الموضوع: محتار فى لون رينو فلونس

ممكن اعرف بعد اذن حضرتك اسباب اختيار الفلونس بعد بحث طويل و خاصة في السعودية

بالنسبة لاختيار الفلونس فده نتيجة انها افضل امكانيات مقابل سعر فى فئة معينة وشكلها جميل بالاضافة لتوكيلها الجديد فى السعودية نشيط جداً وسمعة كويسة والصيانة ممتازة .اما السيارات الاخرى فمثلا سيارات توكيلها سئ زى كيا ولانسر شارك فبعدت عنها .التويوتا الجديدة فقيرة جداً وسعر مبالغ فيه.هيونداى وانا بتكلم عن الالنترا فمع احترامى ليها فعزلها سئ جداً وحسيت انها خفيفة وحاجه مهمة كمان انها اكتر سيارة منتشرة كتاكسى فى السعودية ودى حاجه محبتهاش على الرغم ان فيه ناس بتعتبرها ميزة. هوندا سيفيك ومازدا ٦ الاستاندر سعره غالى وفاضية وفية سيارات تانية بنفس التمن وباوبشن اكتر.

المشاركة الأصلية كتبت بواسطة dr.wessam

بالنسبة لاختيار الفلونس فده نتيجة انها افضل امكانيات مقابل سعر فى فئة معينة وشكلها جميل بالاضافة لتوكيلها الجديد فى السعودية نشيط جداً وسمعة كويسة والصيانة ممتازة .اما السيارات الاخرى فمثلا سيارات توكيلها سئ زى كيا ولانسر شارك فبعدت عنها .التويوتا الجديدة فقيرة جداً وسعر مبالغ فيه.هيونداى وانا بتكلم عن الالنترا فمع احترامى ليها فعزلها سئ جداً وحسيت انها خفيفة وحاجه مهمة كمان انها اكتر سيارة منتشرة كتاكسى فى السعودية ودى حاجه محبتهاش على الرغم ان فيه ناس بتعتبرها ميزة. هوندا سيفيك ومازدا ٦ الاستاندر سعره غالى وفاضية وفية سيارات تانية بنفس التمن وباوبشن اكتر.

كلام جميل بس حضرتك اولا نسيت قاعدة من اهم قواعد شراء السيارات ( اشتري تبيع)
هل لو حضرتك قررت انك تبيعها تعتقد ان الفلونس تتباع بسهولة في السعودية و لو اتباعت هل فرصها مساوية للهيونداي و التيوتا و المازدا الي حضرتك ذكرتهم و كلامي عن السعودية

نيجي بقا للكلام بشكل خاص عن الفلونس لاني بحكم طبيعة عملي جربت كل سيارات الفئة دي و الفئة الاكبر منها و الي هاقولهولك رأي شخصي مش رأي خبير
حضرتك استبعدت الالنترا بسبب العزل و انا اتفق معاك تماما عزل الفلونس احسن من الالنترا و لكن عفشة الفلونس انشف من عفشة الالنترا,, سحب الفلونس اسوء من سحب الالنترا( فتيس الفلونس فتيس كسلان),,, تكييف الفلونس اسوء من تكييف الالنترا,,, اعادة البيع في الفلونس اسوء من الالنترا و ثبات الفلونس يساوي ثبات الالنترا و ان لم يكن اقل و ان كانت الفلونس اعلي من الالنترا في الارتفاع عن الارض و الصالون اقيم من صالون الالنترا

مش هقارن الكورولا بالفلونس لان مفيش وجة مقارنة للامانة و ان كنت مقدر ان الكرولا بالسعودية فقيرة بالاوبشنز فعلا

و لكن اذا كان الاختيار محكوم باللفلوس فحضرتك اكتر واحد تقدر تحسبها صح