شوية حجات صلحتها فى الميجان 2 وبالأسعار ( لتعم الفائده )

**Ahmed Koller** · 20-04-2014 02:31 PM

السلام عليكم
أهلا بكل الناس المحترمين فى نايل موتورز

أنا كان عندى حجات بسيطه كده فى الميجان ( فى العفشه ) خبط فى المطبات والحجات ال احنا عارفنها فى الميجان وصلحتاه عند ( حمدى بيرو ) فى الحرفين فى الأسكندرية ....

1- مقصين سعر الواحد ( 275 )
2- بطاحتين سعر الواحده ( 250 ) من غير بلى وهي صناعه فرنساوي
3- 2 بلى بطاحة سعر الواحده ( 125 )
4- 2 دراعات اسكترا وسعر الواحده ( 125 )
5- تصليح الأسكترا عند الخراط علشان يركبلها جلبه كلفنى ( 150 )

طبعا بعد ماخلصت روحت ظبط زوايا وترصيص ب 65

-طبعا المقصات كانت الجلب بتاعتها مقطوعه والبطاحات كانت عاوزه تتغير علشان الكاوتش كان مقطوع والبلي كان بايظ وأعرض البلى لما يبوظ ( بتسمع صوت خشن مع لف الدركسيون )

-وكانت الاسكترا بتخبط فى المطبات والدراعات كانت بتخبط ( وهما هناك طبعا بيحلو الأسكترا ويصلحوها عند الخراط ويركبولها جلبه بتحكمها بشكل كويس جدا جدا وده طبعا تكلفته اقل من تمن الاسكترا وسعر الاسكترا بالدراعات جديد عامل ( 1350 ) تركي

وطبعا الصنيعيه هناك محترفه بشكل غير عادى وطبعا انا بقول الكلام ده للأمانه لأنه الراجل ده انا بتعامل معاه من 2006 . وهو بصراحه ممتاز ومحترف فى أى مشكله تقابل اى حد فى الرينو

كل الحجات دى اخد منى مصنعيه ( 250 ) وطبعا لو عاوز تشترى الحجات من بره وهو يركبهالك هو معندوش اى مانع وبعد مابيخلص الشغل بيطلع يجرب العربيه

يارب أكون قدرت افيد الناس بأى معلومه وإن شاء الله بالتوفيق للجميع

**msamirahmed87** · 20-04-2014 03:16 PM

حمدي ده عنده كل قطع الغيار ويا ترى اصلية واستيراد واللا صيني وتركي زي غيره وايه اخباره في الصنعة والمصنعية ؟؟

**Ahmed Koller** · 20-04-2014 03:30 PM

ممكن تلاقي عنده اغلب قطع الغيار وعنده قطع غيار استيراد ........ والافضل انك تجيب قطع الغيار من بره وطبعا قطع غيار الميجان هتلاقي في منها كتير قوى سواء تركي او فرنساوى

وبالنسبه لحمدى فهو صنيعي زى التوكيل بالظبط ومصنعيته كويسه وممكن تنزل منها كمان

**msamirahmed87** · 20-04-2014 08:25 PM

متشكر جدا لاهتمامك بس تنصحني بمين حمدي واللا سامح الهواري لان فيه شوية شغل في العربية وكنت عاوز واحد ثقة وامين وشاطر وده طبعا نادر جدا حتى لو غالي شوية مش مهم ومين بيبيع قطع غيار اصلي زي التوكيل لاني لسة جديد في الرينو وبحاول اخد خبره من اهل الخبرة

**MohammedAladel** · 20-04-2014 08:55 PM

المشاركة الأصلية كتبت بواسطة msamirahmed87

متشكر جدا لاهتمامك بس تنصحني بمين حمدي واللا سامح الهواري لان فيه شوية شغل في العربية وكنت عاوز واحد ثقة وامين وشاطر وده طبعا نادر جدا حتى لو غالي شوية مش مهم ومين بيبيع قطع غيار اصلي زي التوكيل لاني لسة جديد في الرينو وبحاول اخد خبره من اهل الخبرة

يجب الأخذ فى الاعتبار أن مدى الرضى والإعجاب بالصنايعى متفاوت من شخص لآخر
فتجد شخص يغير زيت ب 50 جنيه ويكون مبسوط أنا مثلاً أغيره ب 5 أو 10 جنيه ! فبالتأكيد لن أقبل تغييره ب 50 جنيه
لذلك الموضوع متفاوت

وبشكل عام نفس التاجر تجد عنده المضروب أو الأقل جودة والأصلى

حضرتك تريد صنايعى ثقة وأمين وشاطر .....وغالى شوية ! ... تأكد إنه لو غالى شوية بالنسبة لغيره من الصنايعية لن يكون أمين
الفنى الأمين والماهرأسعاره تكون معقولة وليست أغلى من غيره إن لم تكن أقل
وأحذرك من شراء قطعة الغيار من الميكانيكى

**MohammedAladel** · 20-04-2014 08:57 PM

ممكن حضرتك تخبرنا بأنواع قطع الغيار ؟ والصور لو أمكن ذلك ؟

**Ahmed Koller** · 20-04-2014 11:58 PM

المشاركة الأصلية كتبت بواسطة msamirahmed87

متشكر جدا لاهتمامك بس تنصحني بمين حمدي واللا سامح الهواري لان فيه شوية شغل في العربية وكنت عاوز واحد ثقة وامين وشاطر وده طبعا نادر جدا حتى لو غالي شوية مش مهم ومين بيبيع قطع غيار اصلي زي التوكيل لاني لسة جديد في الرينو وبحاول اخد خبره من اهل الخبرة

لو حضرتك فى الأسكندرية أنصحك بحمدى بيرو ( شاطر جدا جدا وكل الصنيعيه ال عنده معلمين بجد ) وفى ناس بتسيب عنده العربيات لو فيها شغل كتير وهو أمين جدا والمكان عنده أمان .. بس طبعا تبقى مع عربيتك وهي بتتصلح علشان تكون مرتاح نفسيا
وإن شاء الله تطلع الحجات ال عندك بسيطه وبالنسبة للمصنعيه كويسه ومش غاليه لو هتحسب الحجات ال انا عملتها عنده ده كان منزل قنطرة العربيه كلها واخد مصنعية 250 وغيرلى زيت وغسل الموتور .. أعتقد المصنعيه كويسه جدا

وشوف عربيتك محتاجه ايه وأسال عن سعر قطع الغيار عند واحد اسمه الوشاحى فى محطة الرمل وده رقمه 01002425262 وقارن اسعاره بأسعار الميكانيكى وممكن تلاقى اسعار الميكانيكى أغلى او أرخص بس أنا كتبتلك رقم التليفون علشان لو أحتجت حاجه

**Ahmed Koller** · 21-04-2014 12:02 AM

المشاركة الأصلية كتبت بواسطة mohammedaladel

ممكن حضرتك تخبرنا بأنواع قطع الغيار ؟ والصور لو أمكن ذلك ؟

للأسف صعب اصور الحاجه و انا ممكن أصور الحاجه القديمه بس لاكن الجديده هيبقى صعب اصورها

ال أفتكره إن المقصات ( تركى )
البطاحات ( فرنسي )
درعات الأسكترا ( فرنسي تقريبا )

**Super_Star_h** · 21-04-2014 02:22 AM

المشاركة الأصلية كتبت بواسطة msamirahmed87

متشكر جدا لاهتمامك بس تنصحني بمين حمدي واللا سامح الهواري لان فيه شوية شغل في العربية وكنت عاوز واحد ثقة وامين وشاطر وده طبعا نادر جدا حتى لو غالي شوية مش مهم ومين بيبيع قطع غيار اصلي زي التوكيل لاني لسة جديد في الرينو وبحاول اخد خبره من اهل الخبرة

بلاش سامح عشان ده مالوش فيها اساسآ وعنده شويه عيال مبيفهموش وشغل مشى حالك

**msamirahmed87** · 21-04-2014 07:45 AM

متشكر جدا يا رجالة وربنا يجازيكم خيز

الموضوع: شوية حجات صلحتها فى الميجان 2 وبالأسعار ( لتعم الفائده )

LinkBack

أدوات الموضوع

عرض

-

-

-

المواضيع المتشابهه

شوية حجات مش محتاجها للبيع

شوية حجات مش محتاجها للبيع

كهربه العربية و المساعدين و شوية حجات

شوية حجات عايز ابيعها ..

توضيح شوية حجات

الكلمات الدلالية لهذا الموضوع

المفضلات

المفضلات

ضوابط المشاركة