الموضوع: سؤال الموسم محتار بين ثلاث انواع تكيييفف

الف شكرا ليكم يا جماعة انا استقريت كدا على شارب

بس اخر استفسار انا اسف

فى انواع منة زى بلازما وديجتال وكدا

هل ليهم لازمة ولا اجيب الى من غيرهم علشان فرق السعر

انا عندي اعلى حاجه بس مش حاسس بفرق ممكن تجيب ديجتال من غير بلازما

المشاركة الأصلية كتبت بواسطة ahmed12345678

شوف يا زميل
انا عندى التلات انواع من تلات سنين
ال جى واحد ونص حصان بلازما ديجيتال
وكارير واحد ونص حصان ديجتال من غير بلازما
وشارب اتيين حصان وربع وديجتال بلازما

اسوء واحد فيهم بلا منازع هو الشارب كان فى اول صيف جبته فية تبريده كويس وبعد كده معرفش ايه الى حصل وتبريده بقى زى الزفت وكل سنه علشان يشتغل حلو ويبرد لازم الفنى كل اول صيف يديلة شوية فريون

الكاريير وال جى بسم الله ما شاء الله ممتازين جداااااا فى التبريد وربنا يديمهم على كده

اخويا ووالدى لما شافوا ال جى عندى عجبهم وكل واحد منهم جاب الصيف الماضى ال جى اتين ور بع حصان بلازما بارد ساخن ديجيتال
والاتنين بسم الله ماشاء الله اللهم لا حسد تبريد ممتاز جدا احسن من الشارب بتاعى رغم ان المساحة المركبين فيها اكبر من مساحة الغرفة المركب فيها الشارب

وكمان خالة مراتى كانت شاريه 2 تكييف شارب واحد ونص حصان وتكييف منهم معدش بيبرد وجابوا الصيانه وخدوا الوحدة الخارجية ورجعوها بعد الاصلاح بس التبريد مش كويس وكمان صوته بقى عالى
وكانوا عايزين يشتروا تكييف تلاته حصان للصالة فنصحتهم انهم يجيبوا ال جى وفعلا جابوه وبيشكروا فى تبريده وكنت زرتهم كذا مرة الصيف الى فات والتكييف فعلا تبريده ممتاز ماشاء الله علية

انصحك تجيب ال جى او كارير وان كنت افضل ال جى
وابعد تماما عن شارب لان للاسف منتجات شارب وتوشيبا كانت ممتازة زمان انما دلوقتى معرفش ايه حصلهم لان من كذا منتج توشيبا وشارب اشتريتهم بقيت الاقى اعطال او سوء تقفيل او عيوب
شارب وتوشيبا معدوش زى زمان للاسف وبقوا يسترخصوا على حساب الجودة

على فكرة والدى عنده تكييف شارب شباك واحد ونص حصان بلازما بارد فقط وكنا جايبينه اول ما تكييفات شارب نزلت فى عام 2006 وبصراحة تكييف فى الجووووووووون وتبريد ما شاء الله فوق الممتاز وصوت هادى جدا رغم انه شباك
بس ده شارب زمان ودى السمعه الى شارب عايش عليها
انما دلوقتى ولا اشيله من مكانه ولا حتى ببلاش

صحيح بالنسبة للطقطقة فهى موجودة بالفعل فى الريش بتاعه الشارب لما تكون بتتحرك وصوته رخم جدا على
وانصحك تسمعها قبل ما تشتري لان صوتها مزعج جداا لدرجة انى مثبت الريش ومش بحركها فى الشارب
والى يضحك انهم كاتبين فى الكتالوج انه ده صوت طبيعى
ومش عارف ازاى صوت طبيعى وهو التكييف الوحيد الى ريشه بتطلع صوت الطقطقة ده

والله الواحد اتجنن لو قريت المشاركات الى قبليك هتلاقى بيقلك واحدة صحبة جاب تكيفين lg وطلعو مقلب

الواحد اتشتت خالص

لسة واحد فنى بكلمة بيقلى اشترى جهاز اسمة ترين

امريكى واحسن من اى جهاز

خخخخخخخخخخ شكلى هشترى مروحة واريح دماغى

اشتري اي واحد دي ارزاق بس خد بالك من فني الصيانه ومحبس الفريون لحسن كنت هحط عليه