريبا قريت فتحتها بس دلوقتى بعد شهر من الكلام ده هى روحها حلوه و مؤدبه بس انا ما شوفتها على الطبيعه و صورها الى شوفتها بعد اول صورة معجبتنيش دلوقتى انا خايف انزل مصر و اشوفها على الطبيعه ما تعجبنيش و تكون البنت اتعلقت بيا و بنت أمال انها هترتبط و تتخطب و كده و ما يبقاش الموضوع قرايه فاتحه
انا مريت بتجربه مشابهه السنه الى فاتت برضه خطبت بنت فى اخر يوم فى اجازتى ما شوفتهاش غير مرتين بالعدد مره فى بيتها و مره و هى بتشترى الدبله و فى المره التانيه شوفتها بوضوح و حسيت بعدم راحه و ضيق و مع ذلك كملت الخطوبة و سافرت و ماشوفتهاش طول سنه كامله قعدنا نتكلم فيها مع بعض صوتيا فقط و بعد ترتيبات على انى اكتب الكتاب اول اجازتى نزلت فركشت لأنى خلال السنه الى ما شوفتهاش فيها كانت صورتها الى مضايقانى زالت من ذاكرتى و ما تبقى مجرد صورة مشوشه و انطباع بعدم الارتياح و لما نزلت شوفتها قبل كتب الكتاب استرجعت صورتها الحقيقيه الى كانت بتضايقنى و انسحبت من الموضوع و طبعا مريت بفتره كتئاب شديد بسبب الموضوع ده ...........و زعلت لأنى برضه ضايقت البنت الى كانت معايا ....
بأختصار شديد انا بنزل اجازه فتره يعنى فى احسن الظروف شهر اقعد الف فيها على البيوت اشوف 8..9 بنات لو عجبنى حاجه ( بعنى بتشوفها مقبوله بعد ما تشوف 7..6 بنات فقيرات الجمال) بيكون الباقى فى الاجازه ساعات ما ما يكفيش انك تأكد شعور القبول ده او حتى تعمل اى شىء و اسافر اكمل الخطوبة صوتيا

انت الي غلطان ...
ازاي تشوف صورة واحدة وتوافق علي الخطوبة عشان شفت الصورة بس وازاي تقابل واحدة لمرة واحدة بس وبعدين تخطبها ..
انت كدة الي بتزنق نفسك مش كل واحدة حد هيجبهالك تقول ومالة اروح اشوف او اجرب لا طبعا كدة غلط وكتر انك تخطب وتفركش دي هتاثر عليك بعدين لو لاقيت واحدة عجبتك ممكن هية بقي الي ترفضك بسبب الموضوع دة ..
انت ملاكش غير حل واحد مالوش تاني . اولا تسيبك من موضوع الصور دة مش الناس الي هتختارلك مراتك ثانيا وبصراحة من الاخر انت مش ضامن كل واحدة تعرفها ان كانت كويسة ولا لا ممكن تبقي فيها عيوب كتير وبتداريها وتكتشفها بعد الخطوبة و بما انك مبتحبش حد ولا في بنت في دماغك وعاوز تتجوز وتخلص قبل متجيب 30 سنة عشان كلام الناس وبتاع يبقي تشوفلك واحدة قريبتك تكون محترمة وعارف اصلها وفصلها وتكون امورة مش شرط ملكة جمال بس كفاية ترضيك وتبقي حلوة في عينك ودة حلك الوحيد غير كدة هتفضل تدور وتلف وفي الاخر مش هتتجوز
وبرضو عشان متظلمش البنت الي معاك حاليا انت تنزل وتشوفها علي الطبيعة والله عجبتك توكل علي الله معجبتكش عادي انت متعود تفركش مش هتبقي حاجة جديدة عليك ومعلش لو كلامي قاسي شوية بس دة عشان مصلحتك