تويوتا تستدعي ملايين السيارات حول العالم للفحص

**yasser100** · 24-04-2014 03:18 PM

المشاركة الأصلية كتبت بواسطة mohamed.hany

زيادة السعر المحتملة و ليست الاكيدة نتيجة التضخم و فرق العملة و مش عشان الارتفاع خالص.
وده هنشوفة علي شهر ٨ و ٩ في كل العربيات مع نزول موديلات ٢٠١ش و منهم الفلوانس علي فكرة اللي جاتلي اخبار برضالعربيه هتغلي ههههه.
الكورولا اول منزلت ب ١٨٥ كان الحجز شهرين الي ٣ شهور و بعد مغليت ب ١٨٩ الحجز زاد و بقي ٣ الي ٤ شهور في حين ان العربيات المنافسة بتتسلم فورى و كمان عليها خصم ٢٠٠٠ و ٣٠٠٠.
الدولار في السوق السودا كان ب ٧.٣٠ و بقي ٧.٤٥ يعني فرق ١٥ قرش في عربية متوسط سعرها ٢٥٠٠٠ دولار يجيبلك الفرق ٤٠٠٠ جنيه اللي هي الزيادة المتوقعة بالورقة و القلم .
و انا شايف ان الاقبال برضو هيبقي عالي و الحجز بالشهور و الافر برايس في المعارض ١٠٠٠٠ ده لو لقيتها لانها سلعة عليها اقبال قوي جدا.
اخر جولة اخدتها في المعارض الاتية ( المصرية ، القرش ، سمير ريان ، عادل جودة )من اسبوع علي الكورولا مش موجودة فورى حضرتك بتحجز و تستلم في خلال شهر بأوفر برايس

يا باشا مش فرق عمله ابدا اللى ينططها من 185 ل 189 و المنتظر 192 . الدولار بقا له فتره طويله قوى 7.35 يعنى لسه الاسبوعين اللى فاتوا بس وصل 7.45 يعنى لسه ما فيش دفعات جديده من العربيه استوردت على السعر ده اصلا . غير انه المستوردين الكبار و التوكيلات لهم تسهيلات تانيه من البنوك و على السعر الرسمى . يعنى لو بيستورد بمليون دولار مثلا مش كل المبلغ المليون على سعر السوق السوده . انا نفسي مستورد و عارف القصه دى ازاى :) . مش ممكن كل الزياده فى السعر ده علشان فرق العمله .
طيب فين الفلوينس اللى عليها خصم 3000 دى :)))) . انا شارى عربيتى عليها اوفر 2000 و بالعافيه و ما كنتش لاقيها و ﻻ حتى كنت لاقى واحده اتفرج عليها فى التوكيل و الله برضه اعرف واحد اشتراها بعدى دفع عليها 5000 اوفر و ده فى الاقاليم .
سعر الكورولا لو زاد بالطريقه دى هايدمر ميزه مهمه فيها و اللى شريحه كبيره بتشتريها علشان الميزه دى و هيه ميزة سعر اعادة البيع .
شئ طبيعى انه يحط تعديل الارتفاع على المستهلك . خصوصا انه الكميه اللى نزلت السوق و اللى جات له من بره بيسحبها و يعدلها بدون اى تكلفه على المالك . و التعديل اللى طالبه مستقبلا من الشركه و انت عارف و انا عارف انه ده مش عيب فى العربيه من اصله ده تعديل مطلوب علشان يناسب ظروفنا يعنى له تمن . على حساب مين ؟ :)

**bassem.naguib** · 24-04-2014 03:30 PM

والله يا أستاذ ياسر أنا مش عارف أنت بتجزم ليه أن ارتفاع السعر نتيجة تعديل العفشة ومستبعد تماماً التضخم اللي عايشينه في ارتفاع السلع العادية وارتفاع سعر العملة الصعبة ..

مع أن المنطق بيقول أن العفشة لو خرجت متعدلة من المصنع مش حتبقى فيه تكلفة لأن أسعار المساعدين والسوست المعدلة أكيد مقاربة جداً لسعر السوست والمساعدين القديمة ..

إنما لو خرجت من المصنع بصورة معينة .. وتم تعديلها وتغيرها هنا تكون التكلفة موجودة

**Mohamed.Hany** · 24-04-2014 03:32 PM

المشاركة الأصلية كتبت بواسطة yasser100

يا باشا مش فرق عمله ابدا اللى ينططها من 185 ل 189 و المنتظر 192 . الدولار بقا له فتره طويله قوى 7.35 يعنى لسه الاسبوعين اللى فاتوا بس وصل 7.45 يعنى لسه ما فيش دفعات جديده من العربيه استوردت على السعر ده اصلا . غير انه المستوردين الكبار و التوكيلات لهم تسهيلات تانيه من البنوك و على السعر الرسمى . يعنى لو بيستورد بمليون دولار مثلا مش كل المبلغ المليون على سعر السوق السوده . انا نفسي مستورد و عارف القصه دى ازاى :) . مش ممكن كل الزياده فى السعر ده علشان فرق العمله .
طيب فين الفلوينس اللى عليها خصم 3000 دى :)))) . انا شارى عربيتى عليها اوفر 2000 و بالعافيه و ما كنتش لاقيها و ﻻ حتى كنت لاقى واحده اتفرج عليها فى التوكيل و الله برضه اعرف واحد اشتراها بعدى دفع عليها 5000 اوفر و ده فى الاقاليم .
سعر الكورولا لو زاد بالطريقه دى هايدمر ميزه مهمه فيها و اللى شريحه كبيره بتشتريها علشان الميزه دى و هيه ميزة سعر اعادة البيع .
شئ طبيعى انه يحط تعديل الارتفاع على المستهلك . خصوصا انه الكميه اللى نزلت السوق و اللى جات له من بره بيسحبها و يعدلها بدون اى تكلفه على المالك . و التعديل اللى طالبه مستقبلا من الشركه و انت عارف و انا عارف انه ده مش عيب فى العربيه من اصله ده تعديل مطلوب علشان يناسب ظروفنا يعنى له تمن . على حساب مين ؟ :)

التعديل ملوش علاقة بارتفاع السعر ،و اللي نزل مش متعدل مش كتير قوي لدرجة انه يعلي السعر لمدة ٧ سنين قدام ، و للعلم تويوتا ايجيبت مش هتتكلف حاجة برضو عشان هتاخد قطع الغيار دي و هترجعها اليابان حاجة اسمها استبدال.
انا بقولك العربيات كلها هتغلي كمان كام شهر و هبقي افكرك ان شاء الله بالموضوع ده.
و هما ملهمش علاقة غلي من اسبوعين و لا ٣ و لا سنة ، السعر عند الاستلام يا باشا. و بيبيعلك علي السعر الحالي مش من اسبوعين ياريس يا ريت كانو يعملو كدة و تبقي حاجة لوز اللوز و الله.
انا قولت فرق ال ٤٠٠٠ مش علي القديم ده علي الجديد يعني سعر الجديد هيبقي ١٩٢ او ١٩٣ من الاخر .
لو عاوز فلوانس دلوقتي عليها خصم اجيبلك و اولهم المصرية للسيارات اغلي معرض سيارات في مصر اللي في المعادي و قالي خصم ٢٠٠٠ جنيه لو هتدفع كاش و اللون اللي انت عاوزه ، قولتله طيب الكرورلا قالي كمان شهر يا فندم ب ١٩٨ الف و شكرا