دة اللى موجود للاسف اغلبة ولا شكل ولا اخلاق حاجة تسد النفس
عرض للطباعة
دة اللى موجود للاسف اغلبة ولا شكل ولا اخلاق حاجة تسد النفس
كل الناس عندها الحاله دي تحس ان كل واحده بتجيلك هي اصلا واحده فرصها صعبه جدا ان حد يشوفها و تعجبه و تفضل والدتك تقولك دي اخلاق و متربين مش عارف ايه طيب عرفتي انهم اخلاث و ناس طيبه منين اصل فلانه بنت فلانه بنت عم علانه قالت يعني انت من الاخر مش عارف الناس اللي عارفينها و عارفين اهلها و المفروض تضحي بالشكل علشان ان الناس اللي انت مش عارفهم و لا واثق فيهم فالوا عليها طيبه و محترمه
و لما تقابل البنت للأسف لازم تلاقي في حاجه في شكلها منفره جدا و مش مرياحك و مش عارف تبلعها تلاقي وشها ضخم جدا مثلا و لا منخيرها شكلها غريب و لا عينيها مبرقه علي طول كأنها امنا الغوله يعني حاجات حني متعرفش تتغاضي عنها حاجه كده تخليك مش عايز تبص في وشها
و متعرفش اللي مرشحها مش واخد باله ازاي من الحاجه دي و لا بيستعبط و يقول يمكن العريس نظره ضعيف و مش هياخد باله
و طبعا لما ترفض تبقي انت كل اللي همك الشكل و مش عايز ناس محترمه و ناسي حديث الرسول بتاع اظفر بذات الدين تربت يداك
طب يا جدعان ما الناس اللي حضروا فتح اوروبا ايام بدايات الاسلام اللي اكيد هما احسن مننا 100 مره من ناحيه الدين
جروا و قعدوا يخدوا جوراي من اسبانيا و من بلاد الغال اللي فتحوها و يمكن اتجوزوا منهم كمان فين بقي الدين في كده
منطق غريب علشان يروجوا لمبادئ اغرب
مش شرط انها تكون ملكة جمال ولكن لازم تكون حلوه فى عنيك ولازم تكون شايفها انت جميله وحلوه مليون فى الميه
و الله يا باشا مش ده الموضوع اسأل الناس كلها و ده واضح هتلاقي ده حال كل الشباب اللي بيدوروا علي الجواو بالطريقه دي
موضوع القبح ده انا مقولتش انه موجود مقولتش عفاريت بس برضه مش بتلاقي نقسك عارف تبلع شكلها و حاسس ان فيها حاجه مضيقاك مش معني كده انها قبيحه بس يعني بتحس انك مش راضي عن شكلها عموما ده حال الناس كلها في مصر
بص يا باشا 90% منهم ما بيبقاش مقبول يعنى اقل من المتوسط
النقطه بتاعتك الى انت ذكرتها دى بتيجى لاحقا انها حتى لو مقبوله ( بس مش جميله يعنى ) عاديه متوسطه بس مافيهاش ميزه انت تبتدى اقول اشمعنى دى الى اوافق عليها حتى لو مقبوله .....طيب ما فيه احلى منها كتير او تعليمهم افضل او مستواهم الاجتماعى اعلى و ارقى و هكذا
بص موضوع الارتباط التقليدى البحت يعنى انت مافيش حد قدامك ولا حد تعرفه و رايح تدخل بيت علشان تشوف بنت اول مره طلعا لو فيه شىء اكتشفه من اول قعده هتفكس وش لكن لو كملت( يعنى قدمت تنازلات عن بعض طلباتك ) و ده حصل معاياى فى المره الى خطبت بيها بالطريقه دى .. بتفضل قاعد فى تردد و حيره و مع اول مشكله بتلاقى نفسك تفكر فى الفشكله لأن مافيش ثقه او ميزه تشدك للبنت او سابق معرفه حتى بين الاسرتين ...
و ده يخليك تسأل انا ايه الى جابرنى غير انى ظروفى مش موقعه حد يناسبنى فى سكتى مش معنى ان لسه ما لقتش الى انا عايزه انى اقبل اى حاجه
الى اتجوز بدرى او الى اتجوز متأخر الى اتجوز واحده عجباه او الى اتجوز انثى فى البطاقه هيدفع دم قلبه فى المصاريف و التكاليف ........ و الاتنين هتتحسب عليهم جوازه ولو انفصل و طلق علشان تسرع فى الاختيار كده يبقى حياته اتدمرت ده لو ما اتسجنش بالمؤخر و القايمه اساسا
طالما المقابل و التكلفه و احد و المخاطره واحده يبقى تاخد الى يستاهلها يا ما تخدش خالص
شكرا للعضو الى قال قبل كده
يفوتك قطر الزواج افضل من ان يدهسك
كلامك جاب نقطه مهمه برضه لو وحشه او حلوه نفس المصاريف و نفس الكلام و كل حاجه و لو راضي عنها او مش راضي عنها برضه هتفدع كتير جدا لأ، الزواج مكلف فالطبيعي انهنا لو مش عجباك او هتتجوزها علشان تبقي اتجوزت و خلاص تحس انك بتخسر كتير لأنك هتجيب واحده علشان تكمل شكلك قدام المجتمع و الناس متقعدش تقولك متجوزتش ليه و علشان تجبلك طفل و لا اثنين و و يبقي عندك حاجه تشغلك و يبقي في زوجه و اولاد علشان تبقي زي الناس بس الواقع انك هتبقي مش مراضي نفسك و لا مبسوط بحياتك لأنك عملت حاجه انت مش مقتنع بيها و من غير ما يبقي في سبب مقنع يعني لا دفعت ليها نص مهر و لا اهلها عملولك خصم 30% علشان بنتهم مش درجه اولي
القضيه ان البنات زمان برضه كان معظمهم وحشين بس كان كاه مداري في البيوت و مش باين فكان نادر ان تجيلك عروسه و تقعد تقارن بينها و بين البنات الحلويين لأنك مش بتشوف حد اصلا كله مستخبي و كله قاعد في بيته
لكن في العصر اللي احنا فيه اللي البنات بينزلوا اصلا من البيت و هما ظاهرين كل اللي يقدروا عليه من جمالهم حتي لو جمالهم محدود بتقعد انت تقارن بين اللي معروض عليك و اللي بتشوفه طول اليوم
القضيه الاكبر بقي انك بيبقي لازم تتجوز فعلا لأنكمع الوقت بتلاقي الناس من حواليك بيقلوا اهلك بيكبروا و في منهم اللي بيموت و صحابك اللي بيتجوز و اللي بيسافر و مش بتلاقي حد منهم فاضيلك تخرج او تتكلم معاه و الشغل بياكل من عمرك و وقتك و انت مش لاقي اي حاجه في الحياه تسليك بعد ساعات العمل الرسميه فبتدخل في حاله من الوحده المقرفه جدا مع زياده وقت الفراغ
ووقت الفراغ ده من اخطر الحاجات اللي في الدنيا لأنه الوقت اللي الشيطان ممكن يشتغل فيه صح و يقنعك تعمل حاجه غلط وممكن ارادتك تضعف و تطاوع شيطانك
عموما ربنا يرزق البنات و الرجال باللي هما بيحلموا بيه و يسعدهم في حياتهم
اهم حاجة بعد التدين والادب والاخلاق
الروح السمحة الطيبة (حلاوة روحها) سيبك من جمال الشكل فيه حلول كتير لمشاكل الشكل
لازم تكون زوجتك طيبة وبالها طويل تستحملك وتتقبللك في كل تصرفاتك وصفاتك وطباعك...وابعد عن العصبية النكدية والزنانة
وعشان تبقي فاهم كلهم بيبانوا غير حقيقتهم فترة الارتباط والخطوبة تلاقيها حنونة وطيبة وبتسمع الكلام وتزعل لزعلك وتفرح لفرحك لكن بعد الجواز هتلاقي شخصية تانية خالص نكدية وكئيبة وتحب المشاكل ومعترضة دائماً علي كل شيء ومهما تعمل وتجيب وتصرف وتقيد صوابعك شمع ....في لحظة الغضب علي اتفه الامور هتقولك وهو انت بتعمل ايه؟؟؟؟ ولا حـــــــــــــــــاجة ......ناكرات لكل طيب وجميل
ومش هتفتكرلك الا السيء فاكر لما قولت فاكر لم عملت فاكر لما بصيت علي.....فاكر لما شاورت بايدك ..انت مجبتليش اي حاجة انا طلبتها منك
مش هتفتكرلك خير ابداً
اعانك الله