الموضوع: سكودا A5 الميه دخلت على الفتيس مطلوب إفادة

الصيانة اتعملت في الوهدان

بس ما عتقدش الموضوع ده ليه علاقة بالصيانة

بيقول ده بيحصل لو حطيت ميه حنفيه بدل المية الحمرا بس احنا بنحط ميه حمرا على طول

و كانت بتنقص و ما كنتش عارف ايه السبب و في الصيانة ماكانوش عارفين و قالوا يمكن مابتقفلوش غطا القربة كويس .

هو عموما عربيات فولكس كلها دورة تبريدها غبية و بتكون سبب المشاكل

ناس معاهم A4 بيشتكوا من دورة التبريد و في مشاركة أهيه بتقول ان الحكاية دي حصلت فيها

و البورا و الباسات القديمة برضه صباح القرف

و كان معايا بولو بعتها من قرفي من القربة و المروحة و اخد هوا القريبة و اصلي صلاة الحاجة علشان ساعة الحرارة ماتعملهاش معايا كل يوم


بس عربيات محترمة قوي قوي قوي

لا لا
الجيتا ماحدش اشتكى منها لحد دلوقتي
و لاحظ حضرتك ان الموتور ده مش هو ده حرفيا و مش نفس الإنتاج

الجيتا أفضل بكتير من الـa5

المشاركة الأصلية كتبت بواسطة islamaboelnaga

اول مره اسمع ان الجيتا احسن من ال a5 ...بس بجد ان كنت ان شاء الله ناوى على الاوكتافيا بس اول ما عرفت الكلام دا اتقفلت كده ...مع انى جايب كتالوجها من واحد صاحبى و قاعد اقرا فيه و عاجبنى جدا ...بالمناسبه عربيه صاحبى عامله 65000 كم و معملش غير انه ربط عفشه و غير بوجيهات مره واحده بس

اولا : انا باركب الاتنين كتير لأن الأوكتافيا مع حماتي -وهي اللي بنتكلم عليها- و انا راكبها كتير لأني باعمل تقريبا كل حاجة فيها و الجيتا مع أقرب اصحابي ليا و برضه باركبها كتير

اللي انا حاسه فرق :
1 -الجيتا أنعم من الأوكتافيا الجيتا مش ناعمة حرير يعني بس الأوكتافيا ناشفة بصراحة و خصوصا في السفر الطويل (متعبة فعلا)

2 - سحب الجيتا أفضل بشكل ملحوظ و ده بسبب ان موتورها 16 صمام مش 8 صمام زي الأوكتافيا

3 - جسم الأوكتافيا أقوى من الجيتا يعنى الأوكتافيا تمشي بيها و ماتخافش انما الجيتا تخاف برضه

4 - قطع الغيار متقاربة جدا جدا

5 - صالون الجيتا الهاي لاين أشيك من الأوكتافيا الهاي لاين (هو الأوكتافيا كونسولها أشيك و طارتها أفخم بس الشكل العام الجيتا أحلى و أوسع)

6 - الشنطة الخلفية بتاعة الأوكتافيا استهبال بجد أنا عمري ما شوفت كده و باحب العب فيها قوي (باتلكك علشان أحط فيها أي حاجه):D

7 - ابواب الأوكتافيا تقفيلها مش قد كده و ليها صوت في الفتح و القفل و صوت الموتور مسموع لدرجة ممكن تضايق البعض انما الجيتا تقفيلها أفضل و صوت الموتولا مش مسموع زي الأوكتافيا -بس مسموع برضه-.


متلخبط.......... صح؟؟؟