الموضوع: الركود العالمى وهبوط اسعار السيارات

أنا قرأت تحليل عجبني أوي وممكن يكون منطقي:
1- حالة الركود اللي في امريكا واوروبا هتؤدي الى قلة السيارات المستوردة لديها (يعني الطلب عندهم هيقل).
وبالفعل شركات انتاج السيارات في كوريا واليابان واوروبا خفضت انتاجها لسنة 2009 بسبة من 10 -30 %.
2- بردة في انتاج زيادة مش هيروح امريكا ولا اوروبا فبالتالي هينزل دول الشرق الاوسط وشمال افريقيا والخليج.
يعني المفروض هيبقي في معروض كتير واوبشن افضل.
3- من المتوقع نزول سعر السيارات بنسبة معينة (انا معرفهاش) وممكن تلاحظ دوة الايام دية لو سألت عن اسعار السيارات تلاقيها نزلت في حدود 1000-2000 جنية.
على فكرة التحليل نصح اصحاب التوكيلات واللي عندهم مخزون كبير انهم يعملوا عروض ويخلصوا من المخزون اللي عنهم بسرعة
4- ممكن تفضل عربيات بنفس تمنها بس يديلك اوبشن افضل أو ممكن يخلي السداد على سنة بنفس السعر الحالي أو ممكن يعملوا تخفيض حقيقي.
5- أعتقد ان الفترة القادمة هتبقي فترة ترقب للي هيحصل (اصبر شويه ونشوف).
6- على فكرة التحليل اللي قريته كان في ملحق السيارات الجمعة اللي فاتت 17/10/2009.

اسف على الاطالة بس حبيت افيدكم باللي قريته

ياريت تنزل الاسعار
بس ها يعملو بيها في مصر

فى العربيات بالذات الاسعار لازم تنزل وخاصة اللى بتيجى متافلة برة لان الازمية المالية حتخلى فعلا المعروض اكبر فبالتالى اى صاحب توكيل مش هيقف يستنى زبون كل اسبوع فلازم على الاقل لو منزلش السعر هيعمل وتسهيلات فى الدفع او حتى يقسط المهم انه يحرك العربيات اللى عنده ويمشى عجلها

الاسعار فعلا هتنزل للتجار انما انت ياغلبان مش هتنزل لك يعنى المكسب كلة للتاجر
زى اسعار السلع الفذائية رخصت فى العالم كلة انما عندنا ولا لينا دعوة