عندى مشكلة فى مارش عربية 127

**تقيه** · 23-04-2014 01:00 AM

انا لسه جديدة فى سواقة وعربية بتبطل منى كتير فروحت للكهربائى وحل المارش وغير ترس اتكسر فيه وبعد كده مشيت كويس وبعدها برضه اول لما ادور واشغلها مارش فاصل اسمع تكه فروحت للكهربائى قالى لازم تجيبى مارش اوتوماتيك هو ده حل مشكله عايزه اعرف اجيبه منين وماركته ايه استعمال ولا جديد وبكام انا من اسكندرية ارجو الرد عليه

**aw2100** · 23-04-2014 01:12 AM

قصدك اتوماتيك المارش ده فية منه استعمال وجديد الأفضل تشترية جديد
والافضل تحلى مشكلة تبطيل العربية وتروحى لميكانيكى يعلى الموتور شوية ويظبطه علشان ده اللى بيخليكى بتدورى كتير
ممكن تشترى اتوماتيك المارش ده من عند شكوكو فى صلاح الدين كنت بتعامل معاه ايام ال128 القديمه لمده حوالى 15 سنه محل محترم واسعاره معقوله بس خدى الأتوماتيك القديم معاك وربنا يقويك !!

**تقيه** · 23-04-2014 01:22 AM

مارش اوتوماتيك
هو ايه الفرق ؟

**aw2100** · 23-04-2014 01:47 AM

دى صورة المارش وبيبقى راكب فية اتوماتيك المارش وده بيخلى المارش يعمل صوت تكتكته وميدورش

ودى صورة اتوماتيك المارش لوحده طبعا مش بتاع ال127 بس بيبقى شبهه

**احمدمحمود** · 04-02-2016 11:19 AM

عندي مشكلة في الدوارة سعات العربية 127 بتغيب في الدوارة وافضل ادور لحد ما احس ان المرش عتل وسعات بسمع تكتكة وبعدين شويه حوااي1/2 ساعة تدور عاوز اعرف عيب ايه بوجهات ولا مرش